الموضوع: ..:: التقرير الشامل النهائى لتويوتا كورولا 2014 ::..

كل الى جرب قال مفيش تاثير ع ثبات العربية
وراى ان الثبات هيبقى مدروس حتى لاتخل بالثبات الالكترونى المدمج بالسيارة
والارتفاع دة موجود قبل كدة فى الكورولا 2014 ف روسيا والخليج يعنى مش افتكسوا حاجة جديدة للمحروسة
اتمنى تكون فكرتى وصلت

الكاسيت لا
لان كل الى بتعملة بتشيل الفيشة بتاع الكاسيت الاورجينال وتركب فيشة الكاسيت التاتش بدون تقطيع فى اى اسلاك او اى حاجة وبيجى معاه كاميرا كمان
السعر فى التوكيل مبدايا من 4000 الى 5000 بس دة كلامى بس لان لسة قطع الغيار موصلتش والتركيب مجانى فى التوكيل ومعاه الكاميرا بتاعته


بالنسبة لجهاز التتبع انا معرفش فكره عمله اية
بيوصل على اية فى العربية (( الولاعة .. فردة من البطارية .. طرمبة البنزين .. ))
لازم تعرف هو بيركب على اية بالضبط

وفكره عامه كدة
ركب الى انت عاوزة بدال مفيش اى تقطيع فى اى اسلاك او حاجة يبقى زى الفل متقلقش من حاجة
وطول ما الحاجة مفيش فيها مشاكل وشغاله التوكيل مش بيتكلم بس ساعات بيتلككوا بس لو كان فية مشاكل حصلت لقدر الله

المشاركة الأصلية كتبت بواسطة حسام قناوى

شكرًا علي اهتمامك
أظن ان الكاميرا لازم تاخذ فرده من نور المارشدير
وبالنسبة لجهاز التتبع بياخد فردة كهربا وبيتوصل بطلمبة البنزين عشان يمنع الدواره

اعتقد الكاميرا مش معضلة اوى
لان الفردة الى هتتاخد من المارشدير مش هيبقى فية تقطيع ولا حاجة ان شاء الله يدوب هيلمسه مع اللمبة مفيش فيها مشاكل دى

انما المشكلة فى جهاز التتبع
المشكلة فى حاجتين /:
الاولى : تخص الحراميه .. الحرامية بقت مثقفة جدا جدا واول حاجة لو العربية وقفلت بيفتشوا العربية حتة حتة على الحهاز وفية ناس بتشيلوا ودور العربية تانى مفيش اى مشاكل خالص ودة حصل مع واحد وحكالنا الموقف تحس دلوقتى ان الحرامى بقى بيدخل على النت ويشوف اية الجديد وازاى يتفاده


الثانية / تخص التوكيل ان هيبقى فيها لعب جامد اوى جهاز التتبع دة فى العربية
يعنى هتاخد كهربة ممكن نقول مش مشكلة ممكن تتاخد فردة من البطارية على طول عن طريق عروة فدى سهلة القصة ومش هيبقى فيها اى تقطيع سلوك ولا نيلة ولا حتة عايز تشيلها هتفك العروة دى من البطارية وخلاص خلصنا وانتهى الحوار على كدة
بس المشكلة التانية فى طلمبة البنزين دى هيبقى اية ظروفها والجهاز دة هيتخبى فين



هى بصراحة فكره جامدة جهاز التتبع دة وعلى الاقل امان
وانا نفسى اعمله بصراحة بس محتاج حد يشجعنى وانا اعمله لو لقيت الدنيا تمام
يكفى انى هبقى مطمن وانا سايق العربية بالليل


بالتوفيق وومستنى منك السحبة الاول وانا وراك على طول

والله انت قولتها ورديت على نفسك
الاوبشن والكماليات .. المصر يكسب
بالنسبة للحرارة مش فارقة كتير بس الى انا اعرفه من زمان بين الخليجى والمصرى فى اى موديل
1 - ان بيبقى بوهية العربية معالجة بطريقة انها تستحمل الحرارة العالية
2 - ان الفرش بتاع العربية من جوة بيبقى فاتح مش غامق علشان الحراره

بالنسبة للتكيف اليابانى كله معروف انه تكييفه ممتاز سواء خليجى او مصرى
بس ملحوظة ان التكييف فى الخليجى حتى فى الفئة الاعلى ( سمارت كى ) التكييف بكر وليس تاتش