الموضوع: تقرير عن كاوتش Achlies ATR Sport

نبدأ الكلام بالسلام عليكم

نخش ف الموضوع بقا ،،

من كام شهر كده كنت فى حيرة اختيار نوع كاوتش كويس بشفتين علشان البلالين ويكون مناسب لطرقنا العظيمة

استقريت على كزا نوع ومن بينهم اكليز وبريدجستون my 02 ، وفردة اسمها نيوتن

وبعد حورات واستشارات ربنا وفقنى فى حد مركب my 02 وسألته قالى وحشة وصتها عالىقلتله كفايا متكملش ،، وبعد كده قابلت حد ف السخنة مركب الاكليز على عربية اكسيل مشدودة شدة حلوة وشكله مسقط مكنة ومركب عفشة ومركب مقاس 17 فقلت هوا ده اكيد اللى هيقولى المفيد

استنيته قابلته قالى رائعة فانتاستيك ف كل حاجة قلتله الله ينور عليك
تانى يوم رحت مركز غطاطى اللى هوا وكيل مصر للفردة دى واتكلت على الله وجبت اربع فرد على ما اتذكر الفردة كانت عاملة حوالى 600

رصص ياحج جرب يابا فيه رجه على سرعات مختلفة 120 ، و140 وفوق ال190 ،

ارجع رصص تانى وكان رده اكيد الرصاص وقع العجل مش مظبوط
جرب يابا المشكلة قلت بس لسه موجودة ، طبعا قلت اغير المكان وطلعت على بريدجيستون
رصص ياحج كله مظبوط ماعدا فرده ظبط ،،
جرب تانى المشكلة قلت خالص بس موجودة على ال120
رحت لمركز تالت رصص ياحج حرام عليكم الفرد ممشيتش 300 كم
رصص
والحمد لله ظبطط
خلال الفترة دى جربت الفرد على كزا منظقة اسفلت كويس وحرير وشوية رمل على جنب الطريق وميا وملفات

النتيجة :

الفردة زى الزفت ، التماسك بتعها طين على الاسفلت وال ABS بيشتغل تقريبا فى كل فرمله ،
اما ف الملفات فحدث ولا حرج استغفر الله العظيم من كل ذنب بقيت اخاف اقرص ف الملفات اللى كنت باخدها بكل ثقة ، بالنسبة للاحساس بالمطبات والمدقات كانت الفرد القديمة ارحم بكتير رغم ان الكاوتش مظبوط نيتروجين على 30

اما للمزايا او الميزة الوحيدة انها لما بمشى ف ميا او رملة ماسكا نفسها وده تقريبا يرجع لنقشتها ،،
طبعا رحت للتوكيل بتعاها اللى هوا غطاطى بيه واقوله الزاى دى احسن فرده زى مقلتلى وفيها كل الاطران ده ، يقولى اصلها فردة ناشفة شوية كنت عايز اولع فيه الصراحة وخصوصا لما قلتله شوف تاخدها بخسارة اد ايه واخد اى حاجة طرية تخلى الفرامل ليها لازمة والرد هنا اصله مبيخدش مستعمل طب ياعم الفرد مكلمتش 1000 كم ده لسه الشوك فيها ، بس يعوض ربنا رحت ابيعهم لحد بتاع كاوتش قالى 500 الاربع فرديت قلتله حمرا وقلت الخيرة فيما اختاره الله

انا احاول اتعود وامرى لله والحمد لله

ودمتم شموعا