السلام عليكم ياجماعه انا لسة بتعلم السواقه وعايزة اعرف حاجه لو لقدرالله الفرامل ما اشتغلتش وانا ع الثالث مثلا اعمل ايه ؟ والحاجه ده ممكن تحصل امتى ؟ولا انا اللى خايفه بزياده عشان لسة بتعلم؟
عرض للطباعة
السلام عليكم ياجماعه انا لسة بتعلم السواقه وعايزة اعرف حاجه لو لقدرالله الفرامل ما اشتغلتش وانا ع الثالث مثلا اعمل ايه ؟ والحاجه ده ممكن تحصل امتى ؟ولا انا اللى خايفه بزياده عشان لسة بتعلم؟
وعليكم السلام
الموضوع ده نادرا لم يحصل بس على العموم الطريقه كالتالي:
غيار عكسي يعني من تالت لتاني لأول وبعدين لم تهدى العربيه خالص توقفيها بفرامل اليد...بس كده
من الغيار التالت للتاني بس دا طبعا لو العربية مانوال .. لو اتوماتيك اتكلي علي الله و قدامك ايه حاجة :d
لو اوتوماتيك حركي الفتيس على ال 3 و 2 و l .. وبعد كدة هديها اكتر بفرامل اليد
لو مانويل رجالة قالو لو اتوماتيك خدي يمينك بعد كدة انزلي 2 و 1 لحد ما تنزلي ل 40 30 بعد كدة ارفعي الهاند تكة تكة
أختنا المواطنة
طبعا.القيادة النظرية مش زي ساعة.وثانية.الحقيقة ومهما.علمناكي لا بد ييجي وقت تخبطي فيه عربيتك خبطة و لو خفيفة وساعتها ولا تخافي ولا تزعلي إنك خبطتيها عشان تتعلمي قوة الصدمة وتأثيرها عالعربية وعلى.نوع قيادتك ليها أما.لو الفرامل راحت منك وممكن تحصل.فساعتها لو الشارع فاضي حتلحقي تعملي كذا خطوة.أما لو الشارع زحمة.فإنتي لوحدك ومعاكي ستر ربنا بس ودايما إخبطي عربيتك بس.إبعدي عن البشر بأي ثمن والباقي سهل
ودمتم للنضال
لو مانوال يبقى Down Shifting يعنى غيارات عكسيه بالتتابع السريع 3-2-1 و بعدين هاند بريك بس بلاش شدها مره واحده عشان الكاوتش ميزحفشى على الطريق ولو اتوماتيك نفس الطريقه بس فى الارقام الى على اليمين 3-2-1 و لو تيب ترونيك 3-2-1 بردو من Shift peddle ورا الدركسيون او الضغط على زرار - و طبعا الدون شيفت الرخم ده لو ار بى ام عالى 4500-5000 ليه تاثير على الفتيس و التروس و ممكن يكسر قواعد الموتور و لو دوان شيفت على ار بى ام قليل 2500-3000 التاثير قليل جدا و ده كثير من السواقين الى عايزين يقفوا فى مسافه اقل بيعملوه وربنا يسترها مع الجميع
انت ليه بتصعبي على نفسك هو انتي فاكرة ان حكاية معكيش فرامل دي بتيجي مرة واحدة لأ دي بيبقى ليها علامات زي مثلا العربية فراملها بقت ضعيفة و بتهرب زيت فرامل متخافيش ده مبيحصلش الا لو عربيتك قديمة جدا او كانت عاملة حادثة و قربة الزيت ضعيفة و الي بتفكري فيه ده وسواس مش اكتر
طبعا الرجالة قالوا الرد الوافى عن طريقة التصرف الصحيحة و فرملة الموتور
بس انا عايز اقول ان الحكاية دى نادرة الحدوث
و الفكرة دى جت ف دماغ حضرتك لانك خايفه بزياده عشان لسة بتعلم
و دا طبيعى انه يحصل مع الناس اللى بتتعلم جديد و خصوصا البنات
و مع الوقت الامور هتبقى سهلة و هتكتسبى ثقة ان شاء الله
يا نهاااااااااااااااار أبيض !! ربنا يستر طريقنا ياااااااااااا بنتى و الله !! إن شاء الله دة ما يحصلش معاكى ابدااااااااااا
زي ما الاخوة الاعضاء قالو انزلي بالغيار العكسي ...... ولو الظروف مش مساعدة والطريق فيه قدامك حاجة هتخبطيها ....... توكلي على الله واحسبيها صح وانزل على اقل غيار وربنا يستر ...... بالكتير الفتيس هيحصلو حاجة ...... بس على فكرة الاوكتافيا اللى معاكي أصيلة وفراملها كويسة ........ حتي لو احتاجتي للفرملة بالفتيس مش هيحصل حاجة ان شاء الله
أنا بالظبط حصلت معايا لما كنت لسة فى الاول كنت على طريق مصر اسكندرية الزراعي وماشي على الرابع ويرحت العربية عدت 100 وفجأة بدل مجيب الخامس اديتها الثالث والعربية طلعت اصيلة كعادة الاسكودا
متهيقلى لو اتوماتيك الواحد يفتح الباب وينط بقى هههههههههه
اعتقد موضوع تنزيل الغيار فى المانيوال ده محتاج شويه تركيز و مش مره واحده علشان ميحصلش حاجه فى الفتيس
أكيد بتقللها زى ما زودتها شويه بشويه عشان ميحصلحش حاجه غلط فى العربيهاقتباس:
المشاركة الأصلية كتبت بواسطة ahmedteam
بشكل عام الحاجه ديه نادره الحدوث
عموما هيا راكبة أوكتافيا وأنا عارف ومجرب الالماني كويس استحالة الفرامل تقطع مرة واحدة وكمان فيه فى الطابلوة لمبة الفرامل لو أى مشكلة فى الفرامل اللمبة دي بتنور فى بداية المشكلة