| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 99 من 102 الأولىالأولى ... 49 89 94 95 96 97 98 99 100 101 102 الأخيرةالأخيرة
النتائج 981 إلى 990 من 1012

  1. #981

    الصورة الرمزية abofandy

    رقم العضوية : 60964

    تاريخ التسجيل : 04Feb2010

    المشاركات : 1,725

    النوع : ذكر

    الاقامة : المنصورة

    السيارة: ........................

    السيارة[2]: كورولا 2014 F.O AT

    الحالة : abofandy غير متواجد حالياً

    افتراضي -

    hasad">

    كورولا الى موجودة ف مصر مختلف تمام عن الى فى الخليج
    الكورولا ف مصر فيها فتيس CVT-is
    الكورولا ف مصر فية ESP و VSC+
    الكورولا ف مصر فية اوتو بارك
    الكورولا ف مصر فية حساسات ف الاكصدام الامامى
    الكورولا ف مصر مختلف ف السيت اب بتاع العفشة عن الخليجى
    الكورولا ف مصر ف الفئة الهاى لاين فيها 7 ايرباج و حساس مطر واضائة وفرش جلد وقماش وسمارت كى و وكاسيت تاتش مع كامييرا و رشاشات فوانيس و نور ليد ازرق ف درج التابلو

    حضرتك بوجودك ف الخليج بتقارن الكورولا الخليجى لان حضرتك شوفتها لكن مشوفتش المصرى
    اتمنى من حضرتك تقرا عن المصرى وانا متاكد ان حضرتك هتغير رايك خالص

    http://www.nilemotors.net/Nile/signaturepics/sigpic60964_2.gif


  2. #982

    الصورة الرمزية Omar Sarray

    رقم العضوية : 174631

    تاريخ التسجيل : 22Apr2015

    المشاركات : 896

    النوع : ذكر

    الاقامة : الجيزه

    السيارة: Kia Cerato 2016 Top Line

    السيارة[2]: Mercedes c180 2017 AMG

    الحالة : Omar Sarray غير متواجد حالياً

    افتراضي -

    تسلم الايادى على مجهودك وموضعك الجميل والوافى والف الف مبروك على العربيه يارب ويكفيك شر الطريق وشرها يارب


  3. #983

    الصورة الرمزية elmashtoly

    رقم العضوية : 79882

    تاريخ التسجيل : 10Sep2010

    المشاركات : 145

    النوع : ذكر

    الاقامة : مصر

    السيارة: دايو

    السيارة[2]: فيات

    الحالة : elmashtoly غير متواجد حالياً

    افتراضي -

    انا بقالى 3 ساعات اقرا فى الموضوع ولسه مخلصتش
    نص الصفحات وصراحه مش راضى اسيب الجهاز غير اما اخلصهم
    المهم انا كنت محتار جدا جدا ولحد فتره قريبه اوى لقيت نفسى
    ميال للمازدا 3 الجديده خصوصا الاوبشن الجامد اوى اللى فيها
    وتقفيلها وانها يابانى وبالذات الشكل الخرافى بتاعه لكن كلمت
    واحد حبيبى اوى فى سمير ريان وقالى المازدا روعه لكن حط في اختياراتك كمان
    الكورولا فقلت اخش هنا اشوف المواضيع وكده طبعا فرق شاسع فى
    المواضيع والتعليقات والردود وكده بين هنا وبين قسم المازدا نفس بالظبط
    موضوع الانتشار فى الشارع وكده ولكن اتمنى من حضراتكم
    مقارنة بكل حيادية كما تعودت منكم
    ولو ربنا كرمنى هجيب الكورولا الفل اوبشن والراجل قاللى انها ب 192 الف
    هل سعر التوكيل اقل ؟؟ وبالحجز المفروض ادفع كام؟؟ والاستلام بعد قد ايه
    وموضوع تعديل الارتفاع ده الموديلات الجديده من الكورولا متعدله لوحدها والا
    لازم اروح اعدلها وانا كنت راكب النترا اخر شكل وكانت عاليه ومفيش مطب تقريبا
    بتحك فيه الا نادرا حتى لو معايا ناس لو قارنا الارتفاع بين العربيتين تقريبا زى
    بعض والا الكورولا اقل قد ايه واخر طلب معلش لو جبت الكورولا يبقى لازم اجيب الكاسيت
    الدى فى دى التاتش والكاميرا والخرايط والجى بى اس
    ايه افضل نوع وسعره كام والخرايط شغاله تمام والا فيها مشاكل وايه رايكم فى اللون الازرق
    الغامق اللى هوه البيبسى لان انا كان معايا النترا لون ازرق بيبسى وكان جامد ولكن بيتوسخ بسهوله
    واسف جدا جدا على الاطاله واتمنى الرد باستفاضه كما عودتمونا


  4. #984

    الصورة الرمزية bassem.naguib

    رقم العضوية : 5577

    تاريخ التسجيل : 12Feb2008

    المشاركات : 4,439

    النوع : ذكر

    الاقامة : cairo

    السيارة: يا رب

    السيارة[2]: Fiat One twenty eight M/T

    دراجة بخارية: لا يوجد

    الحالة : bassem.naguib غير متواجد حالياً

    افتراضي -

    اقتباس المشاركة الأصلية كتبت بواسطة elmashtoly مشاهدة المشاركة

    ولو ربنا كرمنى هجيب الكورولا الفل اوبشن والراجل قاللى انها ب 192 الف
    هل سعر التوكيل اقل ؟؟ وبالحجز المفروض ادفع كام؟؟ والاستلام بعد قد ايه
    وموضوع تعديل الارتفاع ده الموديلات الجديده من الكورولا متعدله لوحدها والا
    لازم اروح اعدلها وانا كنت راكب النترا اخر شكل وكانت عاليه ومفيش مطب تقريبا
    بتحك فيه الا نادرا حتى لو معايا ناس لو قارنا الارتفاع بين العربيتين تقريبا زى
    بعض والا الكورولا اقل قد ايه واخر طلب معلش لو جبت الكورولا يبقى لازم اجيب الكاسيت
    الدى فى دى التاتش والكاميرا والخرايط والجى بى اس
    ايه افضل نوع وسعره كام والخرايط شغاله تمام والا فيها مشاكل وايه رايكم فى اللون الازرق
    الغامق اللى هوه البيبسى لان انا كان معايا النترا لون ازرق بيبسى وكان جامد ولكن بيتوسخ بسهوله
    واسف جدا جدا على الاطاله واتمنى الرد باستفاضه كما عودتمونا
    - سعر التوكيل في الفول أوبشن 190 ألف ووقت الاستلام بيبقى على حسب اللون إذا كان متوافر ولا لآه لو متوافر حتستلم على طول لو مش متوافر ممكن تستنى مدة اقصاها شهر بالكتير قوي .

    - الموديلات الجديدة نازلة متعدلة جاهزة مش محتاجة تعديل زي أول دفعتين نزلوا .. اقل نقطة ارتفاع في العربية 15 أو 15.5سم .

    - لما ربنا يكرم إن شاء الله وتشتري ابقى فكر في الاكسسوارات والكماليات زي الكاسيت وخلافه .

    - موضوع اللون ده أذواق واللون اللي ترتاح ليه هاته .. لأنه موضوع نسبي بيختلف من واحد للتاني .

    - قبل أي شيء أعمل استخارة وتوكل على الله .. واللي في الخير ربنا حيكتبهولك .






    Life's too Short for the Wrong Job

    ziabassem سابقا


  5. #985

    الصورة الرمزية elmashtoly

    رقم العضوية : 79882

    تاريخ التسجيل : 10Sep2010

    المشاركات : 145

    النوع : ذكر

    الاقامة : مصر

    السيارة: دايو

    السيارة[2]: فيات

    الحالة : elmashtoly غير متواجد حالياً

    افتراضي -

    اقتباس المشاركة الأصلية كتبت بواسطة bassem.naguib مشاهدة المشاركة
    - سعر التوكيل في الفول أوبشن 190 ألف ووقت الاستلام بيبقى على حسب اللون إذا كان متوافر ولا لآه لو متوافر حتستلم على طول لو مش متوافر ممكن تستنى مدة اقصاها شهر بالكتير قوي .

    - الموديلات الجديدة نازلة متعدلة جاهزة مش محتاجة تعديل زي أول دفعتين نزلوا .. اقل نقطة ارتفاع في العربية 15 أو 15.5سم .

    - لما ربنا يكرم إن شاء الله وتشتري ابقى فكر في الاكسسوارات والكماليات زي الكاسيت وخلافه .

    - موضوع اللون ده أذواق واللون اللي ترتاح ليه هاته .. لأنه موضوع نسبي بيختلف من واحد للتاني .

    - قبل أي شيء أعمل استخارة وتوكل على الله .. واللي في الخير ربنا حيكتبهولك .

    شكرا ياباشا على ردك بس انت ردودك كلها دبلوماسيه
    مقولتليش اختار ايه وايه الفرق بين المازدا والكورولا
    ماتكلمتش عن الكاسيت وقولتلى سيبها ماتكلمتش ولا ابديت رايك
    فى اللون يعنى مخدتش من حضرتك معلومه مفيده
    ولكن طبعا شكرا على مجهودك واتمنى الرد من باقى الاعضاء
    على كل النقط لو سمحتم لان كلامك اللى هيحدد وجهتى


  6. #986

    الصورة الرمزية topfield

    رقم العضوية : 8883

    تاريخ التسجيل : 13Apr2008

    المشاركات : 143

    النوع : ذكر

    الاقامة : QENA - EGYPT

    السيارة: لايوجد

    السيارة[2]: بيجو 504 استاشن

    الحالة : topfield غير متواجد حالياً

    افتراضي -

    تقرير مميز


  7. #987

    الصورة الرمزية bassem.naguib

    رقم العضوية : 5577

    تاريخ التسجيل : 12Feb2008

    المشاركات : 4,439

    النوع : ذكر

    الاقامة : cairo

    السيارة: يا رب

    السيارة[2]: Fiat One twenty eight M/T

    دراجة بخارية: لا يوجد

    الحالة : bassem.naguib غير متواجد حالياً

    افتراضي -

    اقتباس المشاركة الأصلية كتبت بواسطة elmashtoly مشاهدة المشاركة
    شكرا ياباشا على ردك بس انت ردودك كلها دبلوماسيه
    مقولتليش اختار ايه وايه الفرق بين المازدا والكورولا
    ماتكلمتش عن الكاسيت وقولتلى سيبها ماتكلمتش ولا ابديت رايك
    فى اللون يعنى مخدتش من حضرتك معلومه مفيده
    ولكن طبعا شكرا على مجهودك واتمنى الرد من باقى الاعضاء
    على كل النقط لو سمحتم لان كلامك اللى هيحدد وجهتى
    ما هو علشان كلامي ممكن يحدد وجهتك .. ولأن المواضيع اللي زي دي نسبيه تختلف من واحد للتاني .. أخشى أن أرشح ليك حاجة ومتعجبكش في النهاية .

    وأعتقد كلامي حيبقى منحاز للكورولا بحكم امتلاكي لها .. وإن كانت المازدا تتفوق في جودة التقفيل والعفشة المالتي لينك (أنعم من الكورولا) .. ولكن تتفوق الكورولا في باقي الجوانب (وجهة نظر شخصية تحتمل الصواب أو الخطأ) .. ورأيي تراجع المواضيع في القسم هنا وفي قسم مازدا وحاول تجمع العيوب والمميزات في ورقة وقلم وشوف أيه المناسب ليك أنت شخصياً .

    ممكن تركب كاسيت تاتش في الفئة التانية للكورولا وفيه خرائط والأسعار متفاوته سواء داخل أو خارج التوكيل .

    اللون أذواق .. يعني اللي ترتاح ليه .. عن نفسي شايف أن اللون البرونزي كويس .

    وأرجو أن اكون افدتك بقدر المستطاع






    Life's too Short for the Wrong Job

    ziabassem سابقا


  8. #988

    الصورة الرمزية hom1969

    رقم العضوية : 164778

    تاريخ التسجيل : 01Sep2014

    المشاركات : 68

    النوع : ذكر

    الاقامة : Cairo

    السيارة: Corolla 2015

    السيارة[2]: Lancer 2007

    الحالة : hom1969 غير متواجد حالياً

    افتراضي -

    اقتباس المشاركة الأصلية كتبت بواسطة elmashtoly مشاهدة المشاركة
    شكرا ياباشا على ردك بس انت ردودك كلها دبلوماسيه
    مقولتليش اختار ايه وايه الفرق بين المازدا والكورولا
    ماتكلمتش عن الكاسيت وقولتلى سيبها ماتكلمتش ولا ابديت رايك
    فى اللون يعنى مخدتش من حضرتك معلومه مفيده
    ولكن طبعا شكرا على مجهودك واتمنى الرد من باقى الاعضاء
    على كل النقط لو سمحتم لان كلامك اللى هيحدد وجهتى
    انا كنت في حيرتك دي بين الكورولا و المازدا و هوندا
    هوندا كانت الاختيار الاول بس مشكلتي معاها ان الشنطة صغيرة اوي و مش حاتناسبني في السفر مع الشنط الكتيرة للاولاد و كده
    المازدا ليها مشكلتين اساسيتيين: الشنطة صغيرة (ارتفاعها قليل اوي) و الحاجة التانية الموتور جيل قديم (105 حصان)
    في الاخر جبت الكورولا و هي عربية رائعة بكل المقاييس بس للامانة لو شنطة الهوندا كانت بس كبيرة شوية كنت جبتها عالطول
    و ربنا يوفك للاختيار الافضل ليك


  9. #989

    الصورة الرمزية عمر محمد مؤمن

    رقم العضوية : 142152

    تاريخ التسجيل : 30Apr2013

    المشاركات : 64

    النوع : ذكر

    الاقامة : مصر

    السيارة: لايوجد

    السيارة[2]: لايوجد

    الحالة : عمر محمد مؤمن غير متواجد حالياً

    افتراضي -

    ماهي
    طريقة رفع السيارة في حالة السفر لمدة طويلة


  10. #990

    الصورة الرمزية Mohamed55gold

    رقم العضوية : 175321

    تاريخ التسجيل : 11May2015

    المشاركات : 2

    النوع : ذكر

    الاقامة : مصر

    السيارة: nissan

    السيارة[2]: Nissan

    الحالة : Mohamed55gold غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة abofandy مشاهدة المشاركة
    بسم الله الرحمن الرحيم


    بداية تحيه طيبه لكل مرتادى قسم التويوتا
    اليوم حديثنا عن الوحش المفترس
    (( تويوتا كورولا 2014 ))



    مبدايا العربية متوفره في 4 فئات :

    بالنسبة للموتور فهو نفس موتور الجيل السابق ذو السعة 1600cc الذي تبلغ قوته 122 حصان و عزم 154 نيوتن

    مواصفات اول فئة : ناقل حركة يدوى - نظام ثبات الكترونى (VSC) +نظام فرامل ABS+BA+EBD - زجاج كهرباء - سنتر لوك – تكييف يدوى - باورستيرينج كهرباء - تحكم بالنظام الصوتي من عجلة القيادة- راديو 4CDسماعات + مدخل USB+AUX - نظام مانع السرقة – نظام تصفيح ضد الصدأ - ضبط مستوى الاضاءة الامامية يدوى - امكانية طى الكنبة الخلفية - نظام اضاءة نهارى (ليد) – 2ايرباج - مرايات كهرباء - مفتاح بالريموت - فوانيس شبورة خلفية - السعة اللترية 55 لتر - كاوتش مقاس 55/16 205 R.والسعر (163.000)

    مواصفات اول فئة اوتوماتيك : المواصفات السابقة + ناقل حركة أوتوماتيك CVT والسعر (175.000)


    مواصفات ثانى فئة :المواصفات السابقة + مثبت سرعة - تكييف أوتوماتيكي Dual Zone - تحكم بالنظام الصوتي والتليفون من عجلة القيادة - Bluetooth - راديو 6CD سماعات + مدخل USB+AUX - ضبط مستوى الاضاءة الامامية أوتوماتيك - 2ايرباج -كاوتش مقاس 55/16 205 R(جنوط سبور ) - حساسات ركن امامية وخلفية خاصية الركن التلقائى Park Assist – فوانيس شبورة أمامية وخلفية - مرايا كهرباء قابله للطى - والسعر(185.000)


    مواصفات الهاى لاين : المواصفات السابقة + مفتاح ذكى -
    مرآة خافتة للاضاءه أوتوماتيك +
    مدخل USB+AUX - نظام مانع السرقة – نظام تصفيح ضد الصدأ - ضبط مستوى الاضاءة الامامية أوتوماتيك -6 ايرباج- كاميرا خلفية -والسعر (210.000)



    الوان السياره :

    السياره متوفره بعده اللون بس فى الاول والاخر دى اذواق ومتواجدة على موقع تويوتا ايجيبت ولكن هناك مشكلة ان الصورة على الموقع بتختلف وتخدع اى حد في اللون لذلك انا قمت بتصوير بعض الالوان بعدسه كاميرتى لتقريب الصورة اكتر وتوضيح الصورة واليكم الصور :

    ناتى مع سيد الالون وهو اللون الاسود
    وياتى معه الفرش الداخلى حسب اختيارك اما بيج او اسود



    ثم ناتى بعد ذلك الى اللون الفضى او السيلفر
    بصراحة عجبنى بس مشكلته ان مش ظاهر النيكل الى في العربية اوى
    ثم ناتى الى اللون الفيرانى او الرمادى
    بصراحة شيك اوى مع النيك ومش غامق اوى للاتربة زى الاسود والنيكل معاه عامل شغل عالى اوى



    ثم ناتى الى اللون الاحمر وبردة ليه محبينه وعلى فكره هو مش نبيتى هو احمر مارلبور
    ودى التسميه المشهور بيها في الاسواق


    واخيرا اللون الابيض ودة مشهور اوى على صفحات النت وحتى العربية الرسميه
    الى ظهرت في الاعلانات كانت بنفس اللون ( الابيض اوالسيلفر )


    ناتى لنقطة علو العربية عن الارض (( الخلوص الارضى )) :

    بصوا ياجماعة بالنسبة للعربية الكورولا الجديدة فهى واطية مفيش فيها كلام
    بس موديل 2014 في ميزة عن الموديل السنين الى فاتت وهى :

    الموديلات القديمة كانت بتحك على تقريبا معظم المطباب خصوصا لو كان حد راكب في الكنبة الخلفية حتى ولو كان وزنهم خفيف والعربية كانت خلوصها من الارض اكتر من الموديل الجديد 2014
    ولكن
    ولكن
    موديل السنه دى 2014 الكنبة الى ورا وسعت شوية والصالون وسع دة نتيجة حاجات كتير قاعدة العجلات وعلبة الشكمان تم تعديلها في هذا الموديل ليعطى اتساع اكتر في الكنبة الخلفية فكان ارتفاع علبة الشكمان عن الارض بمسافة 12.5 ودى اقل نقطة قريبه من الارض من تحك
    ولكن
    الياي المستخدم او السوسته المستخدمه في موديل هذا العامل انشف من الموديل الى قبلة يعنى الانغاط بتاعها مش زى الى فاتت يعنى العربية لو حملت مش هتنزل على الارض زى ما الكل متصور ولو فية حته هتحك هيبقى االشكمان او علبة الشكمان لكن العربية مصفحة من تحت بمعنى الكلمة .
    ودى صورة تبين ارتفاع العربية عن مستوى الارض والعجل او الكاتوتش فية هواء 32
    دى انا صورتها علشان نقدر الى حد ما نتخيل علو العربية عن الارض


    ناتى الى نقطة ثبات العربية على الارض وفى المنعطفات :

    قبل ما اتكلم وافتح بوقى في النقطة دى .. بلاش تقارن بينها وبين الالمانى لان لا يعلى عن الالمانى في النقطة دى بالذات لكن لو عايز تقارن بين اى نوع من نفس الفئة او حتى من نفس موديل العربية بس السنين الى فاتت فالكورورلا الجديدة ستربح للاسباب الاتية ؛

    1- الثبات الالكترونى المزود في السياره vsc
    ودة مزود بكومبيوتر السياره بمعنى انك ممكن انت تشغله وهو بيشتغل اتوماتيك لما يحس ان
    العربية فيها مشكله في الثبات فبيشتغل اتوماتيك اذا حس ان ااتزان او ثبات العربية فيه مشكله اثناء مناوره او غرزه او منعطف قاسى او غيره .. (( ميزه مكنتش موجودة قبل كدة ))
    2 - سقف العربية تم انخفاضة عن مستوى السيارات السابقة للكورولا لزيادة ثبات العربية وانسياب الهواء على جانبين وسقف السيارة بما يتناسب مع التصميم الجديد لتجنب الصدمات الهوائية ويزيد من ثباتها والدليل ان الموديل دة حتى في اعلى فئة منه الهاى لاين لم يتم نزوله بفتحة سقف ليوكد مدى صحة الكلام لانخفاض سقف السيارة عن سابقتها
    3 - اتساع المسافة بين قاعدة العجلات ادى الى ثبات اكتر واتساع في الصالون الداخلى ليتماشى مع حمل السيارت مع العفشة وتوزيع القوى والحمل على محاور السياره حتى لا يخل بتوازنها عند اى نقطة اثناء القيادة .

    الانتيريو (( الشكل الداخلى للعربية ))


    للوهله الاولى تحس نفس تابلو الافلون او المرسيدس او البى ام
    الشكل مختلف تمام تمام عن سابق سيارات تويتا كورولا
    الخامات المستخدمه حلوه والبلاستيك ملمسه كويس والنور بتاع التابلوه ازرق نفس نور الراديو
    التابلوه طبعا مش بلاستيك هو جلد طري كده انا في الصور كنت شايفه وحش بس لما ركبتها عجبتني بتجمع بين الكلاسيك والحديث
    - كرسى السائق حاسس انه مريح عن الكورولا الاعوام الماضية انا مقعدتش كتير بس حاسس براحه عن الكراسى العادية وزاوية الرؤية جميلة وشايف كل كبوت العربية
    - العزل محترم اوى داخل السياره ممكن اعطية 8 او 9 من 10
    - الموتور سحبه ممتاز جدا ولكن السحب مع التكييف جميل جدا محستش بفرق كبير

    - العربية بها نظامى اقتصادى او الايكونومى في استهلاك البنزين بس دة طبعا بيقفل لما تضغط على زرار اسبورت ودى هنتكلم عليه بعد كدة
    - الموتور نفس الموتور القديم الصوت ناعم متحسش انه شغال وعزله داخل السياره ممتاز
    - الفتيس شكله جميل جدا والغيارات الى فيه بتنور ومفيش ضياع لعزم السياره ماشاء الله والنقلات غير محسوسة بالمره
    - الدركسيون شكله انيق طبعا مالتى فنكشن وكونترول وباور ماشاء الله طبعا مساله الباور دى بتختلف على سرعات العربية وعلى زرار الاسبورت وهنتكلم على الزرار ان شاء الله
    - شكل العدادت جميل طبعا بتختلف الفئة الاولى اتوماتيك عن الفئة الثانية او الهاى لاين طبعا في الفئة التانية اتوماتيك شكله انيق اكتر واللون
    - مفتاح السياره طبعا من اول فئة والعربية نازلة بايمبوليزر ودة شى مطمئن جدا ودة العادى من وسائل الامان
    - التكييف انا مجربتوش فتره كبيره هى يدوب فتره قصيرة لانى انا مستلمتش لسة بس سوقت عربيه احد الزمايل الى استلموا بس كويس ماشاء الله دايما تكيفات اليابانى تلاجه بمعنى الكلمة
    - السوند سيستم بصراحة جميل جدا في الفئة التانية اتوماتيك 6 سماعات تعمل بيهم دى جى جوة العربية وشكل الكاسيت تحفة مع التابلو والتسجيل التاتش اجمل واجمل في الفئة الهاى لاين
    - الكنبه الخلفية طبعا اوسع بكتيييير من الانواع السابقة والى ركب العربية عرف الكلام دة كويس ودة لان طبعا المسافة بين قاعدة العجلات زادت اداى طبعا الكلام دة الى اطاله العربية عن سابقتها بمقدار 3.5 انش و زاد عرضها بحوال 0.6 انش بينما انخفضت عن الارض حوالي 0.4 انش


    الشكل الخارجى للسياره

    من اهم ما يميز السياره وانجذاب الناس اليها اولا انها تويوتا ثانيا الشكل ودى شى مكنش معتاد ان تويوتا تهتم بالمظهر الخارجى وكان زمان يتقال هو انت عايز منظر وميكانيكا واعتمادية وكل حاجة .. بس دلوقتى ماشاء الله بقى فية اهتمام بالأوبشن والشكل دون المساس بالميكانيكا وتكنولوجيى الماتور ودة ا نا شايف سببه ان تويوتا خافت يتسحب من البساط في على ايدى الكوريين في سيارتهم الملئية بالابشن ودة انا شايفة السبب الوحيد في تفسير ان اليابان بدات تجمع بره بلادها زى تركيا مثلا لان الايدى العامله رخيصة انما في اليابان الايادى العاملة غالية ودة يودى ان العربية مش هتجدد لا في الشكل ولا الاوبشين لان دة هيتطلب فلوس اكتر وتمن العربية هيبقى اغلى فبالتالى الناس هتبعد عنها لغلو سعرها فبدا تفكر تفتح مصانع في دول فيها الايادى العاملة رخيصة علشان تتطور وتعطى اوبشن اكتر وشكل اجمل دون المساس بسمعتها

    كل الكلام دة انا بقوله برد ان الناس خايفة من قصة تركى دى
    فتاكد ان تويوتا مش هتضيع سمعتها ولا سمعة عربيتها علشان تدى بلد توكيل او كدة
    لان دى بمنتهى البساطة الكورولا
    والمقولة المشهورة اوى لو سقطت الكورورلا فمعنى ذلك سقوط تويوتا
    وكلنا عارفين السبب لان دى اكبر عربية تباع في العالم لان طبعا الكامرى والافلون والكلام دة لبعض الدول لغلو اسعارها وتحتاح مواصفات خاصة .

    - الشكل الخارجى طبعا اذواق لكن في المجمل ومعظم الناس حابه اوى الشكل الجديد وشكله ثورى وشبابى ورياضى جدا
    - حبيت اوى ان مفيش فية سوك كبيره اوى او حادة زى الالنترا ( مع كامل الاحترام لها ) شكل انسيابى جدا
    - الاكصدامات شكله جميل ومتناسق مع التصميم بس عيبها زى ما هو خفيفة الى حد ما بس مش لدرجة انها ورق لا هى كويسة بس كانت عايزة تبقى محملة اكتر من كدة لان طبعا عندى الشوارع الجميلة والتكسيات والتك تك والركن وما شابه
    - في الفئة التانية اوتوماتيك فية نيك على السياره بصراحة معطى شكل جميل اوى في اماكن ممتازة الاختيار على جانبى السياره على اطار الزجاج وفى نهاية السياره والخطوط في وجه السياره


    الجديد في هذه السياره

    - السياره بها نظام park assist بعض الناس بتتريق على الخاصية دى جدا واصحاب الميكروباصات هيستناك لما انت تركن وممكن ينزل يشتمك وكلام من دة ... كلام على عينى وراسى بس تاكد ان العربية لو مكنش نازل فيها كنتوا هتقولوا ان العربية دى فقيرة لو اتقارنت بمثيلتها الى من نفس الفئة دى حاجة
    الحاجة التانية :/ان النسخة الى نازله مصر هى هى النسخة الى نازله اوروبا واوروبا الخاصية دى مهمه عندهم جدا يعنى مفيش فرق بينك وبينهم ولا خيار ولا فقوس اهو مش زى شركات تانية بتنزل من العربية 16 فئه تشيل خاصية وتحط التانية والى عايز يدفع انما دى موجودة من تانى فئة وسعرها قد كدة عايز خدها مش عايزها خلاص (( دة تعقيب بسيط لان اتحرق دمى لما سمعت الكلام دة هههههه ))

    - خاصية VSC وهى الثبات الالكترونى ودى اما محترمهم جدا فيها لانهم منزلنها من اول فئة عاده كمان من اتوماتيك دة من وسائل الامان لا تقل اهمية عن ABS واليرباج وجميع وسائل الامان

    - خاصية ضد الصدا ودى انا اول مره اشوف تويوتا تعملها ودة متناسبة اوى معانا علشان المناطق الى بيبقى فيها ندى او الرطوبة عاليا او مدمنين الغسيل كل شوية ... والتصفيح للعربية بصراحة حاسسين بينا وبشوارعنا الجميلة (( علشان مفيش قطه او فار يدخل يولد جوه العربية هههههه ))

    - خاصية مانع السرقة وهى الايموبليزر ودى نازله من اول فئة في العربية ودى احترام برضة للناس مستخدمى السياره مش موجود زى عربيات تانية في الفئة العالية او الهاى لين ودة حاجة تحترم

    - خاصية TRC ودة بيزود سحب العربية وبيزيد من عزم العربية بتحس ان العربية كانك داخل سبق واتقلب العربية الى وحش والكلمة الى تقولها للعربية ساعتها وحدى الله يا حاجة اية اهدى بس وكلمينى هو كله جرى جرى مفيش هدوء .

    - خاصية او زرار الاسبورت ودة مكانة جنب الفتيس ودة بيقلب العربية رياضية ودى بتتغير العربية تماما من حيث الباور بيبقل تقيل حبيتن باور الدركسيون اقصد .. البنزين بيقف نظام الايكومونومى ( بلاعة بنزين بقى عايز تسجب علشان تجرى ) - الفرامل بتتقل او بتزيد من اقل ضغط بتلاقى العربية كلبشت في الارض - ونقلات الفتيس بتتاخر الى حد ما شوية



    اتمنى في نهاية الموضوع
    ان اكون قدرت اجمع كل الخيوط المتاشبكه ونفك طلاسم اى فكر مكنتش مفهومه
    واى اضافات للموضوع اكون سعيد او اى تعديل حتى نصل الى موضوع يفيد الناس كلها
    الكلام السابق عن تجربة شخصية لقيادة فتره قصيرة لانى لسة مستلمتش ومن تجارب احد الزملاء في المنتدى الى ركب السياره بالفعل

    تحياتى اخوكم
    د . محمد أبو فندى



 
صفحة 99 من 102 الأولىالأولى ... 49 89 94 95 96 97 98 99 100 101 102 الأخيرةالأخيرة

المواضيع المتشابهه

  1. التقرير الشامل لتويوتا ياريس هاتش باكYaris HB 2013
    بواسطة Mohamed.Hany في المنتدى تـويوتـــا
    مشاركات: 140
    آخر مشاركة: 29-10-2018, 09:17 PM
  2. التقرير المصور الشامل لتويوتا ياريس سيدان 2014 من التوكيل
    بواسطة Mohamed.Hany في المنتدى تـويوتـــا
    مشاركات: 49
    آخر مشاركة: 03-06-2015, 12:56 PM
  3. مشاركات: 31
    آخر مشاركة: 29-06-2014, 03:11 PM
  4. ..:: التقرير الشامل لتويوتا أوريس 2014 Auris ::..
    بواسطة Mohamed.Hany في المنتدى تـويوتـــا
    مشاركات: 25
    آخر مشاركة: 19-06-2014, 01:52 AM
  5. ..:: التقرير المصور الشامل لأرتفاع تويوتا كورولا 2014 ::..
    بواسطة Mohamed.Hany في المنتدى تـويوتـــا
    مشاركات: 49
    آخر مشاركة: 01-01-2014, 09:29 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2