عايز كريم او زيت بيطول الشعر

**3mr Farrag** · 25-09-2013 11:18 PM

عندي مشكله اني مش عارف احلق شعري نهائي
بقالي حوالي عشر سنين او اكثر مش لاقي حلاق محترم
و جربت حلاقين كتير جداا علي مدار السنين
و معظم الوقت الحلاقه تكون كل شعره في دماغي بطول لان شعري خفيف جداا و ناعم جداا
فا محدش بيعرف يظبطه نهائي

المهم انا عندي مكنه حلاقه بس طبعا طول المشط قصير علي الطول اللي عايزه
وشعري بطبيعته بيطول ببطئ جدااا
فا عايز كريم او زيت محترم اي ان كان بس يكون مالوش اضرار جانبيه
يطول الشعر علشان اريح نفسي من الحلاقين و اظبط الطول في فتره قصيره

ياريت يكون الكريم او الزيت عن تجربه

**ganash** · 25-09-2013 11:46 PM

طيب بتستخدم كريم ايه بينعم الشعر ياباشا ؟ انا كان شعرى ناعم وكويس مهتمتش بيه فتره بقا خشن ويمكن بحلق كل 15 يوم علشان لما بيطول بيبقى وحش

**3mr Farrag** · 25-09-2013 11:54 PM

انا شعري ناعم من غير اي حاجه
بستخدم بقالي فتره واكس علشان يتقله شويه

في حاجات كتير بتطري الشعر و تنعمه
جرب بالمرز بجوز الهند او العادي

لو تعرف بقي انت حاجه بتبوظ الشعر و تكعبره و تتقله شويه يبقي تمام

**DODGE2013** · 26-09-2013 01:19 AM

التوم ,,, صحيح ريحه وبتاع بس قبل ما تستحمه شوية توم حلوين كده واضربهم في الخلاط ودرمغ البلاطه قصدي راسك بيه هههههههههههههه وبالمره بيطلع شعر جديد بس بيكون شعر خفيف

بس قبل ما تعمل بالتوم ابقى هات كحول طبي وخففه بميه واغسل شعرك بيه عشان يفتح المسامات

ويسلام لو التوم لما تحطه تجيب ماكينة البخار للشعر ربع ساعه ولا نص ساعه تحتها وحتدعيلي

وممكن تغلي ميه وتحط راسك بحيث البخار يجي عليها او فوطه فيها ميه سخنها شغاله بردوا وحطها على راسك

العبدلله جرب كل الكريمات الرخيص والغالي والغالي اوووووووووووووووووووووووو وووي كمان

كله ضحك على الدقون ونتايج مش ولا بد

واتحدى اي حد يقول ان الطريقه ديه مش بتقوي الشعر وطوله وتمنع التساقط بل وبتصحي البصيله الي بطلت تطلع

اصل الاقرع ده عباره عن ايه ؟؟؟؟؟؟؟؟؟؟؟؟؟؟؟؟ شخص بصيلات شعره توقفت عن انتاج الشعر

لاكن البصيله نفسها موجوده وعايشه وبيوصلها دم واكسجين وكل حاجه بس محتاجه حد يلعب فيها عشان تصحى

وتطلع شعر ههههههههههههههههههههههه

**janagabr** · 26-09-2013 01:25 AM

ياباشا ما انت زي القمر اهه وشعرك نازل علي عينيك مش ده صورتك برده اللي انت حاتطها بهزر معاك روح لدكتور تجميل او جلدية في ادوية عشان جذور ومنبت الشعر وسيبك من حاجات اللي في السوق عشان معظمها اشتغالات

**3mr Farrag** · 26-09-2013 02:10 AM

المشاركة الأصلية كتبت بواسطة DODGE2013

التوم ,,, صحيح ريحه وبتاع بس قبل ما تستحمه شوية توم حلوين كده واضربهم في الخلاط ودرمغ البلاطه قصدي راسك بيه هههههههههههههه وبالمره بيطلع شعر جديد بس بيكون شعر خفيف

بس قبل ما تعمل بالتوم ابقى هات كحول طبي وخففه بميه واغسل شعرك بيه عشان يفتح المسامات

ويسلام لو التوم لما تحطه تجيب ماكينة البخار للشعر ربع ساعه ولا نص ساعه تحتها وحتدعيلي

وممكن تغلي ميه وتحط راسك بحيث البخار يجي عليها او فوطه فيها ميه سخنها شغاله بردوا وحطها على راسك

العبدلله جرب كل الكريمات الرخيص والغالي والغالي اوووووووووووووووووووووووو وووي كمان

كله ضحك على الدقون ونتايج مش ولا بد

واتحدى اي حد يقول ان الطريقه ديه مش بتقوي الشعر وطوله وتمنع التساقط بل وبتصحي البصيله الي بطلت تطلع

اصل الاقرع ده عباره عن ايه ؟؟؟؟؟؟؟؟؟؟؟؟؟؟؟؟ شخص بصيلات شعره توقفت عن انتاج الشعر

لاكن البصيله نفسها موجوده وعايشه وبيوصلها دم واكسجين وكل حاجه بس محتاجه حد يلعب فيها عشان تصحى

وتطلع شعر ههههههههههههههههههههههه

مش عارف ليه مقلق من موضوع السبرتو ده و الفنيك و مايه النار اللي احطها علي دماغي ديه

بس علي فكره في انواع كريمات بطلع شعر بجد
واحد اعرفه كان اقرع جامد و استعمل كريم بس غالي كانت حوالي الانبوبه 500 جنيه
وشعره طلع فعلا
بس مش فاكر اسم الكريم بصراحه

حضرتك ضامن موضوع التوم ده و الكحول ده ولا هلاقي شعري شاط!!!
و كفايه بصراحه ريحه التوم مهما اغسله هيبقي ريحتي معفنه :)

**3mr Farrag** · 26-09-2013 02:16 AM

المشاركة الأصلية كتبت بواسطة janagabr

ياباشا ما انت زي القمر اهه وشعرك نازل علي عينيك مش ده صورتك برده اللي انت حاتطها بهزر معاك روح لدكتور تجميل او جلدية في ادوية عشان جذور ومنبت الشعر وسيبك من حاجات اللي في السوق عشان معظمها اشتغالات

الموضوع مش مستاهل معايا دكاتره
كل اللي عايزه اني اعرف احلق ذي بقيه البشر
انا طبيعه شعري من صغري انه خفيف جدا و ضعيف لدرجه لو شديت كتله شعر
بأيدي ممكن تطلع كلها
خلاص اتعودت مش فارقه معايا
غير شعري بدء يزلح شويه :(
وعايز احلق بدل ما كل شويه انا اللي بقصره بأيدي و برضوا طويل

**bmya** · 26-09-2013 03:16 AM

متابع اوي :))

**مصطفى-حسن** · 26-09-2013 03:42 AM

انا هقولك على نصيحة غريبة شوية
وانا فى العشرينيات من عمرى اللى اشتغلت بية على مدار 3 سنين صرفتة على شعرى لحد ما زهقت

النصيحة بقى اوعى تمشى فى السكة بتاعة الكريمات والزيوت والادوية...الخ الخ الخ الخ الخ

اقسم لك بالله هتصرف فلوس مووووووووووووووووت والحصيلة فى الاخر صفر كبير

المعلومة اللى قالها الزميل بتاعة التوم دى جامدة

وفية انك تجيب الجرجير وتضربة فى الخلاط وبعدين تجيب شاش وتصفية هينزل منة سائل لزج سيبة فى كباية لحد ما تلاقى الزيت اتفصل عن المية (تقريبا بعد كام ساعة) اشفط الزيت دة بسرنجة 10 سم وبعدين اغسل راسك بمية سخنة ودلكها بصوابعك كتير قوى لحد ما الفروة تتنشط وبعدين ادعكها بالزيت بتاع الجرجير

بس خلى بالك بيبقى لزج وريحتة غبية بس فعال قوى قوى
ولما تعمل الموضوع دة ابقى اعملة اول ما تدخل البيت على اساس انك مش هتخرج تانى وسيبة على دماغك لتانى يوم وبعدين ابقى اغسلة
عايز اقولك بعد ما ضيعت فلوسى على الادوية والكريمات والاطباء ....الخ الخ الخ ربطة الجرجير ام 50 قرش دى هيا اللى ظبطت الكلام
لكن بعد ما تجوزت كبرت دماغى .....شعر اية وبتاع اية
هيا بس المرحلة العمرية
وبعدين الراجل الاصلع لية هيبة كدة ووقار وفحولة معروفة عند الطرف الاخر

-

الموضوع: عايز كريم او زيت بيطول الشعر

LinkBack

أدوات الموضوع

عرض

عايز كريم او زيت بيطول الشعر - انشر الموضوع فى :

-

-

-

-

-

-

المواضيع المتشابهه

ايه حل قشرة الشعر

اية اضرار الزيت لما بيطول فى الموتور

هو فعلا كريمات الشعر بتنعم الشعر و لا دية فكرة خاطئة؟

نوبيرا بتاعتي خليتها bmw عايز رأيكم في تصميمي وتنفيزي اخوكم د/كريم عبدالرازق

الكلمات الدلالية لهذا الموضوع

المفضلات

المفضلات

ضوابط المشاركة