الموضوع: مش لاقى زيت ليكوى مولى أعمل ايه ؟!!

المشاركة الأصلية كتبت بواسطة leitosr

أزيك يا باشا,, عامل أيه,
أنا كنت أتكلمت معاك قبل كدا في منتدي أسكودا وأديتك اللنك دا لما كنت عايز تحط زيت نص تخليقي علي عربيتك ودا غلط وهيا لسه جديد وعاملة كيلو متر أقل من 50 ألف
http://www.nilemotors.net/nile/378551-a.html

القصة اللي بتخليني أفضل زيت شيل عن وولف أو زادو
إن زيت وولف وزادو لما تيجي تدور علي ريفيوهات عليهم عال نت مش هتلاقي خالص,,
وياريت لو حد لاقي ريفيو محترم يبعت لي,,
لأني كدا معرفش أي حاجة عن الشركتين دول, ويافرحتي بزيت متعبي في أوروبا وهيا الشركة مفيش أي معلومات عنها علي الأنترنت ومش هعرف هل بيتبعو فعلاً المعايير اللي بتتبعها مصانع الزيت والنزين الكبيرة زي شيل وتوتال وموبيل ولا لأ,,
فعشان كدا مش هبقي عارف الزيت اللي انا هحطه في عربيتي دا نظامة أيه,,

ولو حطيت وولف أبقي أحكي لنا تجربتك معاه,, وزيت شيل مصر زي الفل عن تجربة ل 7 سنين لدلوقتي.

انا حطيت وولف مرتين وزادو مرة والاتنين تخليقي
والاتنين ممتازين ومعملوش معايا مشاكل ومعدل التغيير بين 10 و 11 الف كم
وانا غياراتي كلها عالية فوق الاربعة تاكوميتر عشان العربية تقيلة فلازم احرق عالنقلة مع الموتور ال 16 وده بيشكل حمل اكتر عالزيت
وبالمقارنة بزيت وولف اقدر اقولك وولف احسن من شيل في الاداء لحد اخر كم قبل مانزلة من العربية
ليكوي موولي من اكتر الزيوت اللي بتتبخر اللي اتعاملت معاها
وبخصوص الاضافات مابفضلش اضافات الا بعد اول 100 الف كم لكن قبل كدة الزيوت التخليقية هي مشبعه اضافات باكتر من 35 اضافة وكتر الاضافات ممكن يعمل انسداد في اماكن حساسة زي طرمبة الزيت عشان كدة التعامل معاها بتروي وعقل
تحياتي