..:: التقرير الشامل النهائى لتويوتا كورولا 2014 ::..

**Tamer Elkateb** · 20-07-2015 06:11 PM

المشاركة الأصلية كتبت بواسطة mahmoud kimo

هو انت اكيد مظبتش الsetting l/Km
اتاكد من من setting

هتلاقيها معموله km/l

انا متأكد من ال setting. فيه اختيارين بس. اما كمظلتر او عدد الليترات / 100 كم. فى الحالتينة النتيجة غير مرضية على الاطلاق!!

**Mina_m** · 21-07-2015 05:13 AM

انا بواجه نفس المشكلة في استهلاك البنزين مع الكرولا ٢٠١٥
وكنت جبت العربية من حوالي ٤ شهور برضه
وكانت معظم الوقت معدية ال ١٠ لتر لكل ١٠٠كيلو

وحتي لما بمشي علي طريق مبحسش الاستهلاك بيقل آوي، بيوصل حوالي من ٩-١٠ لتر لكل ١٠٠ كيلو
مع العلم متوسط سرعتي ٩٠ كيلومتر/ساعة

بس عموما هي عربية ممتازة

**mahmoud kimo** · 22-07-2015 01:40 AM

المشاركة الأصلية كتبت بواسطة mina_m

انا بواجه نفس المشكلة في استهلاك البنزين مع الكرولا ٢٠١٥
وكنت جبت العربية من حوالي ٤ شهور برضه
وكانت معظم الوقت معدية ال ١٠ لتر لكل ١٠٠كيلو

وحتي لما بمشي علي طريق مبحسش الاستهلاك بيقل آوي، بيوصل حوالي من ٩-١٠ لتر لكل ١٠٠ كيلو
مع العلم متوسط سرعتي ٩٠ كيلومتر/ساعة

بس عموما هي عربية ممتازة

الع

انا عندي استهلاك البنزين من7.4 الي 8،0 كل 100 كيلو ودي نسبه كويسه بس التكيف انا حاسس انو مش اد كده شويه يسقع كويس واحيا بحس انو وحش اوي مش وحاسس دلوقى ان العفشه بتاعة العربيه تعبانه مع ان سواقي معقوله بس اي حفره اي حاجه بحس بيها ولو اخدت مثلا حفره او بلاعه واطيه شويه بسمع صوت خبطة قويه جدا فى الكاوتش(الكاوتش مضبوط على 32) كأن مفيش مساعد وراكب عربيه نقل على شرايح هو ده طبيعي ( العربيه موديل 2014 وعامل بيها 30000)

**Tamer Elkateb** · 22-07-2015 06:22 PM

انا العفشة عندى معقولة جدا. ممكن تكون دى حالة فردية. استهلاك البنزين عندى هو اللى وحش جدا. التكييف بياخد وقت جامد علشان يعمل تاثير.

انا مش فاهم ازاى عربية استهلاك بنزينها سئ وتكييفها مش اد كده تصنف عربية ممتازة. هى دى عربية ب 50 الف ولا حاجة؟! للاسف انا جبت العربية دى بناءا على معلومات غير صحيحة مكتوبة على المنتدى هنا بخصوص اداء العربية واستهلاكها للبنزين!

**abofandy** · 31-07-2015 05:35 AM

استهلاك البنزين بيتختلف ع حسب حاجات كتير :

- تنظيف فلتر الهواء
- تصفير العدادت مع بداية الرحله
- ضغط الاطارات كما هو منصوص علية من المصنع ( 33 قدام وورا ف الحموله العادية )
- نضافة البنزين المستخدم
- طبيعة الطرق الى بتمشى فيها العربية ( طرق سريع طوالى -- ولا وسط البلد وفرامل كل شوية )
- استخدام زرار الاسبورت مود و الكيك دون والحرق .. ولا لا
- استخدام مثبت السرعه ع الطرق المفتوحة ((( بتوصل لاحسن معدل للاستهلاك )))

راعى الاشياء دى وانت تحصل ع احسن استهلاك مع الفتيس الجديد cvt-is

**abofandy** · 31-07-2015 05:39 AM

يا جماعة انا عندى ملاحظات على الكورولا 2015 ومش عارف ان كانت دى حاجات عامة ولا عندى بس. انا استلمت العربية من اكثر من 3 اشهر. وانا ملاحظ زيادة تدريجية غير مفهومة فى استهلاك البنزين. انا عارف ان استخدام التكييف بياثر بس مش للدرجة دى! العربية دلوقت بتعمل 10.8 كيلو فى اللتر على الكمبيوتر وده معدل سئ من وجهة نظرى. انا برضه ملاحظ ان التكييف تعبان جدا. انا كان عندى زمان سفيك ومفيش وجة للمقارنة خالص ده حتى مراتى عندها هيونداى وتكييفها احسن بشكل واضح. افيدونا افادكم الله انا بصراحة خايف اكون اخدت خازوق ثمنه 200 الف جنيه. انا كنت ناوى على الفلوينس وبعدين قلت العب على المضمون بس يظهر انا كنت غلطان!!

تكيف اليابانى بصفة عامه معروف و الكورولا بصفة خاصة معروفة درجة كفاءته
لو عند حضرتك خبرة ممكن تفك درج الى ع الشمال وتطلع فلتر التكييف تبص علية
لو ممكن تعمل زيارة ف اقرب وقت لاى فرع من فروع التوكيل يبصوا ع التكييف لان اكيد عندى مشكلة فرديه ف التكييف لان مفيش حد اشتكى من التكييف قبل كدة ممكن يكون فية مشكلة فرديه بسيطة وتتحل لان التكييف ماشاء الله
اما بخصوص استهلاك البنزين فا انا رديت ع حضرتك فية ف التعليق السابق

**dr.mero90** · 10-03-2016 04:47 AM

جميله ربنا يكفي اصحابها شرها يا رب

**Samir_Adel** · 22-06-2016 09:12 PM

هي تورشن بيم مظبوط؟

الموضوع: ..:: التقرير الشامل النهائى لتويوتا كورولا 2014 ::..

LinkBack

أدوات الموضوع

عرض

-

-

-

المواضيع المتشابهه

التقرير الشامل لتويوتا ياريس هاتش باكYaris HB 2013

التقرير المصور الشامل لتويوتا ياريس سيدان 2014 من التوكيل

..:: التقرير النهائى عن تعديل كورولا 2014 فى الخلوص الارضى خطوة بخطوة :::..

..:: التقرير الشامل لتويوتا أوريس 2014 Auris ::..

..:: التقرير المصور الشامل لأرتفاع تويوتا كورولا 2014 ::..

الكلمات الدلالية لهذا الموضوع

المفضلات

المفضلات

ضوابط المشاركة