السلام عليكم
عايز حد بيعالج شروخ الازاز الامامى عشان عندى كذا شرخ فى البربريز, ياريت لو حد يعرف واحد نضيف و مصنعية معقولة و يستحسن فى الهرم او فيصل او الجيزة
شكرا
عرض للطباعة
السلام عليكم
عايز حد بيعالج شروخ الازاز الامامى عشان عندى كذا شرخ فى البربريز, ياريت لو حد يعرف واحد نضيف و مصنعية معقولة و يستحسن فى الهرم او فيصل او الجيزة
شكرا
الصراحة انا مش مقتنع بفكرة معالجة او ايقاف الشرخ فلو حد يقدر يشرحلي الفكرة بالتفصيل فكتر خيرة كل اللي انا شوفته من حوار الدوريات اللي بتتعمل عند نهاية الشرخ فاشلة وبلاقي الشرخ مكمل بردة عندي شرخ محترم بتاع ١٥ سم سايبة زي ما هوة بقالة سنتين
الشرخ بتتعالج لو مش سرطانية, بمعني أنهم مش متشعبين أوي ولا رايحين في كذا مكان
الشرخ بيتعالج علي حسب طوله والتكلفة بتكون من 30 ل 60 جنية,
صلحنا قبل كدا شروخ في كذا عربية عندنا والشرخ توقف والحمدلله لأن الشرخ كان بيزيد في الأزاز مع المشي والمطبات وكنا هنضطر نغير الأزاز كلة,
أنا معرفش حد في الهرم أو فيصل, بس هوا اي حد بيصلح أزازي وعنده المادة السايلة اللي بيحطها عشان تقفل الشروخ وبيعدي عليها جهاز أشعة فوق بنفسجية عشان تلحم الشرخ.
حبيت أقولك تجربتي, وطبعاً عالج الشروخ قبل ما تزيد عندك وخصوصاً لو كان أزاز الفابريكة بتاع العربية لأنه مش بيتعوض ولا بيبقي زي اللي في السوق.
السلام عليكم
عن تجربه خاصه - احسن واحد لعلاج الشروخ اسمه الدكتور خالد
في شارع الميرغني جنب كبابجي ابو شقره - و له فروع في كل حته ممكن تلاقي فرع قريب حاول تدور علي رقم تليفونه و تسأل عن فرع قريب
بس هوه ممتاز و بيكشف اولا لو الشرخ مش هينفع بيقولك بلاش تلحمه احسن غير الزجاج احسن + و كمان بيدي ضمان مدي الحياه علي المناطق اللي عملها لحام
فعلا دكتور خالد اللي أنا عملت عنده,, وبيكشف علي الازاز الأول وبيقولك ينفع يتعمل ولا لأ,
واحد صحبى بيقولى دكتور خالد ليه فرع فى شارع فاطمة رشدى فى الهرماقتباس:
المشاركة الأصلية كتبت بواسطة leitosr
طيب كويس,, أنا كنت عامل عند كتور خالد برضه بس مكنش في الهرم,
شوف أقرب واحد ليك وروح خليه يبص لك علي الأزاز وشوف هيقولك أيه.
صديقي المواطن
تروح ﻵخر شارع فاطمة.رشدي من ناحية شارع الهرم حتلاقي حد هناك كويس ودمتم للنضال
دكتور خالد ليه فرع فى الشارع الجانبى من جامعة الدول اللى على ناصيته عصير فرغلى
في واحد كويس فى فيصل قدام مركز الاهرام بتاع اشعه الرنين ممتاز جدا فى شغله المحل اسمه المتخصص والراجل اسمه سعيد
رحت له وطلب مني 140 جنيه وقال ان الشرخ لن يختفي تمامااقتباس:
المشاركة الأصلية كتبت بواسطة محمد يوسف
رفضت ورحت عند دكتور جريش وغيرت الازاز ب560 جنيه أحسن من بتاع الفابريكة
الدكتور خالد يقدر أتعابه حسب موديل العربية وليس حسب نوع الشرخ
قبل كده رحت لواحد خلف بنزينة كالتكس في 6 اكتوبر ضحك عليه وخبط 80 جنيه وحط شوية أمير بتاع اللحام والشرخ رجع بعد اسبوع وكل يوم يزيد ، ربنا لا يسامحه
اقتباس:
المشاركة الأصلية كتبت بواسطة derp
فعلا فى دكتور خالد اول فاطمه رشدى من شارع الهرم جنب توينكى الحلوانى
ما هو ده اللى انا خايف منه, عشان عندى شرخ من الاتنين حوالى 30 سم و التانى 10 و لاكن فى اخر الازاز تحت يمين عند الراكب مش السواق, لو قال اكتر من 150 استنى اول الشهر ا اجيب واحد جديد ب 350 ده لو الشرخ فضل يزيداقتباس:
المشاركة الأصلية كتبت بواسطة hilal
د.خالد بيحط مادة عبارة الزجاج السائل,, بتسد الشروخ لكن الشرخ لو عميق او فيه نسبة فامية الشرخ هيفضل باين, وبتقفل الشرخ باللمبة البنفسجية,,اقتباس:
المشاركة الأصلية كتبت بواسطة hilal
وهوا بيكون أمين مع اللي هيعمله الشغل قبل ما يشتغل زي ما قالك كدا قبل ما يبدأ شغل,,
والتكلفة بتكون علي حسب طول الشرخ لأنه هياخد مادة أكتر من اللي بيحطها والمادة دي علي حسب ما عرفت العلبة ال 200 ملي ب 1000 جنيه,,
حضرتك طبعاً أسترخصت وروحت لواحد ضحك عليك وحط لك أمير وأخد منك تقريبا نص التكلفة,,
بس أنت مستفدتش حاجة بالتوفير اللي أنت عملته لأنه مكنش مسكن ولا علاج,,
لكن المادة اللي عند د.خالد أغلي وعشان كدا السعر بيزيد علي حسب طول الشرخ,,
وفعلاً بتوقف الشروخ لو قالك أنها هتوقفها وأحنا مجربين الموضوع دا في كذا عربية..
اقتباس:
المشاركة الأصلية كتبت بواسطة derp
بالتوفيق لصاحاب الموضوع,
لو الأزاز بتاع الفابريكة دا مش هتعوضه حاول تصلحة الأول لو تقدر,,
مقدرتش أبقي غيرة بس اللي في السوق مش هيبقي زي الأصلي اللي بيتباع في التوكيل,
وكمان السليكيون اللي بيلزقو بيه مش بيبقي زي الفريم اللي بيتثبت عليه الأزاز الأصلي وهيعملك صدأ في القايم مع الوقت لو متقفلش صح زي الفابريكة او زي الفريم اللي بيتعمل في التوكيل.
بالتوفيق