..:: التقرير الشامل النهائى لتويوتا كورولا 2014 ::..

**abofandy** · 10-03-2014 10:21 PM

باسم باشا نجيب
دائما تكمل الناقص وتعوض الفارق
فلك منى كامل الاحترام والتقدير على المعلومات الجميلة الى دايما لا تبخل بها عن كل الاعضاء
ربنا يجعله فى ميزان حسناتك

**mo7a_mo7a** · 11-03-2014 05:17 PM

الف الف مبروك ربنا يبارك لك فيها ويديك خيرها ويكفيك شرها

**abofandy** · 13-03-2014 10:07 AM

مرسيى ربنا يخليك يارب
اشكرك على المرور والدعاء الجميل
ربنا يتقبل يارب

**abofandy** · 21-03-2014 12:00 AM

لا يا فندم هى مش رشاشات الانجكشن لان رشاشات الانجكشن بعيده شوية وموجودة فى الكنبه الى وراه
انما الى بيشتغل دة مروحه التبريد ودى موجودة فى صدر الكبوت ودى موجودة عندى وعند كل الناس فى الكورولا 2014 وانا جاوبت على سوال حضرتك قبل كدة

**abofandy** · 21-03-2014 05:51 PM

ربنا يخليك يا حودة ويكرمك وتحب العربية كمان وكمان بس تدينى لفه بيها بقى هههه
بص يا صاحبى العربية بتختلف من فرد لفرد وقت استلامها
يعنى انا مثلا اول لما استلمتها كانت العداد بتاع الهواء قارى 30 ورا و 31 قدام
ودة كويس اوى اوى اوى

بس ظبتها بعد كدة على 32 قدام وورا والدنيا مشيت كويسة والعفشة كانت ماشاء الله ناعمة وزى الحلاوة
بس كدة لقيت العربية بدات تحك فى المطبات الى فى الشوارع والصوت بيوجع القلب قولت اقرا الكاتلوج واشوف الدنيا ممكن لحد اية
لقيت فى السرعات العالية اكتر من 160 مسموح ليك لحد 38 فقولت وماله نجرب مش هنخسر كتير

وبالفعل عملت كدة بس لقيت العفشة نشفت شويتين تلاته معايا قولت لا ياعم الحاج نقلل شوية
ووصلت انى حطيت 35 هواء قدام وورا زيه والدنيا مشيت وبقى كويسة العفشة نشفت سنه عن 32 الضغط المعتاد ولقت نشوفيه من 38 (( غير الامور االوسط ))

وبعد ما رحت التوكيل فى صيانه الالف لقيت هما ظبطوه على 33 قدام وورا 32 وبصراحة العربية بقت كويسة والحك فى المطبات بيبقى بس فى المطبات الرخمه شويتين تلاته بس

انا عارف انا حكيت قصة طويلة عريضة بس حبيت اشركك معايا القصة من اولها لنهايتها
بس لو الدنيا ماشية معاك كويس والطرق كويسة معاك خليه على 32 قدام وورا والدنيا هتبقى كويسة
وياسلام لو تخليها نيتروجين كمان العفشة هتبقى انعم واطرى وكمان علشان احنا داخلين على الصيف وربنا يباركلك فيها يارب ويحفظها ليك من شر العين والحسد
بس برضة هتدينى لفه هههه