عرض للطباعة
السلام عليكم ورحمه الله
النهارده لقيت صوت اول مره اسمعه في العربية حاجه كده زي فوووووووووووو
معلش انا مش لاقي تشبيه غير كده
انا كان معايا قبل الساجا لانوس وكان حصل معايا صوت مشابه وطلعت المشكله في طقم البلي للعجل الخلفي
ياتري حد عنده اي احتمالات تانية؟
ولو طلعت المشكله في البلي ياتري ممكن اجيبه منين ؟وبكام؟ لاني مش من القاهرة
علي فكرة انا اتصلت بمحل مكه ومحل المدينه والبلي مش موجود عندهم
لا حول ولا قوة الا بالله
44 مشاهدة ومفيش ولا رد
على فكرة انا زيك برده عندى بليه العجل الخلفي يمين برده عملت معايا كده لدرجه ان الكاوتش كله افش وانا بطلع بالعربية كانه حد ماسكه هو بس هههههههههه قرست شويه على العربية فكت الفشه المهم رحت للميكانيكى بتاعى طلع البليه لقاها بايظه دخت على واحده غيرها ملقتش المهم الميكانيكى عمل شوية نظافة فيها وشوية شحم اشتغلت كويس ولحد الان مش موجوده فى محلات قطع الغيار انا بدور على بديل ليها فى موديلات عربيات تانيه ولما انت تلاقى او انا الاقيها هبلغك عموما انا من السويس زيك ( سيارتى ساجا بيضاء بعلامة بروتون على الزجاج الخلفي )
السلام عليكماقتباس:
المشاركة الأصلية كتبت بواسطة eymofouad
بالنسبه لعجل البلي الخلفي اعتقد انع رولمان بلي عادي ممكن تلاقيه ( بالرقم ) في محلات رولمان البلي والسيور الصناعيه موش لازم قطع غيار السيارات
لو ممكن تحط صور لرولمانه البلي يكون افضل او رقمها ممكن نسال عليها
وشكرا
فعلا" ازاى مش لاقيها ؟
فك القديمة وأنزل شارع شامبليون وشارع زكي هتلاقيها ان شاء الله
شكرا علي الردود
علي فكرة رحت لميكانيكي كويس ورفع العربيه وأعد يهز العجل والعجل كله مفيهوش اي بوش ولا رجه وقالي البلي سليم
طب ايه سبب الصوت ده ؟ قالي حاجه غريبه انا مش مقتنع بيها قالي غير فلتر البنزين ؟؟؟
ايه ياعم علاقه فلتر البنزين بالموضوع ده ؟ قالي ان ممكن يكون في سدد في الفلتر وكل ما تدوس علي الاكسلتير بوابة الهوا بتزود الفتح لكن سدد الفلتر بيمنع كميه البنزين اللي تناسب نسبة فتح البوابة فده ممكن يكون سبب الصوت ؟؟؟ طبعا انا مش مقتنع بالموضوع ده لكن عموما كده كده عايز اغير الفلتر
قبل كده كنت بغيره بفلتر اصلي من التوكيل لكن قرات في مشاركه قبل كده ان فلتر البنزين بتاع اللانوس بيركب عليها ياتري المعلومه دي صح ولا غلط؟؟؟