الموضوع: تقرير عن النترا 2013 Fully Loaded + صور

المشاركة الأصلية كتبت بواسطة haitham basha

أولاُ يا باشا ربنا يبارك لك في كل أمرك مالك و مركبك و زوجك وولدك و دينك و دنياك ... ثانياً بقه مش عارف أدعي بقيه على الي في بالي الي وضع حاجة اسمها جمارك على أساسيات و لسه بيحسبها كماليات هقول إيه بس حسبي الله و نعم الوكيل ...

بس يا جماعة انا شفت العربية فولى لودد وكيل فى صالة العبور شهر مايو و فيها الديفيدى التتش و الكاميرا الخلفية و زراير البلوتوث اللى فى الطارة و متاكد انها الاربعة باب مش الكوبيه

حسبى الله فى التوكيل هو احنا كل شوية نكتشف منه حاجات تنرفز د ايه التهريج ده

المشاركة الأصلية كتبت بواسطة forex eagle

الله يبارك فيك يا غالي .. السعوديه غير هنا خالص ..هنا لو نزل اوبشن ب 10000 لازم يكسب منه 5000 .. ومفيش حد بيحمي المصري الغلبان :d لا العربيه عاليه ومش بتحك لو المطب كويس مطب حكومي . انما لو مطب اهالي عملاه وعالي اكيد بتحك .. لو مركب معاك 4 حتي مش هتحك منه الا ف المطبات الي الاهالي بيعملوها قصدي الجبال ..الكوريين لو نزلو مصر وشاف الطرق والمطبات الي عندنا مش هيصدرو عربيات غاليه تانيه لمصر هيبعتولنا جرارات او لودر يليق بشوراع وطرق مصر .. ربنا يصبرنا :). سؤال لو سمحت كم سعر العربيه عندك في السعوديه واعتقد دي عندكم يسموها نص فل او ستاندرد ؟

بص ياباشا قبل ماجى السعودية كنت فاكر ان فعلا زى ما بتقول اكيد بره الخدمة والمواصفات غير مصر وبيهتموا بالعملاء وغيره لكن المفاجأة مش كده اوى
اولا الالنترا هنا بتنزل ١٦٠٠ و ١٨٠٠ و ٢٠٠٠ سي سي
موجودة تاكسى وكمان عند شركات الايجار ٣ فئات فى ١٦٠٠ وال ١٨٠٠ وفئتين فى ال ٢٠٠٠ سي سي
كلهم فى ال٣ وكلاء الموجودين بالسعودية الفل اوبشن عندهم جلد وفتحة وبصمة وبيچ كله من الداخل وتكييف عادى وكلهم فى كل الفئات بدون abs
ولا كاميرا ومراية تعتيم و٢ ايرباچ بس
مرة جاب الوعلان وكيل هيونداى بالرياض فئة سبورت بالكت بتاعها مواصفات كورى كاملة ١٨٠٠ سي سي وكانت ب ٧٠ الف ريال
اسعار الفءات هنا الستاندرد من ٥٦ ل ٦٠ والنص فل ب ٦٢ ل ٦٤ والفل اوبشن ٦٥ ل ٦٧ وهنا مفيش فروقات فى المواتير الا الف ريال بس
عربيتى وحوالى ١٠٠ زيها كانت استثناء لانها كانت رايحة تركيا وبعدين جابوها هنا فى جدة وباعوها واشتريتها مع العازل الحرارى والاكسسوارات اللى ركبتها عاملة فى حدود ٦٧ الف ريال فى شهر نوفمبر اللى فات
لكن مصر بتهتم بالفئة دى عشان كل اللى بيشترى بيشتريها كعربية عائلة لكن هنا دى عربية عيال الجامعة واجانب وبعض السعوديين اللى على اد حالهم
كله هنا الفئة الوسط الكامرى والسوناتا والاكورد بتبتدى منها المواصفات وال ٦ سلندر والذى منه وكمان اللى اعلى منهم هو الاهتمام الاكبر
لكن فى الخليج عموما بكل الفئات فالمواصفات السعودى اقل مثلا من الاماراتى والكويتى وتعتبر السعودى افقرهم يعنى خاصة هيونداى وكيا وتويوتا
اما الامريكى والمازدا بتيجى بمواصفات بلدها حتى النقطة العامية وتحذير الخروج عن المسارات والرادار

المشاركة الأصلية كتبت بواسطة haitham basha

حبيبييييييييييييي انت فين يا راجل تعالى الحقني لحسن محدش صدقني لما قلت كده على الفولي لوديد ...

لا يا حبيبى كلامك كلامك مضبوط بس الظاهرغبورعنده قصة مش مفهومة بقى بيشتغل شغل كده مش مضبوط
مرة العربية من غير بكرة توطية النور و فى منها فيها البكرة
و مرة من غير ايموبلايزر هههههه و اختها جنبها. لا ده جاية معاها فى نفس المركب و مفيهاش رغم انها نفس الفئة
و مرة الكاسيت 3 ديجيت (يشيل999 اغنية) و اللى جنبها 4 ديجيت
و اخيرا الموضوع اللى احنا بنكلم فيه الفولى لودد
و ما خفى كان اعظم
و بصراحة د دورنا كمنتدى نوقف المهزلة دى عشان يعرف ان فى ناس صحياله و لا ايه

المشاركة الأصلية كتبت بواسطة Haitham Basha

و الله يا صحبي معاك حق في هبل و استهبال جاااااااااااااااااامد جدي بيحصل و لغبطه و عربيات غير العربيات و فئات غير الفئات بجد مبقتش فاهم حاجة كل عربية غير التانية و كل فئه ملهاش علاقة بختها ... أنا النهارده واحد في أون ذا رن ركن جنبي عربيتو اخت عربيتي بس حمرا كنا دخلين مع بعض لقيتو بسألني على حاجات مش عارفها في العربية و خد عندك الكارسة بقى .... نفس السعر و قبلي بيوم و مفهاش فتحة سقف لأ و الأنأح و الي غظني الغطا الي انا و انت بندور عليه عندو طب افهم طب في إيه ... طبعاً الراجل تنح و بلم و احمر و اصفر و اخضر و مقدرش ينطق كل الي قالو بعد إذنك يا باشا على شان هروح أطلع تيييييييييييييييييييييييي ييت المعرض و خد العربية و طاااااااااااااار ... طب بالزمة مش ده يقبى حراااااااااااام ..
آه نسيت أقلك مطعش عندو اموبلايزر برضو و لا زرار التعليه بتاع النوووووووووووور ...!!!

صباح الفل عليك
دى يا هندسة ال gls اللى كانت راكنة عند غبور و اللى حكيتلك عنها و اللى حذرت منها الناس انها خزين من غير ايموبلايزر
طيب طالما الراجل لابس كده بجملت و كنت خد منه الباب ركبه عندك و على الاقل يبقى معانا واحدة كاملة و مضبوطةههههههههههههههههههه هه
والله عيب ان الراجل يكون دافع المبلغ ده زى حالاتى و يكون لابس فى الحيط
شكلها كده هنرفع شعار تغور من وش غبور

بسم الله ما شاء الله ربنا يباركلك فى العربية وتقرير رائع