الموضوع: تقرير عن كاوتش Achlies ATR Sport

المشاركة الأصلية كتبت بواسطة AHMED1718

مانا بقولك ال 15 مش هيحس بفروقات كبيرة لان مفيهوش مشاكل ال16 فيما فوق

بص يا باشا, أنا معايا كومهو وهوا 16 علي جنط 16 ومفهوش أي فروقات ولا مشاكل ولا بلالين الحمدلله,,
الكاوتش بقاله معايا بقاله سنة ونص و زي الفل ما شاء الله.
ماشي بيه حوالي 30 الف لدلوقتي ولسه محتفظ بنقشته, والثبات والفرامل مقلش عن الكاوتش ال Good Year الفرنساوي اللي كان جاي علي العربية ولا الميشلان.

وأنا عربيتي بيجو مش كيا والجنط عندي مقاسه 205/55R16, ومعملش بلالين الحمدلله ولا فيه مشاكل,
أنا معرفش جنط السيراتو ال 16 بيعمل بلالين ليه,, بس أعتقد أن فيه عيب في تصميم العفشة بتاعتها بيخليها تضغط علي جدار الفردة وتعمل في الكاوتش كدا,

لأن في عربيات كتير جنوطها 16 غير البيجو ومش بتعمل بلالين إلا في السيراتو,!

https://www.facebook.com/photo.php?f...&type=1&ref=nf



دا نوع الكاوتش اللي عندي Kumho Ecsta Ku31
ودا شكل ونقشة الفردة,




سعرهم ممتاز جداً علي فردة بالحجم دا كان الطقم الأربعة في حوالي 2000 جنية,,

وكانت الخيارات اللي قدامي في السوق وقتها بريدجستون وكونتيننتال ودول الطقم كان بيتكلم في 4000 جنيه,!
وال GT المعفة كانت هتدخل ف 2600 جنيه, وبقول معفنة لانها وهيا عند الراجل لاقيت جدار الفردة الجانبي متني لجوا كدا ومسكتها لاقتها ناشفة حجر, مع ان تاريخها جديد.

علي عكس الكومهو كانت ناعمة وطرية وريحة العربية من أول ما ركبتها.
دا كان موضوع كنت رادد علي واحد فيه عن الكاوتش دا وأماكن تواجده لو حبيت تغير بيه,
http://www.nilemotors.net/Nile/375253-307.html


أنا حبيت أحكي لك علي تجربتي مع الكومهو, وأنو كاوتش ممتاز من تجربتي ليه ومحصليش معاه أي مشاكل وهوا 16,, يعني العيب مش من الكاوتش ولا من الجنط ال 16 <<<
وزي ما وضحت لك في عربيات كتير جنوطها وكاوتشها 16 ومفهاش مشاكل البلالين مع الكاوتش.

ممكن يكون الموديل اللي بينزل من الكومهو علي السيراتو وحش, أو العفشة نفسها تصميمها بيحمل علي جدار الفردة,,

أنا الموديل اللي جبته Kumho Ecsta Ku31 وممتاز جداً ممكن تبقي تجربة وأنا مكنتش متخيل أني هاخد منه الأداء دا أول ما أشتريته,
بس دلوقتي لو هغير هيبقي بيه تاني ومش هصرف 4000 جنيه علي كاوتش بريدجستون ولا كونتينتال عشان الكاوتش دا مقصرش معايا ولا فرق في الراحة ولا الثبات.

فاانا حبيت أحكيلك تجربتي مع موديل الفردة دي, وربنا يوفقك في أختيارك الجاي.