التكيف عندى كويس وكل حاجة بس فى مشكلة واحدة التكيف بيفصل على السرعة العالية 150
او بمعنى تانى لما الار بى ام بيعدى ال 4.5 او 5 التكيف بيفصل يعنى بيطلع هواء ساخن حد عندة فكرة المشكلة فييين ؟؟؟
عرض للطباعة
التكيف عندى كويس وكل حاجة بس فى مشكلة واحدة التكيف بيفصل على السرعة العالية 150
او بمعنى تانى لما الار بى ام بيعدى ال 4.5 او 5 التكيف بيفصل يعنى بيطلع هواء ساخن حد عندة فكرة المشكلة فييين ؟؟؟
مفيش مشكله
العربة بتحس ان مطلوب البور بتاعتها كلها فتشيل حمل التكيف من علي المحرك لحد ما تنزل السرعه
يعنى معنى كلام حضرتك ان المفروض مجريش بالعربية ؟؟؟؟؟
العربية مازدا 3 2008 ازاى كدة ؟؟؟
اجري براحتك مفيش مشكله
بس ده موضوع اولويات للمحرك
العربية ذكية وبتحاول تفهم انت عاوز ايه
لو الكنترول احس ان مطلوب تسارع من العربية فبيوجه قدرة المحرك للي هو فهم انك عاوزه وبيدي الاولوية للجري عن التكييف
يعنى يا اجرى يا اشغل التكيييف !!!!
اجري بس ما تقرصش على دواسة البنزن جامد
الموضوع مالوش دعوة بسرعه العربية
له علاقة بالحمل عل المكنة
هو مش المفروض ان حمل التكيف بيبقى على العربية وهي واقفة اكتر و انا اعرف ناس بتولع التكييف بعد ما تمشي بالعربية ازاي يعنى لما تجري يفصل التكييف شئ غريب فعلا .
هي مش بتفصل لما تجري
هي بتفصل التكييف لما تطلب منه عزم للتسارع, يعني لما تدوس علي البنزين مرة واحده جامده عشان تزود السرعه
ثم ان الجري علي السرعات العالية بيخلي مقاومة الهواء شديدة علي المحرك , حمل كبير
فالكنترول بيضطر يفصل المكيف علشان يديلك الاداء الي انت عاوزه
متابع !!
اللي اعرفه ان لو البوابه اتفتحت باكتر من 15% من وضعها الطبيعي مره واحده الكونترول بيبعت
اشاره يفصل الكباس عشان السائق محتاج تسارع....
تحياتي
Sent from my Xperia Arc S using Forum Runner
الصراحة كلام جديد أول مرة أسمعه.
انا واخد بالى من الموضوع ده لانى اوقات كتير لما بحرق على الغيار الرابع بالذات بحس بان التكيف هواء بس بس لما بجيب الخامس بيرجع يشتغل تانى طبعآ انا ما جربتش العربيه لسه على اكتر من 120 ومش عارف الخامس اخره هيكون فين ويخلى التكيف يفضل وانا ركبت rpm علشان الموضوع ده علشان اقدر اميز الكباس بيفصل عند ار بى ام كام وخصوصآ على الصحراوى مثلآ او فى الجرى المستمر