الحمدلله وقدر الله وما شاء فعل ...... السيراتو اتخبطت
لسة مخلصتش من موضوع العفشة وابتلانى الله بأتوبيس يصدم سيارتى من الجانب
زوجتى كانت تقود السيارة تحت كوبرى طريق مصر اسكندرية الزراعى الذى يمر بمدخل مدينه بنها
والطريق كان واقف وفوجئت باتوبيس عتيق يقودة رجل مسن يدخل فى العربية من جانب السائق
والخسائر هى قاعدة المراية وباب السائق والرفرف الامامى اطبقوا ومحتاجين يتردوا ويترشوا
المراية نفسها سليمة لكن قاعدة المراية الى راكبة فى العربية انكسرت ومعرفش دى بتتباع لوحدها ولا اجيبها استيراد ولا اجيب المراية كلها
طبعا سواق الاتوبيس غلطان تماما لان الطريق كان واقف وهو الى دخل في العربية بدون سبب واضح
والسواق متكلمش
ولما رحت وشفت العربية مرضتش اعمل مع السواق حاجة علشان سنه وسبته
الحمدلله
قضاء اخف من قضاء
الشئ الغريب فعلا هو احساسى من يوم الاحد الى فات ان العربية كانت هتتخبط
وكان قلبى مقبوض معظم الوقت وخصوصا كل ما اركب العربية وكنت حاسس ان الخبطة جاية جاية وكنت بقول دعاء السفر وركوب الدابة وادعية تانية
بس الى مكنتش عامل حسابة انها هتيجى فى المدام
الحمدلله انها جت على قد كدة وخصوصا ان بنتى كانت معاها فى العربية
الحمدلله انهم الاتنين بخير ومحصلهمش حاجة
الحمدلله
