بقالك كام سنه متجوز ويتارى بعد المده دى لسه بتحبها زى الاول ولا ايه؟
هاسيبك تفكر
عرض للطباعة
بقالك كام سنه متجوز ويتارى بعد المده دى لسه بتحبها زى الاول ولا ايه؟
هاسيبك تفكر
الحمد لله أنا مش متجوز
يا بختي :party:
أصل أنا مش ناقص بهدلة أكتر من كده أظن واضح
هو الموضوع غريب على منتدانا ومتوقعش ردود كتير بس عايز أعرف هدفك منه إيه بالضبط يا أخى؟
سؤال برئ والله
وعلشان أثبت لك إنه برئ هجاوب على سؤالك (اللى شايفه غريب)
بقالى متجوز 7 سنين ومش بحب زوجتى زى الأول طبعا ...
أكتر بكتير
هل صاحب الموضوع متزوج أصلا؟؟؟ :)
كل يوم بيعدي بلاقي حاجة تحببني فيها أكتر
اللى مش متجوز ده صعبان عليا
لسة ماتجوزتش لكن من خوفي حاقول اني بحبها اكتر من الاول كمان :whistling:
مافيش حاجة اسمها باحبها اكتر من الاول و لا بطلت احبها
الحب درجات و بين الدرجة و الدرجة فوارق معرفة و غير معرفة
و العشرة دى درجة من درجات الحب
و الانسان احاسيسه و معنوياته غير ثابته
يعنى يوم بيحب اوى و تانى يوم عادى و التالت بيموت فى اللى بيحبه
و ممكن فى الرابع يتطلقوا
مالهاش دعوة بزمن فى الاول او فى الاخر
فى مواقف و احاسيس تتنامى و تكبر او تضمر كزرع الصحراء فى انتظار قطرة ماء لتصبح اينع و ابهج مما كانت عليه بالأمس القريب
لاحظ انها لم تمت
----------
بصراحة فى كلام كتير يتقال للرد على هذا الموضوع
--------------
بصراحة اكتر كنت مستفز جدا من عنوان الموضوع و جدوى طرحه
---------------------
لى سؤال صغير
لما كنت فى ابتدائى كنت بتحب عمك اكتر من الان و لا لسه بتحب
ابن خالك اكتر من دلوقتى
وانت مالك بحبها ولا لأ دى مراتى انا الموضوع يخصك فى اية والهدف منة اية
أنا أظن والله أعلم إنه عايز يعرف الناس اللى ممكن تكون متجوزة بالذات عن حب بتفضل زى ماهى وللا المشاعر بتفتر وكله بيتنسى- يعنى مايقصدش يسأل عن أسئلة شخصية بقدر ماهو بيحاول يكوّن فكرة عن المستقبل من خلال أجوبتنا
سؤال مهم بجد !!
بس لما الزوجين يحالوا يكون في جديد كل فترة مش حيصل زهق ومش حيصل قله الحب وانعدامه
بس المشكله ان الدنيا حاولينا كلها مشاكل ممكن تأثر طبعا على العلاقه الزوجيه بصورة فظيعه
شوفوا القصيدة لشاعر عامي جديد اسمه على سلامة بيقول لمراته والقصيدة اسمها (لب وسوداني) واقع فعلا !!
بقول لها ..
ما تيجي نهزر ..
نجري ونلعب ..
ونكسر كل الحاجات ..
ونجيب م اللي فات ..
يومين حلوين ....
قالتلي والنبي إنت فايق ورايق ..
قولتلها ...
طب وليه نتضايق ..
إحنا لسه صغيرين ..
وأكبر عيالنا ..
يا دوب تسع سنين ..
يعني لو بنحكم مصر ..
تبقي يا دوب لفة ونص ..
مش عشرين ..
- وطي صوتك البت بتذاكر ..
والواد مصدقت إنه نام ...
إنما إيه اللي صحي ف قلبك ..
من تاني الغرام ..
قولتلها جوايا كلمتين غزل ..
قالتلي والنبي إنت عسل ..
بس الظروف ..
- مالها الظروف ..
فاكرة لما كنتي ..
بتحوشي م المصروف ..
جبتيلي ورد ف عيد ميلادي ..
- وجبتلك بلوفر صوف ..
- وجبتيلي بلوفر صوف ..
- فاكر لما بوستني ..
وإحنا لسه مخطوبين وأبويا لاحظ ..
يالهوي كنت هموت م الكسوف
- فاكرةأول مرة قلت لك بحبك ..
وشك إحمر ..
- إنت اللي وشك كان مخطوف ..
- مش إنتي كنتي بترسمي زمان ..
- وإنت كمان كنت بتكتب شعر ..
- هو احنا بطلنا نحس ..
- إحنا بطلنا نشوف ...
وطلعنا اللب والسوداني ..
وفتحنا التليفزيون ..
وسكتنا تاني ..
ولا زال السبب ..
غير معروف ..
غير معروف
بسم الله
اولا انا عرضن الموضوع لانى كنت عاوز اعرف بعد الجواز الحب بيموت ولا بيكبر
ثانيا: انا لسه متجوزتش
ثالثا ودى للاساتذه وليد عادل والخولى
انت ظنك وحش فى الناس وبعدين ممكن تقولى ازاى طريقه عرض الموضوع بشكل افضل
بس بالمناسبه شكلكم عصبى قوى يا اخى خد الامور بحسن نيه وتذكر ان بعد الظن اثم
وهو انا اعرفكم اصلا علشان تظونو كده
على العموم انا مش زعلان منكم بس فى اسلوب ممكن يكون افضل من كده ورمضان كريم
رابعا شكرا ليك يا دكتور احمد انت ردك كافى ووافى
خامسا رمضان كريم
فكرتنى مرة بواحدة لما الناس نهرتها ليه متمسكة بخطيبها 4 سنين قالت ده الواحد لو مربى قطة كانت مهانتش عليه
الزوجة يا سيدى نعمة لن تعرفها الا بعد ما تتزوج
ولن يحس بها المتزوج حتى يفقدها
واحلى ما فيها الاولاد
واصعب ما فيها الفراق
لو عايز تتجوز اتكل على الله بس اختار كويس وبدقة
انته ناصب كمين لحد في المنتدي؟:clap:
bemo,ire
ماحدش هيقولك يا مان
اللي بيحب مراته هيخاف يتحسد من اخواته المتزوجين
واللي بطل يحب مراته هيخاف يضرب لو مراته شافت الاجابة
وبعدين ماتقلقش توكل على الله
على رأي اللي قال
الستات زي الشمس نحبهم ساعات و نضايق منهم ساعات بس عمرنا ما نقدر نستغنى عنهم
شر لابد منه يعني يا جماعه و لا ايه :)
ياباشا مش مسئلة عصبي ولا حلجه بس السؤال حاجه خصوصي اوي اوي يعني و مفتكرش ان ممكن حد في يوم من الايام ييجي يسال سؤال زي دا لواحد متجوز و حيرد عليه عادي كده ولا حتي اصحابي يعني
بخصوص عرض السؤال : السؤال عام جداً و الناس حتفكر في اشياء كثير كنت ممكن تحصر التفك في النقطه اللي عايز تسال فيها و خلاص
و بعدين اعتذر لخطأ فهمي لسؤالك