أنتم مكبرين الموضوع ليه !!!!!
يا جماعة اللي يعجبني ممكن ميعجبش غيري والعكس صحيح .. ولولا اختلاف الأذواق لبارت السلع .
أنتم مكبرين الموضوع ليه !!!!!
يا جماعة اللي يعجبني ممكن ميعجبش غيري والعكس صحيح .. ولولا اختلاف الأذواق لبارت السلع .
1. مشكلة التزييق بتاعة التابلوه ظهرت مع اكتر من 4 اشتكو فى المنتدى وديه نسبة عاليه جدا عشان شوف كدة اللى معاهم التويوتا الجديدة كام واحد منهم مشترك فى المنتدى وكام واحد منهم بيشارك وبيتابع الاخبار و المناقشات بصورة دورية,, يعن مثلا ان شوفت 4 اشتكو وانا منهم من صوت التزييق و تلاتة ردوا ومنهم حضرتك ان مفيهاش صوت, ده معتاه ان معظم العربيات نازلة بالصوت ده و فى ناس بتفرق معاها وناش تانية مش عارفة ان ده عيب و ممكن فى ناس مش ملاحظاه,, (صح ولا لأ)
2. بردو مشكلة عزل الرائحة مش مشكلة فردية و ده تانى عيب فى تقفيل العربية بعد صوت التزييق. يعنى لما بتكون ضاغط على مفتاح تدوير الهواء داخلى وقدامك عادم عربية ولا اوتوبيس بتشم جزأ منه و العيبين دول أسوأبكتير من انى أقول ان خامة المفتاح بتاع الزجاج او كلبس درج التابلوه مش حلو. يعنى العيوب اللى موجودة بأستمرار مع حركة العربية , ديه تعتبر عيوب قاتلة(صح ولا لأ)
3. و فى مشكلة كمان التوكيل نفسه لاجظها ان قفلة الشنطة بتاعة 2014 اتفل جدا وتعتبر عيب برده فى تقفيل العربية بس فى موديلات 2015 تداركو الخطأ و دلوفتى الشنطة بتقفل باللمس.
4. وطبعا انوار الفوج لايت اللى اكنها مش موجودة كانت المفروض تتغيى على حساب التوكيل لموديلات 2014 عشان احنا المفروض كنا دافعين تمنعا فى اوبشنات العربية.
الكونكلوجن
التقفيل التركى زى اى تقفيل عربية برة بلدها , يعنى رأىى ان الاتراك دول كشعب غبى فى التعامل و صعب انه يفهمك خالص, وده معروف عن الاتراك. تخيل بقى واحد يابانى بيشرف على واحد تركى لازم طبعا تظهلك عيوبب فى التقفيل, انا شايف ان التقفيل التركى مفرقش عن التقفيل المصرى و يا عالم كان ممكن المصرى ساعتها يكون احسن
كل اللي حضرتك قولته ده ملوش اي علاقة نهائيا بالتقفيل ماعدا صوت التزييق و ده شئ وارد كخطأ بشري و لو معظم العربيات كدة يبقي ليه مثلا انا مشتكتش او باسم او ابو فندى او او او ليه ٣ بس اللي اشتكو و غالبا دي هتلاقيها حاجة مفكوكة او خرجت من مكانها و لو وديتها التوكيل هيلاقو حل ان شاء الله سريعا لو ملاقوش حل انصحك تبيع العربية لان شكلك قافل منها و مش قادر تستحمل العيوب اللي فيها من وجهة نظرك ، تحياتي.
1. الناس اللى اشتكت من مشكلة الصوت اللى فى تابلوه الكورولا 2014 او 2015 اكتر من اللى اكدوا ان مفيش صوت عندهم و ده يدل على ان ديه مش مشكلة فردية او زوجية يعنى لو فى مصحف فى المنتدى ممكن نحلف عليه كنا حلفنا. والمنتدى بيناقش المشاكل مش بيدافع عنها او احنا مثلا عاملين اكونت عشان نفترى على العربية.
2. صوت التزييق واضح انه ظهر بعد اللعب فى العربية و تعديل الارتفاع وده عن ملاحظة شخصية ظهرت معايا.
3. خبرة التوكيل ان يعالجو الصوت ده تكاد تكون معدومة عشان اللى اشتكو قبلى معرفوش يوصلو لحاجة
المشكلة ديه مش فى مصر بس يعنى مش فردية جوه مصر ديه مشكلة منتشرة زميل فى المنتدى اكد كلامنا بظهور المشكلة فى امريكا مثلا وعمل شير للبوست وانا بأكد كلامى بالصدفة وانا بدور على حل لقيت فى ناس تانية بتعانى من الصوت ده [url=http://www.toyota4arab.com/forum/t292327.html]
4. مش كل اللى ظهرت عندهم المشكلة دخلو المنتدى و اشتكوا فيه عن ظاهرة صوت التابلوه عشان نقدر نقول اصلها مشكلة فردية او حتى التوكيل مش حيطلعلى كشف بأسماء اللى اشتكو من الموضوع ده ويقولى سجل اسمك.
5. فى ناس كتيرة قبل ما بيشترو عربية بيتصفحو المنتى ويشوفو الكلام المتداول عن العربية اللى بيقرر يشتريها و بيشوف الكلام الحلو و السيئ عن العربية و هو بيحكم. ومحدش بيشوف مشكلة ويقول اصلها فردية عشان بردوا فردية ديه او كام واحد اشتكو ممكن يكون عليه الدور و يلبس نفس المشكلة.
6. يا ريت كدة نشوف الناس الاكتف على الجروب وساعتها نقدر نقول ديه مشكلة فردية ولا لأ
http://www.nilemotors.net/Nile/380575-a.html
7. الحمد الله الواحد ركب عربيات كتيرة وبيعرف الشنطة بتتقفل ازاى وبيعرف فيها مشكلة فى قفلتها ولا لأ ومش محتاج حد يقولى. واللى يأكد عل كلامى المهندس بتاع التوكيل كان يا ريتوا معانا فى المنتدى - وقالكم اللى قالى عليه او اللى لاحظه. و ده ميعتبرش عيب دلوقتى عشان كل ال 2015 قفلة شنطتها زى الملبن وبتقفلها من اى حته ومش محتاج اهبدها من العلامة زى بتاعة 2014
8. التوكيل الحمد الله عرف يظبط قفلة الشنطة زى بتاعة 2015 و انصح اللى معاهم 2014 يروحو التوكيل و يخليه يظبطلهم العربية عشان فى فرق كبير.
بص حضرتك، هاقول لك رأيي بمنتهى الأمانة...
أولاً، أنا نازل من 2012 Elantra Fully Loaded.. واشتريت 2015 Corolla Full Option وراكبها بقالي أسبوع تقريباً.
ثانياً، لازم حضرتك تنسى كل موديلات الكورولا اللي فاتت، لأن بجد 2014 و 2015 عربية تانية خالص!
ثالثاً، أحب ألفت نظر حضرتك إني أساساً ماكنتش حابب شكل الكورولا خالص، وبالنسبة لي (حتى الآن) الإلنترا لها الأفضلية من حيث الشكل الخارجي.. بصراحة اللي صممها عبقري.. وكانت أكتر حاجة مش عاجباني في الكورولا إكصداماتها والخطوط الحادة قوي اللي فيها (مسألة أذواق) فحاولت أتغلب على الحكاية دي بإني جبتها سوداء، علشان أقفل الخطوط دي وأكسر حدتها!
رابعاً، تابلوه الإلنترا ممكن يكون من وجهة نظر ناس كتير (أنا كنت منهم) أشيك.. يعني فيه حركات وبومبيهات وتقسيمات عاملة منظر حلو! لكني اتعودت بسرعة جداً على تابلوه الكورولا (هو دماغ تانية خالص).. ولقيتني معجب بيه كمان.
خامساً، واعتقد إن ده هو الأهم.. جوهر العربية.. العربية بصراحة ماسكة نفسها جداً عن الإلنترا.. بجد الفرق ملحوظ قوي.. بتركب تحس كدة إن العربية Solid وراسية على الأرض، سواء في المشي جوه البلد أو على الطرق السريعة.. وثباتهاعلى الطريق أحسن كتير قوي.. وأهم حاجة إنك هاتسمع ناس بتقول لك إن التسارع في الإلنترا أحسن.. ده لأول مرة أنا سُقت العربية حسيت بيه فعلاً! لكن بعد ما تعرف وظيفة زرار Sport وتجربه هاتعرف إن الكلام ده مش دقيق خالص.. هو بس اللي لاحظته إن صوت موتور الكورولا بيبقى أعلى لما بتستخدم وضع Sport.. وأعلى من الإلنترا طبعاً.. بس الزرار ده أوبشن هايل في استخدامه، وعدم استخدامه... استخدامه بيديلك تسارع وعزم أحسن (لما تحتاج).. وعدم استخدامه بيوفّر لك في استهلاك البنزين بطريقة ملحوظة... قعدة الكورولا أريح بكتير من قعدة الإلنترا ومختلفة تماماً عن موديلات كورولا اللي فاتت كلها... عوامل الأمان (اللي ممكن ترجعلها في أول صفحة في البوست ده) تفوق الإلنترا بمراحل.. بجد مراحل!
الفتيس ال CVT اللي الناس لسة قلقانة وكاشّة منه، أنا مش حاسس إنه وحش.. ومقدرش أديلك رأي كامل عنه... محتاج حد راكب العربية بقاله كتير، ويكون أكثر خبرة مني.
صالون الإلنترا له الأفضلية طولياً.. لكن صالون الكورولا له الأفضلية عرضياً.. يعني في الكورولا لما 3 يركبوا ورا، يبقوا مستريحين أكتر من الإلنترا.. بس لما ترجع الكرسي الأمامي على الآخر، تلاقي المساحة بينه وبين الكنبة الخلفية في الإلنترا أوسع (بنسبة بسيطة)... شنطة الإلنترا أكبر من الكورولا ب 51 لتر.. فرق فعلاً كبير.. بس فتحة شنطة الكورولا أوسع من الإلنترا.
دركسيون الكورولا أنعم بكتير قوي عن الإلنترا، وبيتقل معاك لما السرعة تزيد.. ودي حاجة كويسة قوي... صوت السماعات أفضل بكتير قوي قوي عن الإلنترا... عزل الصوت أفضل من الإلنترا بطريقة ملحوظة... فرامل الكورولا أفضل بكثير، مع ملاحظة إن الفرامل الخلفية في الكورولا ديسكات (Disc)، وفي الإلنترا قباقيب (Drum).. وده بيعمل فرق كبير قوي في أداء الفرامل!
وبأمانة الحاجة الوحيدة اللي مش عاجباني فيها هي التعليق الخلفي لأنه دنجل بعرض العربية ساقط فيه المساعدين بالسوست (Torsion Beam) بس ده مش وجه مقارنة أصلاً لأنها زيها زي الإلنترا والسيراتو والأوكتافيا وكل العربيات تقريبا اللي في حدود 200 ألف جنيه!
الخلاصة يا باشا.. لو ميزانيتك تسمح، اتوكل على الله ومش هاتندم... ومبروك مقدماً، أياً كان اختيارك :)ض
السلام عليكم
من فضلكم عايز اعرف الفرق بين كرولا ٢٠١٤ ًكرولا ٢٠١٥
شكرًا وتقبلوا احترامي
لا توجد فروق إلا في سنة الموديل فقط
انا بضم صوتى لل 3 اللى بيقولو ان فيه اصوات تزييق فى التابلوه انا ظهرت معايا المشكله دى بس الصوت طالع من الشاشه ولما روحت صيانه الالف كيلو قالى هايعملولها تثبيت تانى والمشكله هاتتحل بس للاسف لسه معاملتهاش لانى كنت مسافر جده وراجع الباحه تانى مشوار يعنى يعمله بتاع 800 كيلو والعربيه زى الفل على الطريق بعد 170 ولا بسمعلها صوت غير مشكله الشاشه وهاروح بكره ان شاء الله الصيانه وابلغكم بعد التصليح باذن الله
تسلم ع الكلاماقتباس:
hazem elderwy
لخصت كتير اوى فى كلامك
واشكرك ع المصدقية فى نقل التجربة