..:: التقرير الشامل النهائى لتويوتا كورولا 2014 ::..

**OilMan** · 27-09-2013 12:39 AM

ثمن الكاسيت فى القديمه الهاى لاين 6 سى دى اكسانجر 12 الف جنيه يبقى ده بكام

المشاركة الأصلية كتبت بواسطة abofandy

الله عليك وعلى ذوقك في الالوان
انا عجبنى الاتنين انا كمان فعلا بس يمكن عندنا في البيت 2009 رمادى يبقى صعب اجيب اللون دة تانى احتمال كبير استقر على الفضى
بس سوال : هو انت لية عايز تدارى النيكل الى قدام العربية مع ان المفروض يبان ويظهر بيدى شكل جمالى اكتر علشان كدة الناس بتشترى نيكل بفلوس قد كدة وتحطه في عربيتها يبقى انت عايز تخبيه ؟؟؟؟

الكاسيت الى في الفئه ب 185 للاسف تسجيل عادى مش تاتش ... الفئة الهاى لين ال 210 هى الى تسجيل فيها تاتش ..
فانت هتعمل زى بالضبط لما تجيب العربية هتشترى التسجيل دة من التوقيع وهما يركبوه بس هو بكام انا معرفش سعره .. بس مش هينفع معاهم اعتقد مساله البدل وتدفع انت الفرق يعنى اعتقد مش هيوافقوا انهم ياخدوا التسجيل الاورجنال الى نازل في العربية وتدفع فرق التسجيل ويركبلك التانى .. فا انت هتشترى التسجيل نفسه وتعين التانى او تبيعة .... السوال بقى تمن التسجيل التاتش بالكميرا الى بتنزل معاه دى يساوى كام ((( في وجه نظرى لا يقل عن 5000 او 6000 جنيه )) يارب يطلع كلامى غلط ويبقى باقل من كدة علشان اجيبه هههههههه

**abofandy** · 27-09-2013 12:44 AM

ثمن الكاسيت فى القديمه الهاى لاين 6 سى دى اكسانجر 12 الف جنيه يبقى ده بكام

يا قلبى ... أية الرقم الى اتخبط دة
مممممممممممممممم
اعتقد التسجيل التاتش هو سى دى 6 سماعات مش يدخل فية 6 سى دى اسانجر
مش عارف بس اكيد الكاسيت التاتش هيعمل مبلغ بس بصراحة شكله تحفة في التابلو بس هنسئل برضة اكيد مش هنخصر حاجة

بس الرقم كبير اوى ياااااااااااااه دة تسجيل يا جدعان مش سوند سيستم كامل يعنى
اللهم لا ااعتراض

**abofandy** · 27-09-2013 01:10 AM

حبيبى يا هيثم باباشا
انا قولت اعمل اية اصل انت عارفنى بقالى اكتر من 3 اشهر محتار ومش لاقى حاجة تبقى صريحة كدة ومقارنات بين الالنترا وعايز مواصفات معينة مش لاقيها فقررت ان اجيب تويتا ولقيت الناس تايه بمعنى الكلمة واسئلة محدش بيرد عليها قولت اتعب انا واجمع شوية معلومات وانزل الشارع واصور واقابل ناس بتفهم واجمع ونفهم ونفهم بعض لما نوصل لتقرير محترم يبقى مرجع لينا ولكل الناس تشوف عيوب ومميزات وتبص على العربية والوانها وهى قاعده في مكانها ومتنزلش تروح المعارض وغيرها

وبرضة زى ما قولتلك قبل كدة يا هيثم بابشا انا بحب رايك وبثق فيه هههههه حبيبى يا هيثم باشا

**bassem.naguib** · 27-09-2013 02:14 AM

هو محدش جاب سيرة اللون البرونزي ليه ؟!

مع أنه من الألوان الكويسة اللي تظهر النيكل وأفتح من الرمادي وأغمق من الفضي

**abofandy** · 27-09-2013 02:33 AM

هو لون جميل طبعا وكل حاجة بس انا للاسف مشوفتاش في المعرض او التوكيل علشان اقدر اجيب صوره بس انا شوفته في عربية ماشية كان جميل عليها ماشاء الله والفرش فيه بينزل على حسب اختيارك يا بيج يا اسود

زى ما قولنا قبل كدة الالوان اذواق وكل حاجة بس انا راى الشخصى ان اللون دة مش ظاهر في الكورورلا اوى زى انواع تانية زى مثلا النيسان الصنى الجديدة اللون دة فيها خرافه وبرضة الاسكودا اللون البرونزى فيها ناطق العربية .. في التيويوتا هو جميل بردة بس مش عارف حاسس انه مش مميز اوى في الكورولا (( لولا اختلاف الاراء لبارت السلع ))

لو حضرتك مقتنع بيه توكل على الله فهو لون جميل ولو قدرت اجيبلك صوره له مش هتاخر عليك

**abofandy** · 27-09-2013 02:58 AM

الستييرينج ودقة التوجيه في العربيه ده روعه بجد

احسن من الفنتازيا

وانت واقف الدركسيون خفيف جدااااااااااااااااااااااا ااا ومع كل 20 كم بيزيد تقله

ومجرد ماتفكر تحركه في ثواني الاستجابه برافو بجد للعزل والستيرينج روعه

الله عليك يا دكتره وانت كل شوية تديلنى حقنة فيتامينات كدة للعربية
تجرب حاجة وتيجى تقولنا على طول ربنا يكرمك يارب
وان شاء الله تديلنا التجربة العملية على المطبات بالنسبة لتخوف الاعضاء من الحكه في المطبات وكدة
الناس عمرها ما هتقتنع الا لما تشوف بعنيها تجربة عملية كدة يا دكتره وانا اجى اصور مفيش مشاكل عندى ههههه

**abofandy** · 27-09-2013 03:01 AM

الكرولا فى الأتجاه الصحيح عقبال الهوندا

والله انا قولت الكلمة دى اول لما شوفت صور العربية
وقولت اتمنى ان اادخل العربية دى واشوف اية الجديد فيها
اول لما شوفت بس تغير في شكل التابلو قولت هتبقى الحصان الاسود يا كوكو ( كورولا ) العام دة
وبعد الدخول للتفاصيل بدات اجمع الخيوط عنها
وفى النهاية والمجمل العربية تحفة فنيه وميكانيكه واداء بس نفسى اكمل المنظومة واعمل تجربة عملية عن المطبات والحك والارتفاع نفسى اريح الناس واجيبلهم القرار الاخير والنهائى بشى ملموس او مشاهد حتى نقطع الشك باليقين

-

-

-

الموضوع: ..:: التقرير الشامل النهائى لتويوتا كورولا 2014 ::..

LinkBack

أدوات الموضوع

عرض

-

-

المواضيع المتشابهه

التقرير الشامل لتويوتا ياريس هاتش باكYaris HB 2013

التقرير المصور الشامل لتويوتا ياريس سيدان 2014 من التوكيل

..:: التقرير النهائى عن تعديل كورولا 2014 فى الخلوص الارضى خطوة بخطوة :::..

..:: التقرير الشامل لتويوتا أوريس 2014 Auris ::..

..:: التقرير المصور الشامل لأرتفاع تويوتا كورولا 2014 ::..

الكلمات الدلالية لهذا الموضوع

المفضلات

المفضلات

ضوابط المشاركة