عملت صيانة الالف للفيرنا وغير زيت وفلتر المهم لما بقيس الزيت بيبقى فوق حرف f بنص سنتى , هل فى خطورة كده , وانا عامل دلوقتى 2500,, ارجو سرعة الرد ,, مع الشكر
عرض للطباعة
عملت صيانة الالف للفيرنا وغير زيت وفلتر المهم لما بقيس الزيت بيبقى فوق حرف f بنص سنتى , هل فى خطورة كده , وانا عامل دلوقتى 2500,, ارجو سرعة الرد ,, مع الشكر
اولا اتاكد من قياس الزيت انه مضبوط و طبعا بتقيس و العربيه بارده تماما فى مكان مستوى و بقالها حوالى 6-8 ساعات مشتغلتش و تدور 5 دقائق و تفصل و تستنى 5 دقائق و تقيس لو لقيت فعلا فيه زياده على اقرب بنزينه فيها جهاز شفط زيت الموتور و قوله نزلى ربع لتر و قيس تانى يوم و شوف
بقيسها الصبح بدرى قبل ما ادور , وهى باردة تلج
نفس اللي عمله معايا التوكي النتخلف انا مش عارف اسمهم توكيل وبيعملوا كده ازاي
طبعا تروح تشفط منه في اي بنزينة لانه تأثيرة وحش جدا على الموتور
حاول تنزل منه شوية,, الزيت الزيادة غلط علي وش السلندر والجوانات,
والطريقة الأحسن مش عايز أفتي بس يا تفتح الطبة من تحت وتنضفها كويس الأول, واللي ينزل منها تنزله في طبق نضيف
عشان لو نزلت كتير ممكن تستخدم اللي نزل منها وتحط تاني شوية منه فوق,,
يا إما تفتح غطاء الموتور وهوا بارد الصبح والزيت بارد جدا وبسرنجة حقن وتسحب زيت,
من ربع لنص كيلو وتفضية في جركن نضيف, وتقيس معيارك تاني..
أنا حصل معايا نفس الموقف ل 3 سنين متواصلة في التوكيل, عربيتي بيجو 307 وبتاخد 3 وربع لتر زيت بالفلتر,
وكانو بيحطولي كل مرة أربعة لتر!!!!
ومعرفتش المعلومة دي إلا السنة دي, وكنت دايماً أشتكي لهم أن فيه ترشيح زيت علي غطاء زيت الموتور ويقولو لي دا عادي وطبيعي,,
وكنت بغير الزيت عندهم ب 80 جنيه عندهم لتلات سنين,, يعني بدفع أكتر وباخد خدمة زفت.!!
حسبي الله ونعم الوكيل, وربنا يرحمنا من التوكيلات اللي معندهاش ضمير,
الموضوع مش خطير اوى كدا يا جماعة
لو بالخطورة دى كانو نزلو جركن زيت 3.5 لتر مخصوص للعربيات
وكانو ركزو عليها فى الكتالوج بتاع العربية
المهم قيس بس الزيت والعربية باردة والعربية واقفة على ارض مستوية
ومتقلقش اوى كدا
ونستنى مع بعض رأى الخبراء فى المنتدى
يمكن اكون انا غلطان
هوا مش يمكن تكون غلطان,, هوا حضرتك أكيد غلطان,,
عشان بتقول أنو مش خطير أوي كدا بدون علم.!!!!!!
يعني بتنصح نصيحة ممكن أو أكيد هتضر,, من غير ما تبقي عارف حاجة عن الحاجة اللي بتتكلم فيها,,
بص يا سيدي أضرار الزيت الزيادة,
1- الزيت الزيادة بيعمل Load يعني حمل علي عمود الكامات, ودا بيهلكه وبيقلل من عمره الأفتراضي وبيقلل من الهورس باوي بتاع العربية.
2-بتعمل حمل أكبر علي جوان وش السلندر,, يعني ممكن تجيب وش سلندر قبل 100 ألف كيلو لو فضلت تحط زيت زيادة عن سعة الموتور واللي المصنع محددها عشان ضغط الزيت الأزيد والحرارة الأزيد.
3- الزيت الزيادة بيوصل لعمود الكامات اللي في حركة دائمة عشان يفتح الصبابات ويقفلها ولما بيوصلة بيطرطشه ف كل حتة وبيعمل فوم foam يعني رغاوي زي الصابون,
وبتضيع لزوجة الزيت, يعني بدل ما يزيت هيبقي عامل زي الرغاوي ومش هيزيت.
وعندك عربية زي النيسان صني بتاخد 2.75 زيت بالفلتر و 2.50 من غير؟؟
http://www.nilemotors.net/Nile/244324-a.html
هل حضرتك ممكن تقول لحد ساعتها حطو أربعة لتر فيها عادي,,
عادي والموضوع مش خطير اوى كدا يا جماعة
و لو بالخطورة دى كانو نزلو جركن زيت 2.5 لتر مخصوص للعربيات !!!!!!!
يعني كل نوع عربية المفروض ينزلو ليها جركن زيت مخصوص ولا تقري كتالوجك ؟؟؟
مع العلم إن فيه جراكن 1 لتر بتتباع من كل أنواع الزيوت, ومش شرط تشتري ال 4
بس أوفر أنك تجيبه وتشيل الباقي منه, عن أنك تشتري 1 لتر في 4 جراكن.!
الصح صح, والغلط غلط يا صديقي,
لا تعليق الصراحة.!
شكرا ولا تعليق
متزعلش مني أنا مقروص من موضوع الزيت دا قبل كدا وكان هيضرب لي جوانات وضر الموتور,
ولما شوفت ردك وأنت بتقول الموضوع مش خطير ومتقلقش,
وبتطمن الراجل وأنت متعرفش حاجة عن خطورة الموضوع دا عصبني,
خصوصاً إني مش عايز حد يمر بنفس التجربة دي, ولا يضر عربيته,,
تحياتي ليك.