التيل والطنبورة فى الفانتازيا 2012 على 18000 كيلو بس

**zaza2020** · 26-09-2013 10:54 AM

السلام عليكم

قابلتنى مشكله غريبه ومش عارف هو ليه حصل معايا كده .. المهم .. انا عربيتى سكودا فانتازيا 2012 وعملت صيانه ال 10000 فى توكيل غمرة بس عملتها على عداد 13000 المهم روحت وغيرت زيت ووكله تمام وكشفلى على الفرامل والتيل ومفيش اى مشكله .. على حسب كلام المهندس وقتها .... ومن اسبوع تقريبا سمعت صوت حكه وخبط جااامد جدا عند ضغط على الفرامل وحسيت كأن حديد بيخبط فى حديد ومفيش تيل خالص .... ( مع العلم ان عداد العربيه دلوقتى 18000 ) واستمر صوت لمده 3 ايام وفى الاخر قررت اروح للتوكيل بتاع غمره وكشفت على العربيه وكانت الصدمه ان التيل الامامى والخلفى متأكلين تماما وان صوت ورزع اللى بسمعه كان صوت احتكاك الطنبورة بالتيل الفاضى مما ادى الى تلف الطنابير الاماميه والخلفيه ) معقول ده يحصل فى عربيه زى دى ؟؟ طيب لما هو التيل مش هيكمل لل 20 الف والتوكيل كاشف عليه فى 13000 ليه مقلتووش .. يعنى انتوا بتدبسونا واستمرت المناقشات على هذا المنوال وفى الاخر دفعت قيمه التصليحات التى تعدت ال 4000 جنيه .. وحسبى الله ونعم الوكيل

**akmm** · 26-09-2013 11:37 AM

هى حاجه غريبه ................ وانتظر رد باقى الاعضاء .

**Yasser Selim** · 26-09-2013 12:37 PM

بداية، الفانتازيا عربية كويسة جدا والموضوع دا غريب. أنا مش خبير في السيارات ولكنني أرى أن أسلوب السواقة قد يكون أحد الأسباب الرئيسية لتلف اجزاء بعينها.

ولكنني أتفق معاك أن بعض التوكيلات تنتظر على التيل حتى يؤدي إلى تآكل الطنابير بالكامل والسبوبة تبقى كويسة. دا حصل معايا في عربيتي النيسان قبل ما اجيب الفانتازيا. وعملت مشكلة مع توكيل يونايتد جروب على الموضوع دا ولكن كالعادة ابقى قابلني لو خدت حق أو باطل في البلد دي. عدم الأمانة منتشرة في مصر بشكل مشين ولا بد أن نقف من هذا موقف المحلل حتى نضع يدنا على الداء ... لماذا عدم الضمير منتشر في بلد يدعي أن دينه هو الإسلام في حين أنه في الغرب عادة ما نجد التزام شديد بمعايير الأمانة والمهنية مع بعض الاستثناءات. أما في مصر فالأمانة هي الاستثناء وعدم الأمانة هي القاعدة.

**sas5** · 26-09-2013 12:37 PM

المشاركة الأصلية كتبت بواسطة zaza2020

السلام عليكم

قابلتنى مشكله غريبه ومش عارف هو ليه حصل معايا كده .. المهم .. انا عربيتى سكودا فانتازيا 2012 وعملت صيانه ال 10000 فى توكيل غمرة بس عملتها على عداد 13000 المهم روحت وغيرت زيت ووكله تمام وكشفلى على الفرامل والتيل ومفيش اى مشكله .. على حسب كلام المهندس وقتها .... ومن اسبوع تقريبا سمعت صوت حكه وخبط جااامد جدا عند ضغط على الفرامل وحسيت كأن حديد بيخبط فى حديد ومفيش تيل خالص .... ( مع العلم ان عداد العربيه دلوقتى 18000 ) واستمر صوت لمده 3 ايام وفى الاخر قررت اروح للتوكيل بتاع غمره وكشفت على العربيه وكانت الصدمه ان التيل الامامى والخلفى متأكلين تماما وان صوت ورزع اللى بسمعه كان صوت احتكاك الطنبورة بالتيل الفاضى مما ادى الى تلف الطنابير الاماميه والخلفيه ) معقول ده يحصل فى عربيه زى دى ؟؟ طيب لما هو التيل مش هيكمل لل 20 الف والتوكيل كاشف عليه فى 13000 ليه مقلتووش .. يعنى انتوا بتدبسونا واستمرت المناقشات على هذا المنوال وفى الاخر دفعت قيمه التصليحات التى تعدت ال 4000 جنيه

.. وحسبى الله ونعم الوكيل

السلام عليكم ورحمه الله
هذه الطريقه الجديده فى الضحك على اصحاب السيارات. بحجه ان التيل تم ازاله ماده الاسبستوس الضاره بييئيا منه وبالتلى التيل مبيكملش 10000كم
انا معى تيوتا كرولا 2010 ونفس الموضوع التيل الخلفى مدته 10000 كم فقط

**MITSUKERO** · 26-09-2013 01:04 PM

اغلب السيارات اللي التيل الخلفي فيها سكاكين اصحابها بيشتكوا من ان التيل بيخلص بسرعة

**Silent~Dream** · 26-09-2013 01:05 PM

ممكن يكون اسلوب قياده حضرتك هو السبب ؟؟؟ و طبعا مفيش ضمير التوكيل كان المفروض قالوا ساعت ال 13 الف ده فاضله شويه و يخلص غيره على 16 الف للاسف الضمير انعدم من عند ناس كثير و الطمع و الاستغلال زادوا

**inspiron** · 26-09-2013 01:17 PM

أول مرة غيرت فيها تيل الفرامل كان علي 25000 كم..وأول مرة غيرت فيها الطنابير كان علي 70 ألف كيلو متر,,وهي اللي موجودة حتي الآن والعربية عاملة 118000 كم...أعتقد ده بيرجع لأسلوب القيادة أولاً وأخيراً.

**EngAhmedSayed** · 26-09-2013 01:38 PM

شكوى جديدة من نوعها
بخصوص التيل
بس على ما اعتقد اسلوب القيادة يختلف
بخلاف التدخل فى عداد الكيلو متر
و اكثر واحد يرد على الموضوع هو صاحب الموضوع
و فى هنا نقطة و هى المفروض التيل مصمم لعدد كيلو متر معين و بيكون مضاف علية حدود الامان الخاصة بالاستهلاك
وربك المستعان