الموضوع: ..:: التقرير الشامل النهائى لتويوتا كورولا 2014 ::..

المشاركة الأصلية كتبت بواسطة abofandy

انا تحت امرك يا دكتور احمد
لو لسة محجزتش عرفنى قبل ما تحجز
ولو حجزت عرفنى حجزت مع مين فى فرع التجمع وان شاء الله ع قد ما نقدر تستلم ف اقرب وقت وخصوصا ان اللون متوفر ان شاء الله
رقمى فى البروفيل واتشرف بمعرفه حضرتك

حاولت الاتصال بك د. محمد ولكني لم اوفق
اتمني منك معاودة الاتصال بي علي رقمي في البروفايل .. جزيل الشكر

حبيبي عن تجربه بلاش هوندا صدقنى التويوتا احسن منها انا جبتها زيرو فى ديسمبر 2013 وبعتها فى يناير 2014

المشاركة الأصلية كتبت بواسطة Engkhourshid

والله الواحد فعلا في حيره والقرار مبقاش سهل زي زمان
بس فعلا انتو ربنا يبارك فيكو بجد الواحد بيستفاد من آرائكو كلها ونفسي أشكركم واحد واحد لكل اللي رد عليا وساعدني بمعلومه أو بوجهه نظر
أنا فعلا كل يوم أو كل فتره بكون رأي مختلف وآخر رأي رسيت عليه بعد ما كنت نويت علي الفلوانس اني هتوكل علي الله وأجيب يا تويوتا هاي لاين يا سيفيك هاي لاين بس طبعا ميال للهوندا أكتر .... بجد حيره ما بعدها حيره .. الله المستعان
وطبعا أي معلومه أو أي رأي متبخلوش بيه علي أخوكم

سيدي الفاضل انا كنت في نفس حيرتك دي و عملت invistegation سنة تقريبا و فضلت الكورولا علي السيفك لسبب واحد و هو ان شنطة السفيك صغيرة اوي دي حتي اصغر من شنطة اللانسر الي كانت معايا، لو يفرق معاك حجم اشنطة علشان السفر و الاولاد و كده خليك في التويوتا. انا شايف الهوندا اكثر إعتمادية و بتحتاج صيانة اقل من اي عريبة تانية بس مشكلة حجم الشنطة اساسية بالنسبة ليا فحجزت الكورولا بس لسه ماستلمتش.
و ربنا يوفقك للأصلح ليك

المشاركة الأصلية كتبت بواسطة hom1969

سيدي الفاضل انا كنت في نفس حيرتك دي و عملت invistegation سنة تقريبا و فضلت الكورولا علي السيفك لسبب واحد و هو ان شنطة السفيك صغيرة اوي دي حتي اصغر من شنطة اللانسر الي كانت معايا، لو يفرق معاك حجم اشنطة علشان السفر و الاولاد و كده خليك في التويوتا. انا شايف الهوندا اكثر إعتمادية و بتحتاج صيانة اقل من اي عريبة تانية بس مشكلة حجم الشنطة اساسية بالنسبة ليا فحجزت الكورولا بس لسه ماستلمتش.
و ربنا يوفقك للأصلح ليك

والله يفرق معايا طبعاً حجم الشنطه أنا بعاني من حجم شنطه الشارك فعلاً في السفر بس أنا حاسس إن آداء السيفيك أعلا بكتير من الكورولا وموضوع صيانه أقل ده يرجح كفه السيفيك بالتأكيد :(

نهائي ياباشا اداء السيفك اقل من اداء التويوتا وانا مجرب العربيتين زيرو اولا عزل الهوندا اسوء بكتير من التويوتا وخصوصا على السرعات العاليه ثانيه والمفاجاءة اللى لقيتها فى الهوندا ان تجميعها بعد سرعه 140 بطئ جدا وصوت الموتور بيعلى بشدة بعد ال 140واستهلاكها فى البنزين اسوء من التويوتا بس مش بكتير الميزة فى الهوندا بمنتهى الصراحه هى التوكيل نظرا للمبيعات القليله مقارنه بالتويوتا التعامل هناك اكثر احتراما للعملاء من التويوتا والناس هناك فعلا بيعاملوك على انك برنس ودة لوحدها ميزة قويه توكل على الله وهات التويوتا ومش هتندم نهائي بصراحه كمان من ناحيه الفخامه بين الاتنين متهايلى مش فارقه مع ميزة نسبيه للهوندا