المشاركة الأصلية كتبت بواسطة wael salahudin
مجهود وافي ومشكور عليه جدا.. لكن انا ليه راي في الكورولا وفي التويوتا عامة بحكم وجودي هنا في الخليج اللي بيخليني مجبر اقارنها باكتر من سيارة تانية. اولا: فيه اصرار من تويوتا انها تحسسك انك راكب عربية رخيصة، او اقل من الفئات المنافسة. والكلام ده يشمل الكورولا وجميع الفئات. فالكورولا مثلا تشدك فعلا بشكل التابلوه، بس بص جنبك علي الابواب والاوكر، وانت تحس فعلا انك راكب عربية رخيصة.ده غير ان صوت الموتور عالي نسبيا عن الالنترا مثلا.
ثانيا: مفيش تناسب ابدا ما بين سعر فئات التويوتا ومع ما تقدمه من امكانيات وتكنولوجيا في سيارتها. يعني تحس ان تويوتا بتبيعلك اسمها وسمعتها دون الاهتمام بالمحتوي.يعني قارنها شكلا داخليا وخارجيا بالالنترا مثلا او السنترا، وقارنها بعد كده من حيث الامكنيات والسعر، وهتلاقي للاسف الكورولا بتخسر في المقارنات وبتكسب فقط في نقطة سعر اعادة البيع. علي سبيل المثال، ليه محطوش ناقل حركة cvt وحاطط ناقل حركة اربع سرعات فقط، رغم ان ال cvt اثبت نجاح كبير مع النيسان؟؟؟؟؟
طبعا لكل محبي التويوتا معذرة لو كان رايي قاسي، بس فعلا تويوتا بتفكرني بالنوكيا في اواخر عزه.