تحميل جميع حلقات برنامج خواطر 9 للشقيري بجودة عالية تورنت (البرنامج الذي غير حياتي)

السلام عليكم ورحمة الله وبركاته
من باب رد الجميل لبرنامج غير مجرى حياتي وجعلني أفكر وأسعى لحياة أفضل وأغير من نمط حياتي التقليدي ومن طريقة تفكيري أنشأت هذا التورنت لتحميل جميع حلقات برنامج (خواطر) للمبدع أحمد الشقيري الموسم التاسع الأخير وبجودة عالية 720p
تحميل ملف التورنت من هنا مضغوط بصيغة rar
ولو كانت هناك أي مشكلة فأرجو إبلاغي فورا لأن هذا أول تورنت أنشأه صراحة :)
لا تجعل البرنامج يقف عندك وانشره بين معارفك وبعد تحميله اتركه يعمل seed فالدال على الخير كفاعله ولتكن عونا في تغيير من حولك حتى ننهض بأمتنا

لتحميل برنامج bittorrent

لو لو يعمل ملف التورنت ، يمكن تحميل الملف من هنا

Download خواطر 9 - أحمد الشقيري torrent.

اضغط على Download via torrent ليقوم بالتحميل فورا

جميل جدا البرنامج يا باشا
مشكورر علي مجهودك ..

اقتباس:

---

المشاركة الأصلية كتبت بواسطة s o p h o s

جميل جدا البرنامج يا باشا
مشكورر علي مجهودك ..

---

العفو يا جميل على ايه بس ده أقل حاجة نعملها لنشر البرامج المفيدة دي بدل البرامج المبتذلة اللي بقت عاملة زي السرطان في جسد الأمة وإلى الله المشتكى

ARAM TV - آرام تي في - YouTube

متهيألى التحميل من اليوتيوب افضل واسرع
انا حملت كل حلقاته من خواطر 1 الى خواطر 9
وخلصت 9 و 8 و 8.5 و جارى مشاهده 7

اقتباس:

---

المشاركة الأصلية كتبت بواسطة secret-man

aram tv - آرام تي في - youtube

---

اقتباس:

---

المشاركة الأصلية كتبت بواسطة elawany13

متهيألى التحميل من اليوتيوب افضل واسرع
انا حملت كل حلقاته من خواطر 1 الى خواطر 9
وخلصت 9 و 8 و 8.5 و جارى مشاهده 7

---

لأ التحميل من التورنت أسهل وأفضل علشان اليوتيوب هتقعد تحمل ملف ملف لكن التورنت ال30 حلقة في ملف واحد بتشغلهم في البرنامج وتنساهم لحد ما يخلصوا

برنامج رائع جداااا جداااااااااا يمكن من اكتر الاعمال المحترمه اللى بتتعرض على التليفزيون (اذا كان فيه غيره) وكالعاده احنا ملناش يد فيه مجرد متفرجين وبس !!!!!!!!!!!!!!

جزاك الله كل خير

اقتباس:

---

المشاركة الأصلية كتبت بواسطة besso

برنامج رائع جداااا جداااااااااا يمكن من اكتر الاعمال المحترمه اللى بتتعرض على التليفزيون (اذا كان فيه غيره) وكالعاده احنا ملناش يد فيه مجرد متفرجين وبس !!!!!!!!!!!!!!

---

صحيح للأسف
بس بيطلع فيه شوية شباب مصريين يشرحوا القلب والله ويحسسوك إن مصر لسة فيها خير وإن كان الخير ده قليل دلوقتي للأسف

اقتباس:

---

المشاركة الأصلية كتبت بواسطة sherif222

جزاك الله كل خير

---

آمين وإياك

ياريت يا جماعة اللي حمل الملف التورنت وشغله يقولنا شغال معاه كويس ولا إيه والسرعة كاملة ولا ضعيفة

جزاك الله خيرا على المشاركة الجميلة دى

السلام عليكم ورحمة الله وبركاته ...
جزاك الله خيرا ...

اقتباس:

---

المشاركة الأصلية كتبت بواسطة Mohamed_Hamid

جزاك الله خيرا على المشاركة الجميلة دى

---

اقتباس:

---

المشاركة الأصلية كتبت بواسطة elhelwany188

السلام عليكم ورحمة الله وبركاته ...
جزاك الله خيرا ...

---

اللهم آمين
وإياكم

حد يطمني يا جماعة الملف شغال ولا لأ ؟ والسرعة أخبارها إيه ؟ أنا بقالي يوم ونص مشغل الجهاز عشان أعمله seed

اقتباس:

---

المشاركة الأصلية كتبت بواسطة elawany13

متهيألى التحميل من اليوتيوب افضل واسرع
انا حملت كل حلقاته من خواطر 1 الى خواطر 9
وخلصت 9 و 8 و 8.5 و جارى مشاهده 7

---

اقتباس:

---

المشاركة الأصلية كتبت بواسطة أبو بودي وعمر

اللهم آمين
وإياكم

حد يطمني يا جماعة الملف شغال ولا لأ ؟ والسرعة أخبارها إيه ؟ أنا بقالي يوم ونص مشغل الجهاز عشان أعمله seed

---

هو ده قصدى
انا بحمل الموسم كاملاً 30 حلقه فى بضع ساعات من اليوتيوب بسرعه كامله
بظبطه بالليل اللينكات على الانترنت داونلود مانجير
واشغل القائمة
وادخل انام
ألاقى الصبح الموسم نزل كاملاً
والجهاز خلص تحميل وطفى تلقائياً

اقتباس:

---

المشاركة الأصلية كتبت بواسطة Elawany13

هو ده قصدى
انا بحمل الموسم كاملاً 30 حلقه فى بضع ساعات من اليوتيوب بسرعه كامله
بظبطه بالليل اللينكات على الانترنت داونلود مانجير
واشغل القائمة
وادخل انام
ألاقى الصبح الموسم نزل كاملاً
والجهاز خلص تحميل وطفى تلقائياً

---

ما التورنت في كل الكلام ده برده
بس الفرق إن اليوتيوب الروابط بتاعته بتتغير كل فترة فممكن تسيبه يقعد يحمل طول الليل وتصحى تلاقي معظم الملفات طلعت error لأن روابط التحميل اتغيرت وده حصلي كذا مرة على عكس التورنت اللي روابطه دائمة ومستقرة وطول ما في seeders التحميل بيبقى مفيهوش أي مشكلة

انا بنزل فيه السرعه اغلب الاحيان جميله
جزاك الله خيرا

اقتباس:

---

المشاركة الأصلية كتبت بواسطة rosebox

انا بنزل فيه السرعه اغلب الاحيان جميله
جزاك الله خيرا

---

طب الحمد لله طمنتني
جزانا وإياك

موضوع جميل فعلاً تسلم ايدك يا ابو بودي انا نفسي بجد كل الناس تشوف خواطر
لان بجد برنامج تحفة وبيوسع المدارك عند الانسان ... ونتمنى بجد نكون احسن وافضل حالاً قادر ياكريم ... وتحياتي

اقتباس:

---

المشاركة الأصلية كتبت بواسطة y a r i s

موضوع جميل فعلاً تسلم ايدك يا ابو بودي انا نفسي بجد كل الناس تشوف خواطر
لان بجد برنامج تحفة وبيوسع المدارك عند الانسان ... ونتمنى بجد نكون احسن وافضل حالاً قادر ياكريم ... وتحياتي

---

فعلا والله البرنامج ده ممكن يغير حياة أمة لو الناس وسعت مداركها واتفرجت عليه وشافت الناس برة عايشة ازاي وبتعمل ايه ووصلوا لإيه واحنا لحد دلوقتي لسة عمالين نتخانق مين الأحسن تامر حسني ولا عمرو دياب .. الأهلي ولا الزمالك !!
يا راجل ده انا كنت هتنقط وأنا بشوف الحلقة رقم 3 اللي جاب فيها الحدود بين بلجيكا وهولندا والبيت اللي قاطع الحدود وليه عدادين وجرسين !!! قارن ده بينه وبين المعبر اللي بينا وبين إخوانا المسلمين العرب في غزة اللي بنقفله وبنهدم الأنفاق اللي بيدخلوا منها الطعام والدواء وجميع وسائل المعيشة عشان دول إرهابيين ويستاهلوا الموت لكن إخوانا الإسرائيليين بينا وبينهم هدنة ولازم نحترمها !!
يارب أيقظ المسلمين من غفلتهم

طيب انا كنت عايزه بقية الخواطر كلها

خصوصا بتاعة اليابان لأنى مالقيتش منها غير 10 حلقات تقريبا

اقتباس:

---

المشاركة الأصلية كتبت بواسطة rosebox

طيب انا كنت عايزه بقية الخواطر كلها

خصوصا بتاعة اليابان لأنى مالقيتش منها غير 10 حلقات تقريبا

---

كل حلقات خواطر موجودة هنا
ARAM TV - آرام تي في - YouTube
بس المشكلة هو انه مش مقسم كل جزء في list لوحده وده اللي خلاني أفكر في إني أعمل التورنت لأني شخصيا تعبت لحد ما حملت كل حلقات خواطر 9 و 8.5 و 8 لكن ممكن حضرتك تفتحي اللينك وتعملي Load More علشان تظهر كل الحلقات أو تعملي search عن أي جزء انتي عايزاه وهو هيظهر علطول

اقتباس:

---

المشاركة الأصلية كتبت بواسطة rosebox

طيب انا كنت عايزه بقية الخواطر كلها

خصوصا بتاعة اليابان لأنى مالقيتش منها غير 10 حلقات تقريبا

---

انا حملت خواطر 1 الى خواطر 9 من اليوتيوب من قناة احمد الشقيرى

اتفضل قائمة حلقات خواطر 5 كلها 31 حلقة
حلقات فى منتهى الروعة

https://www.youtube.com/playlist?lis...859E3884F28AB5

اقتباس:

---

المشاركة الأصلية كتبت بواسطة Elawany13

انا حملت خواطر 1 الى خواطر 9 من اليوتيوب من قناة احمد الشقيرى

اتفضل قائمة حلقات خواطر 5 كلها 31 حلقة
حلقات فى منتهى الروعة

https://www.youtube.com/playlist?lis...859E3884F28AB5

---

تصدق اني مخدتش بالي من موضوع القوايم ده الا دلوقتي !
جزاك الله خيرا على الإفادة أنا كنت بتعب أوي وأنا بحمل حلقات كل موسم علشان القوائم مكنتش واضحة بس دلوقتي عرفت أجيبها منين
https://www.youtube.com/user/AhmadAl...ow=grid&view=1

جزانا الله وإياكم

يرفع للفائدة ....

جزاك الله خيراً
ممكن اعرف مصدر ملف التورنت ده؟
لو عليه برامج تانية مفيدة ندخل ننزلها؟

ممكن افهم اى التورنت ده وانزل منه ازاى

اقتباس:

---

المشاركة الأصلية كتبت بواسطة aliabutaleb

جزاك الله خيراً
ممكن اعرف مصدر ملف التورنت ده؟
لو عليه برامج تانية مفيدة ندخل ننزلها؟

---

آمين وإياك
مصدر ملف التورنت هو جهازي الشخصي وللأسف مفيش حاجة تانية غير خواطر لكن ممكن حضرتك تدخل مواقع التورنت العربي وتبحث عن أي برامج مفيدة إن شاء الله تلاقي حاجات كويسة

اقتباس:

---

المشاركة الأصلية كتبت بواسطة akramlail

ممكن افهم اى التورنت ده وانزل منه ازاى

---

التورنت ده حسب فهمي هو برنامج صغير ومجاني بتستبه على جهازك ولما تحب تنزل ملفات حجمها كبير بدل ما تقعد تدور عليها في مواقع رفع الملفات اللي غالبا بتكون ملفاتها مضروبة أو منتهية أو زائفة بتلاقي ناس عاملة الملف الكبير ده ولنفترض انه برنامج حجمه 1 جيجا مثلا ومنزلاه في ملف حجمه صغير جدا لا يتعدى 1 ميجا فبتنزله وتفتحه يقوم فاتح علطول في برنامج التورنت ويطلب منك اختيار المكان اللي هتنزل فيه البرنامج وبعد ما تختار المكان بيقعد يحمل وبتسيبه وبتنساه لحد ما يخلص ولا تشيل هم ملفات متجزئة تقعد تحمل فيهم واحد واحد وفي الآخر ممكن ملف واحد بايظ يبوظلك المجموعة كلها ! ولا بتحمل هم كهربا تقطع وانت في نص تحميل الملف ولما تيجي بتضطر تحمل الملف من الأول ولا بتحمل هم روابط بتتغير كل شوية ، التورنت بيفضل يحمل طول ما الطرف التاني اللي اسمه seeder بيعمل أبلود لأن البرنامج فكرته قائمة على المشاركة الجماعية واحد بيرفع من جهازه والتاني بيحمل منه ، والله أعلم
فهمت حاجة ؟! :D

لتجديد الإفادة