لا اتمنى لاحد اصدقاءنا فى المنتدى ان يتعرض لمثل هذا الموقف..
كنت فى اسكندرية و معايا العيال و دخلت بنزينة ....l كانت العربية مشحرة و كانت البنزية يدوب التانك بتاعها لسه ماليينه دلوقتى المهم البنزنجى لطعنى شوية عشان الطلمبة "بتحضر" فين لما البنزين وصل فولت و طلعت..
مفيش ما كملتش كيلو العربية بدأت تقطع جامد و هب بطلت و مش راضية تدور..طبعا نزلت ولادى و ركبتهم تاكسى رجعهم البيت و المشوار بتاعنا اتلغى تماما ..
انا قعدت فى العربية اعمل شوية تليفونات.. بعد بتاع ساعتين جالى اخويا و معاه ميكانيكى بتاع رينو الراجل بصراحة كان جاى عارف هيعمل ايه علطول رفع الكنبة و كشف الطلمبة و شد الخرطوم و قالى افتح كونتاكت و كانت المفاجأة الطلمبة بتجيب مايه مش بنزين فضلت كدة حوالى 5 دقايق لحد ما وصل البنزين..
وصل الخرطوم و شده من ناحية الموتور المرة دى و برده جاب الميه اللى فيه و بعد كده حاول يدور و دارت بالعافية.. العربية فضلت تقطع كد و تمشى متلتة ساعات لمدة يومين.. دى تقريبا التجربة..الدروس المستفادة ممكن انتو تستنتجوها.. سلام