تقرير زياره مركز الصفا لظبط الكربراتير والعادم

**Ahmed_Gallant** · 26-09-2013 12:41 AM

المشاركة الأصلية كتبت بواسطة karim ibiza

ايه ياعم أحمد الكلام ده؟؟!!
اولا مبروك على ظبط العربية مؤقتا واحساسك بالرضا وان فلوسك حلال
ثانيا 1000 شكر انك حاطط موضوع للهوندا فى قسم سيات وده دليل على ان الألمانى لسه بيجرى فى عروقك

يا ريس انا بعترض
اللى اعرفه انك عندك عربية تانية للشغل وان عندك جراج تحت البيت حاطط فيه العربية
يبقى ليه معملتش موضوع الكربراتير ده بنفسك؟؟!!! كان أصول تفكه بره العربية وتطلعه معاك البيت وتعمله كوباية شاى وتفصصه بس طبعا بعد ما تكون نزلت المانيوال بتاعه وعرفت معلومات عنه

انت عارف انا لو فى القاهرة كان زمانى معاك دلوقتى وبنفك العربية مسمار مسمار

عموما 1000 مبروك مؤقتا وعقبال باقى الحاجات ان شاء الله

ربنا يبارك فيك
ياباشا كله وقته ان شاء الله وهرجع للالمانى تانى بس هيكون جولفايه 1 ان شاء الله تكون لمزاجى كده اجيبها حديد واظبطها على كيفى
بالنسبه للجراج المشكله انه مش متاح معايا طول اليوم يعنى الصبح بس عشان اخويا معاه ميجان ومبينفعشى يبيتها فى الشارع ده غير ان بصراحه خراطيم الفاكيومز كانت خضانى شويه وكنت خايف العب فيها بس ده ميمنعشى انى حليت الكارب وفصلتله جوان على ايدى لانى كنت عارف ان الكارب واخد هوا بس مكنتش اعرف انها من الماين فولد
والله يا كريم انت لو هنا فى القاهره او انا عندك فى اسكندريه ومعانا ايهاب منصور ومحمد سيد ووقت فاضى وحته جراج بهيدروليك رفع محندق كده كنا عملنا شغل عالى عالى عالى وكنا ممكن نتيون عربيات كمان انا عايز اقولك انى جبت طقم لقم المانى ومعاه مفتاح عزم صغيره ويد سيستين اللى بيسموها ساعه دى وجبت يد عزم كبيره للتقريط مخصوص بس عشان اعرف اشتغل العفشه فى البيت والحمد لله بدات فى البسيط زى التيل واللذى منه

**Ahmed_Gallant** · 26-09-2013 12:51 AM

المشاركة الأصلية كتبت بواسطة ehab_mansour

احييك يا صديقي علي صبرك و ثقتك في الله اولا ثم نفسك انك هتصل ان شاء الله
عموما لو احتجت اي حاجه اخواتك هنا معاك و الفكرة واحده و بسيطة و اللي نقصك في الدفيرة ده اسهل جزء فيها و تصميمه علي الايد سهل جدا و ممكن اساعدك انك تعمله بدور ما يكون له تأثير نهائيا علي ضفيرة الموتور و كنتروله (بتكلم عن الانارة و المراوح و التبريد )
لعلمك بحب زيك القصة دي و نفسي فقط في بيت تحته جراج شخصي بتاعي اجهزه علي مزاجي كورشة صيانه كاملة لكل شيء و تأكد تماما انك هتجد كل ما تشتهيه الانفس و تلذ الاعين و يمكن نخرج منه بعربية صغيرة علي قدنا كده .... الله المستعان و ربنا يرزقنا يااااااااااااااااااااارب

تسلم يا غالى على الكلام الكبير ده وربنا يجعله فى ميزان حسناتك
بالنسبه للضفيره فيها حبه حاجات مجننانى يعنى انا ذاكرت ضفيره العربيات الالمانى ومعظمها فاصلين ضفيره المراوح عن العربيه يعنى حتى لو العربيه مبطله المراوح تشتغل وتفصل لما تبرد العربيه لكن الهوندا مدخلين الدنيا فى بعض شويه وثرموستات تشغيل المراوح فى الكوعه ناحيه الموتور مش فى الردياتير ده غير ان ليها حاجه زى المكثفات كده وليها اربع رجول تقريبا الكت اوت بس للاسف اللى اخدتها منه شايل ثرموستات الكوعه وموصل المروحه على الكونتاكت دايركت :( وشغاله على طول
زى ما بقول لكريم احنا عندنا الهوايه بشكل رهيب ونفسى اكون معاكو فى حوار يشبه كده وان شاء الله لو ربنا كرمنى وجبت نص مش هروح لحد هعزمكو يوم جمعه نشتغل فى اللى فيه النصيب ونكمل الجمعه اللى بعدها لحد ما نقفلها :) وكل جمعه باكله شكل مره سمك ومره جمبرى
بالنسبه للكت اوت هرفعلك صوره يمكن تفيدنى بوظيفه الاربع رجول عشان اجربه عشان لو شغال هطبخ ضفيره تكون اصليه بس بنظام المانى ومفصوله عن العربيه خالص ان شاء الله
والله المستعان

**matrix012** · 26-09-2013 02:51 AM

الف الف مبروك يا باشا
انا فرحت قوى لما شوفتك اون لين على المنتدى
وفرحت اكتر لما عرفت انك بتظبط العربيه
وهفرح اكتر ان شاء الله لما نتقابل
ربنا يكفيك شرها يا باشا

**mo7amed9abry** · 26-09-2013 06:31 AM

الف مبروك يا باشا على العربية و على حل جزء كبير من المشكلة و ربنا معاك

**ehab_mansour** · 26-09-2013 09:10 AM

المشاركة الأصلية كتبت بواسطة Ahmed_Gallant

تسلم يا غالى على الكلام الكبير ده وربنا يجعله فى ميزان حسناتك
بالنسبه للضفيره فيها حبه حاجات مجننانى يعنى انا ذاكرت ضفيره العربيات الالمانى ومعظمها فاصلين ضفيره المراوح عن العربيه يعنى حتى لو العربيه مبطله المراوح تشتغل وتفصل لما تبرد العربيه لكن الهوندا مدخلين الدنيا فى بعض شويه وثرموستات تشغيل المراوح فى الكوعه ناحيه الموتور مش فى الردياتير ده غير ان ليها حاجه زى المكثفات كده وليها اربع رجول تقريبا الكت اوت بس للاسف اللى اخدتها منه شايل ثرموستات الكوعه وموصل المروحه على الكونتاكت دايركت :( وشغاله على طول
زى ما بقول لكريم احنا عندنا الهوايه بشكل رهيب ونفسى اكون معاكو فى حوار يشبه كده وان شاء الله لو ربنا كرمنى وجبت نص مش هروح لحد هعزمكو يوم جمعه نشتغل فى اللى فيه النصيب ونكمل الجمعه اللى بعدها لحد ما نقفلها :) وكل جمعه باكله شكل مره سمك ومره جمبرى
بالنسبه للكت اوت هرفعلك صوره يمكن تفيدنى بوظيفه الاربع رجول عشان اجربه عشان لو شغال هطبخ ضفيره تكون اصليه بس بنظام المانى ومفصوله عن العربيه خالص ان شاء الله
والله المستعان

يا مسهل .... ارفع و انا معاك يا صديقي

**hossamalsadik** · 27-09-2013 02:04 AM

مبروك حل المشكله نسبيا و أنك مرضى بيه

الهوندا عربيات كويسه - موتيرها عاوز الى فهمها كويس
وفى حكاية ان الهوندا سابقة عصرها فى التكنولوجيا الى بتنزل بيها عندك حق اصلى هونداوى قديم

**SYD** · 28-09-2013 05:56 AM

الف مبروك يا حاج احمد
انا اسف علي التأخير في الرد - بس والله الشغل واكل كل وقتي
انت العك دة مش هينفع - لازم ترجعها لأصولها وتشغلها انجيشكن تاني (البوابة والمسطرة والضفيرة والecu)
اما عن الكارب والمين فولد فالكلام دة للأسف مش كتير بيفهموه لما بنقوله :-(
اللي خلي الجير بوكس يتنطق "درابوكس"

شوف يا صديقي عايز تعمل ايه واحنا معاك - نلبس هدوم الشغل ومعاك لحد ما تحل كل مشاكلك
اهم حاجة انك جبت العدة - خليك مع العربية في الصيانات الخفيفة وشوية شوية هتتعلم الكبيرة
الميكانيكية مش احسن مننا ولا بيفهموا اكتر مننا - هي بس جمودية قلب وشوية خبرة

تحياتي ليك