سلام عليكم
بنتي (سنة و نصف) انا مشتبه بنسبة كبيرة جدا انها بلعت حجر ساعة يد (قطره حوالي سنتي واحد و سمكه حوالي نص سنتي)
مش عارف مفروض اعمل ايه ؟
انتظر و اشوف هايظهر عليها اي اعراض غريبة و اتابع برازها ولا الموضوع خطير و اخدها لاي مستشفى بسرعة !!!!
عرض للطباعة
سلام عليكم
بنتي (سنة و نصف) انا مشتبه بنسبة كبيرة جدا انها بلعت حجر ساعة يد (قطره حوالي سنتي واحد و سمكه حوالي نص سنتي)
مش عارف مفروض اعمل ايه ؟
انتظر و اشوف هايظهر عليها اي اعراض غريبة و اتابع برازها ولا الموضوع خطير و اخدها لاي مستشفى بسرعة !!!!
ان شاء الله خير ..
بس اطلع بيها على المستشفى حالاً من فضلك.
فى 90% من حالات ابتلاع الأطفال للبطاريات الزرارية Button batteries ، الأمور بتعدى على خير
بس علشان خاطر الـ 10% الباقية ، لازم تاخد الموضوع بجدية ويجب أن تعامل كحالة طوارئ.
http://www.emedicinehealth.com/batte...stion_overview
مش عارف هاعرف اطلع بيها عالمستشفى دلوقت ولا لأ خصوصا ان شكلها سليم :s
مكتوب ان الحجر لو وصل المعدة يبقى الموضوع مطمئن اكتر كتير , بافكر اخليها تاكل فينو مثلا عشان اطمن انه مش محشور في المريء
هي ما عليهاش اي اعراض و رضعت عادي
الف سلامة علي البنوتة وربن يعديها علي خير بالنسبة للبلع عادي ياما بلعنا شلنات واحنا صغيرين بس مادام التنفس والكلام كويس يبقي الحمد لله نزلت في بطنها وللتاكيد اكلها وشربها عشان تكون نزلت في بطنها وبعدين بناخد دواء ملين ( بضم الميم ) وبتنزل في التوالت بس الكلام ده في اعمار تلات سنين انما البطارية ده اعتقد والله اعلم لازم تنزل بسرعة عشان حوارات المجال المغناطيسي وقصص الفيزياء بتاعت البطارية انا مش دكتور واتصل بالدكتور اللي بيتابعها واساله
انا ابني بلع ربع جنيه ونزل بعد ٥ ايام بس انا عملت اشعه عشان اعرف مكانه وهل هو في مكان خطر ولا لا ان شاء الله الموضوع بسيط تابعها بس لان مفيش غير كده واي خيار اخر صعب جدا
اظن ان السونار علي المعده والامعاء هو الحل الامثل
ان شاء الله مفيش قلق
انا بلعت1 قرش صاغ بس كنت في اولي ابتدائي
ونزل بدون قلق
ياما جاني ناس بالعه فلوس او دبابيت...
البطاريات وضع مختلف لان فيها مركبات سواءغ رثاص او ليثيوم او غيره...
الخجر في حالة حضرتك مش كبير لان حجم الحجر ده صغنن...
المشكله اكبر لو كان حجر قلم...
كل المطلوب من حضرتك دلوقتي انك تتابع البراز وتاكلها حاجات رخوة زي الموز والزببادي والبطاطس المهروسه وتشربها عصير برتقال عشان بيعمل اسهال....
وتنتبه على بعض علامات الخطر اللي لو شفتها تاخدها للطوارئ غير كده تكبر دماغك...
1/قيئ مستمر مع امساك
2/دم في البراز
3/انتفاخ في البطن
دي الحاجات اللي حضرتك تنتبه منها وان شاء الله هيخرج زي ما دخل...
مرحلة الخطر بتكون في الاول لو حصل شرقه واختناق بعيد الشر لانه بيكون دخل الحنجرة مش المرئ...
غير كدة ان شاء الله متقلقش وربنا يخرجه بالسلامه وياريت تاخدو بالكم من الحاجات دي متتحطش في متناول الاطفال...
تحياتي
Sent from my Xperia Arc S using Forum Runner
حمدلله علي سلامتها
متقلقش ياغالي وتابع بس البراز الايام الجايه وزي مانبهتك عالاعراض اللي تستلزم الذهاب للطوارئ لا سمح الله لكن في العاده مبيحصلش حاجه :-)
من يومين كلمني واحد ابنه وبنته بلبعو شريط مانع الحمل بتاع امهم
وربك بيعديها...
تحياتي
Sent from my Xperia Arc S using Forum Runner
الف مليون سلامة علي النونه يا بشمهندس تامر
و ان شاء الله ربنا يتم عليها بالشفاء العاجل
تحياتي اليك
لو قلقان هتعمل اشعه و تشوف مكانه فين و بعدين المستشفى يدوها ملينات عشان تنزل ... فبالتالى زى ما مكتوب فى المشاركه اللى فوق تابعها و اديها انت حاجات طريه و عصير برتقال (ابعد عن التفاح) و كله هيروح ان شاء الله ...
على فكره مش شرط انك تاخد بالك انه نزل بس انت هتابع 4-5 ايام و ان شاء الله سليمه
اعملها اشعة عادية عالمسالك و خلى دكتور الاشعة يبصلك عليها
فى البدايه احب اضيف على ما كتبه الاعضاء الكرام:-
موضوع بلع الاطفال الصغار لاشياء معدنيه فهناك فرق بين الاشياء الحاده مثا الابر والدبابيس وخلافه
وبين الاشياء عير الحاده مثل العملات المعدنيه والبلى وهكذا
اولا ابنتك لم يدخل الحجر فى القصبه الهوائيه وهذا ظاهر من كلامك على الحاله .لانه فى حاله دخولها فى القصبه الهوائيه
تظهر عليها اعراض الاختناق مثل السعال الشديد والزرقه فى الشفتين والوجه وهذه الاعراض من الطوارىء ويستلزم
النقل السريع الى المستشفى لاجراء اللازم وهو ما لم يظهر فى رسالتك.
اما الحاله الثانيه وهو دخول الحجر فى المرىء الى المعده ثم الامعاء وهو فى حالتك
فالاشياء غير الحاده 99فى المائه بسيطه وياما اتى الى اطفال بالعى بلى وصاموله مسمار ونوايه زاتونه وخلافه يالمتابعه لم يحدث اى شىء وتم خروجها (تبرزها ) بسلام
السؤال هو ما خطورة بلع الاشيلء غير الحاده عند دخولها الامعاء
والاجابه هى حدوث انسداد معوى
لذا المفروض عليك الاتى الان هو الملاحظه وجعل الطفله تتبرز فى البوتى (القصريه) والبحث عن خروج الحجر
ثانيا وهو الاهم وان كان احتماله ضعيف جدا وهو :-
-الام شديده فى البطن
-قىء شدديد مع حاله اعياء
-ملاحظه انتفاخ البطن الشديد مع وجود امساك وعدم خروج البراز وعدم خروج رياح من البطن
-تبرز ماده لونها احمر مثل الجيلى فى القوام
ولاتقلق فان حدوث هذا نادر الحدوث فى مثل بلع حجر الساعه الصغير لانه كما اشرت هو شبيه بنوايه الزيتون وياما بلعناه ولم يحدث شىء .
ملحوظه : الاشعه العاديه على البطن بتوضح مكان وصول الحجر فى البطن وتوضح حدوث الانسداد المعوى لاقدر الله
وختاما ادعوا لابنتك ولابناء الاعضاء جميعا باتم الصحه والعافيه
ده بصفة عامة
أما فى حالة البطاريات بصفة خاصة فيه خطورة إضافية هو ان بلل البطارية باللعاب أو المخاط المبطن للمرئ بيعمل تيار كهربائى ضعيف ولكنه كافى لتدمير الأنسجة وعمل ثقب فى المرئ وقد يثقب الأورطا ، ويسبب إصابة شديدة تحتاج جراحات عديدة لاصلاحها وقد يكون قاتلاً.
Child Swallows Battery And Dies
عافى الله كل أطفالكم ..
الكلام ده يا عزيزي نادر قوي يكاد يكون 1في المليون...
البطاريات الصغيره من 1.5-3فولت ودول لا يعتبرو شئ...
عموما بلاش نهول الموضوع جدا وباذن الله اخونا هيدخل يطمنا على البنوته ربنا يحميها ويبعد الشر عنها وعننا...
تحياتي
Sent from my Xperia Arc S using Forum Runner
سلام عليكم
شكرا لاهتمامكم جميعا
و الله لحد دلوقت لا شيء
البنت ما ظهرش عليها اي اعراض
و للأسف مامتها اهملت في تفحص برازها المرة اللي بعدها , فمش عارف هي اخرجت الحجر ولا لأ
طالما عدى يومين من غير مشاكل ، يبقى غالباً براءة.