..:: التقرير الشامل النهائى لتويوتا كورولا 2014 ::..

**OilMan** · 26-09-2013 10:00 AM

الحجز فى تويوتا ايجيبت التجمع والعباسية 50 الف جنية

وتستلم فى خلال شهر تقريبا او شهرين انا جبتها لصديقى بالعمل فى 3 اسابيع:018a1d~146: وده يتوقف على اللون الللى حضرتك عاوزه

المشاركة الأصلية كتبت بواسطة tameeem

انا سالت التوكيل فى الغردقة اسمو ابو حتة قالى هى لسة مجتش لو عايز تحجز تبقى ب ١٩٥ الف والاستلام فى عشر ايام قالىقلما تيجى العربية يبقى السعر ١٨٥ الف زى ما هو
حد يعرف الحجز فى تويوتا ايجيبت على الفئة ال ١٨٥ بكام والاستلام امتى ؟؟
وانا سالت معرض اسمه اباظة اوتو تريد قالى لسة متفتحش الحجز عليها قالى هيتفتح على الاسبوع الجاى كدة هل الكلام دة صح ؟
فى لون كدة فى الرابط الحضرتك ادتهونى جنب الفيرانى اسمه dark steel mica هو شبه الاسود شويه بس كحلى لاكن الاسود اسمه black mica

**Tameeem** · 26-09-2013 11:17 AM

شكرا بس هو ممكن احجز حاليا على الفئه ال ب ١٨٥ الف ؟؟

**my3fox** · 26-09-2013 12:27 PM

الله ينور عليك يا باشا ..... ألف شكر....
أنا عارف إن السيارة اللي ركبتها مش بتاعتك.....
بس علشان نقطع الشك باليقين..... المشكلة الوحيدة في هذة السيارة هو خوف الناس من إرتفاعها المنخفض عن اﻷرض و حكاية الحك في مطبات المحروسة.....
لو حضرتك ممكن تحاول تعمل بيان عملي بالسيارة علي كام مطب من المعروفين و المشهورين للناس و تقول بالتجربة هي حكت في المطب الفلاني و محكتش في الفلان و يا ريت لو تبقي محمل في الكنبة الخلفية......
أنا عارف إنه طلب غلس..... بس التجربة العملية دي هي اللي حتوضح الصورة بشكل كامل و حتساعد الكثير مننا في إتخاذ القرار اللي مترددين فيه.....
أشكرك مرة أخري علي مجهودك و تقريرك اللي بذلت فيه مجهود هايل

**abofandy** · 26-09-2013 12:55 PM

انا سالت التوكيل فى الغردقة اسمو ابو حتة قالى هى لسة مجتش لو عايز تحجز تبقى ب ١٩٥ الف والاستلام فى عشر ايام قالىقلما تيجى العربية يبقى السعر ١٨٥ الف زى ما هو
حد يعرف الحجز فى تويوتا ايجيبت على الفئة ال ١٨٥ بكام والاستلام امتى ؟؟
وانا سالت معرض اسمه اباظة اوتو تريد قالى لسة متفتحش الحجز عليها قالى هيتفتح على الاسبوع الجاى كدة هل الكلام دة صح ؟
فى لون كدة فى الرابط الحضرتك ادتهونى جنب الفيرانى اسمه dark steel mica هو شبه الاسود شويه بس كحلى لاكن الاسود اسمه black mica

بص يا حبيبى
حرام تدفع المبلغ الرهيب دة وكمان مش هتستلم فورى
لو عايز تدفع ومحتاج العربية اوى ممكن تجيبها من عند سمير ريان هو كان عنده اخر واحدة الفئة التانية كانت عامله 189 وكان لونها اسود
انما تركب العربية ب 195 وكمان تستلم بعد 10 ايام اية الهبل دة يبقى حرام اوى يعنى ادفع المبلغ دة و مستلمش فورى ..
النقطة التانية مفيش حاجة اسمها الحجز عليها وقف دة كلام تجار او سوق سودا علشان هما مش فايدهم حاجة والعربية مش موجودة اساسا
ولكن
لو رحت تويتا ايجيب الفرع الرئيسى سواء في القاهرة في العباسية او في اسكندرية الحجز شغال عادى مفيش اى 7مشاكل وتمن العربية في التوكيل ب 184.900 ودة السعر الرسمى وهتحجز سواء باى مبلغ ممكن تدفع تمن العربية كله لو مش عايز تشيل فلوس رايح جاى او كدة والاستلام هيبقى في الشهر القادم ان شاء الله والشحنه هتدخل على اول الشهر وهتبدا في التوزيع على طول ان شاء الله يعنى ممكن بعد العيد العربية تبقى معاك بامر الله

بالنسبة للون هو الاسود مفيش لونين من الاسود
اللون التانى مكتوب غلط مفيش غير الاسود واحد فقط انما التانى مكتوب red اخر اتنين في القائمة هما احمر بس فية غلطة وانا كلمت احمد المهندسين في تويتيا ايجيب واكدى ان الاسود هو لون واحد بس

**abofandy** · 26-09-2013 12:58 PM

عاش يا ريس ع التقرير

بس انا والله مكنتش بتريق ع الخاصيه بالعكس انا احترمتهم انهم نزلوها

انا بتريق عليينا و حال الميكروباصات واماكن الركنه هههه

تسلم يا دكتره
انا عملت التقرير دة مخصوص والله علشانك يا دكتر عمرو لما قولت اكتب الكلام دة في موضوع بتاع الخلوص الارضى علشان نطمن الناس فقولت انا لازم اسمع كلامك علشان انت حبيبى هههههههههههه

بالنسبة لموضوع الخاصية بتاعة الركن انا بهزر طبعا بس حبيت اوضح للناس اى نعم هى مش مفيدة اوى عندنا بنسبة كبيره بس دى حاجة تطمن ان مفيش خاصية بتتشال من عندنا علشان احنا في مصر انما في اوروربا بتبقى موجودة في العربية يعنى زى ما قولت مفيش خيار وفقوس زى عربيات تانية مشهورة بيشيل خاصية ويخصم تمنها ويحطها في فئة تانية ويبقى للعربية عشرين فئة وتوه انت بين الفئات بتاعتها

حبيبيى انت يا دكتره هههههه

**abofandy** · 26-09-2013 12:59 PM

الحجز فى تويوتا ايجيبت التجمع والعباسية 50 الف جنية

وتستلم فى خلال شهر تقريبا او شهرين انا جبتها لصديقى بالعمل فى 3 اسابيع:018a1d~146: وده يتوقف على اللون الللى حضرتك عاوزه

كلام سليم مليون المية
تسلم الايادى

**abofandy** · 26-09-2013 01:00 PM

شكرا بس هو ممكن احجز حاليا على الفئه ال ب ١٨٥ الف ؟؟

طبعا يا فندم ممكن تحجز دلوقتى او في اى وقت
وهما بيقولك بعد شهر وكحد اقصى شهرين
بس من الكلام ان الدفعة اول الشهر وهتبدا في التسليم على طول والاولويه حسب الحجز واللون طبعا

**abofandy** · 26-09-2013 01:02 PM

الله ينور عليك يا باشا ..... ألف شكر....
أنا عارف إن السيارة اللي ركبتها مش بتاعتك.....
بس علشان نقطع الشك باليقين..... المشكلة الوحيدة في هذة السيارة هو خوف الناس من إرتفاعها المنخفض عن اﻷرض و حكاية الحك في مطبات المحروسة.....
لو حضرتك ممكن تحاول تعمل بيان عملي بالسيارة علي كام مطب من المعروفين و المشهورين للناس و تقول بالتجربة هي حكت في المطب الفلاني و محكتش في الفلان و يا ريت لو تبقي محمل في الكنبة الخلفية......
أنا عارف إنه طلب غلس..... بس التجربة العملية دي هي اللي حتوضح الصورة بشكل كامل و حتساعد الكثير مننا في إتخاذ القرار اللي مترددين فيه.....
أشكرك مرة أخري علي مجهودك و تقريرك اللي بذلت فيه مجهود هايل

اشكرك حبيبى وصديقى
بس فية احد الزملاء عمل تجربة عملية وقاس بمسطره بالفعل الخلوص الارضى والعربية محمله ناس بس والعربية واقفة مش ماشية او على مطب معين
على العموم لو ربنا قدرنى هحاول اعملك التجربة دى بس المشكلة انى مش من سكان القاهرة انا من المنصورة فمش عارف المطبات المشهورة في القاهره اية هههه بس يله ربنا يعمل الى فية الخير يارب

**abofandy** · 26-09-2013 01:37 PM

شكلها هتبقى هى ان شاء الله لان مفيش البديل مكانها سواء وسع واوبشن ةربنا يقدم الى فى الخير
ويارب مشكله الارتفاع دى تتحل علشان المطبات فى السويس عايزة دبابه :(

توكل على الله وزى ما انت قولت مفيش بديل مكانها
سواء في اعادة البيع
الاعتمادية
التوكيل
قطع الغيار
والاوبشن الموجودة
والشكل الجديد الرياضى

بالنسبة لموضوع المطبات فهى اقل من الموديلات الى قبل كدة
بس تاكد مليون المية ان مفيش عربية كامله في العالم ولو جت على قد حكه اثناء التحميل الكثير فمقدور عليها ان شاء الله

بس لازم تقولى هتجيب لون اية ؟ اية اللون الى شادك منها ؟