الموضوع: أرجو المساعدة بخصوص Matiz

khater87 متعرفش قد ايه انا مبسوط من الاجابة بتاعتك لاني بدور على حد يفيدني من زمان لكن عشان العربية نادرة مش لاقي اجابات، وانا ساحتفظ بإجابتك في ملف وورد عشان هعتبرها مرجع ليا ان شاء الله.

هو واضح فعلا انه قطع غيارها غالية وسمعت كمان ان طلمبة المياه فيها مشكلة ولو جابت مية العربيه بتتلخبط ولو سربت مية بتنزل على الدينامو لانه تحت الطلمبة بالظبط وتحرقه، وكمان ذراع فرامل اليد مشكلة كبيرة لانه مش موجود منه قطع غيار ومينفعش توفق حاجة عليه، ده غير انه وحد كمبيوتر التحكم بتاعها تمنه ثلاثة آلاف جنيه وفيها كذا سنسور لو واحد فيهم ضرب بيوقف العربيه خالص

طيب، خد يا عم شوية أسئله ده انت لقطه ..

طيب انا عايز اعرف متوسط اسعار المستعمل منها ايه وهل الواحد ممكن يفكر في شيري كيو كيو QQ لانها نفس العربية والتصميم مسروق من دايو اصلا؟

وعايز اعرف الماتيز ممكن تمشي ببنزين 80 ولا لازم 90 عشان انجكشن وما هو متوسط الكيلومتر في لتر بنزين واحد؟

هل تصلح للسفر ولا حتكون متعبه شوية؟

ما هي أقصى سرعة للعربية ماتيز؟

لو عندك فرصة تشتري ماتيز او ماروتي او هونداي أتوس او شيري QQ تختار ايه؟

ما هو أخر موديل سنة موجود في مصر من الماتيز يعني ايه اجدد موديل ممكن الاقيه وممكن يكون سعره كام مستعمل نظيف بالتقريب يعني؟؟

طبعا انا عارف انها اسئلة كتير بس ده من عشمي يعني واشكرك جزيلا انت وصديقك صاحب الماتيز المحترمة... ;)

تحياتي يا ذوق...

ياجماعة انا ليا سؤال بخصوص الماتيز علشان بفكر اجيبها. بعد كل الاسباب اللى انتو قولتوها هل هى كويسة لاستخدام بسيط يعنى مش عائلى ومش سفر.....؟
لان حاسس ان كل المشكلة هى عدم اهتمام بالعربية يعنى انا كانت معايا 127 وكنت لازم اشوف المياه كل 3 او 4 ايام والمشكلة اللى اتقالت دلوقتى مش عيب فى العربية وانما صحباك مخدش باله.
سؤال كمان هل هى من العربيات اللى محتاجة زيارات اسبوعية للميكانكى ولاايه, وممكن اى ميكانيكى ولا لازم التوكل.
معلش ياباشا حنتقل عليك والف شكر

شكرا ياshankosi بس ايه الاسئله الكتيره دي ؟
بس ياباااشا بالنسبه لمتوسط اسعار العريبات الماتيز انا الي مع صاحبي ده كان جايبها من حوالي سنه وشويه كان جايبها ب37 . بس طبعا حالا مفيش الاسعار دي
هو علرضه من فتره علي 34 بس ماجابتش التمن ده . المهم نزل تمنها لحد 30 والحمد لله خلص منها .
المهم هي لو نظيقه اوي بتعمل من 30 الي 34 الف ومتتدفعش اكتر من كده فيها .
هي الqq حلوه وتقريبا هي ماتيز وانا شايف ان من ناحيه الصناعه هي ماتفرقش حاجه الماتيز كوري والكيو كيو صيني يعني تقريبا نفس الصناعه . بس هو الي انا شايفه ان الماتيز ارقي شويه . بس الكيو كيو احلي في حاجه انها موديلات حديثه يعني من 2005 . وتقريبا التمن هو هواه .
بالنسبه للماتيز اخر موديل تقريبا 2002 .
اقصي سرعه جبناها بيها كانت 170 علي السويس الصحراوي كنا 4 في العربيه وماشاء الله كانت عاوزه كمان بس انا مفضلش الجري بيها بالسرعات دي لان ماتورها صغير . وكمان خفيفه .
بالنسبه لل80 انا مفضلش خالص ال80 ده للعربيات الانجكشن خالص وبعدين ياباااشا 80 ليه دي بتعمل في الصفيحه مايقرب من 400 كيلو تقريبا يعني بتشم البنزين .
بالنسبه للسفر هي عربيه ممتازه جدا بالمقارنه لعربيات تانيه في حجمها .
انا لو اتيحت ليا اشتري حاجه من ال4 عربيات دول بصراحه هجيب QQ لانها اعلي موديل فيهم يعني زي ماقلتلك بتبدأ من 2005 يعني هتبقي لسه بحالتها ده بالنسبه للمستعمل اما لو جديد هروح للسوزوكي التو .عربيه ممتازه جدا وكفايه انها ياباني ياريت تحطها في اختياراتك لانها ممتازه جدا
واي خدمه ياباااشا وتحت امرك

المشاركة الأصلية كتبت بواسطة khater87

شكرا ياshankosi بس ايه الاسئله الكتيره دي ؟
بس ياباااشا بالنسبه لمتوسط اسعار العريبات الماتيز انا الي مع صاحبي ده كان جايبها من حوالي سنه وشويه كان جايبها ب37 . بس طبعا حالا مفيش الاسعار دي
هو علرضه من فتره علي 34 بس ماجابتش التمن ده . المهم نزل تمنها لحد 30 والحمد لله خلص منها .
المهم هي لو نظيقه اوي بتعمل من 30 الي 34 الف ومتتدفعش اكتر من كده فيها .
هي الqq حلوه وتقريبا هي ماتيز وانا شايف ان من ناحيه الصناعه هي ماتفرقش حاجه الماتيز كوري والكيو كيو صيني يعني تقريبا نفس الصناعه . بس هو الي انا شايفه ان الماتيز ارقي شويه . بس الكيو كيو احلي في حاجه انها موديلات حديثه يعني من 2005 . وتقريبا التمن هو هواه .
بالنسبه للماتيز اخر موديل تقريبا 2002 .
اقصي سرعه جبناها بيها كانت 170 علي السويس الصحراوي كنا 4 في العربيه وماشاء الله كانت عاوزه كمان بس انا مفضلش الجري بيها بالسرعات دي لان ماتورها صغير . وكمان خفيفه .
بالنسبه لل80 انا مفضلش خالص ال80 ده للعربيات الانجكشن خالص وبعدين ياباااشا 80 ليه دي بتعمل في الصفيحه مايقرب من 400 كيلو تقريبا يعني بتشم البنزين .
بالنسبه للسفر هي عربيه ممتازه جدا بالمقارنه لعربيات تانيه في حجمها .
انا لو اتيحت ليا اشتري حاجه من ال4 عربيات دول بصراحه هجيب QQ لانها اعلي موديل فيهم يعني زي ماقلتلك بتبدأ من 2005 يعني هتبقي لسه بحالتها ده بالنسبه للمستعمل اما لو جديد هروح للسوزوكي التو .عربيه ممتازه جدا وكفايه انها ياباني ياريت تحطها في اختياراتك لانها ممتازه جدا
واي خدمه ياباااشا وتحت امرك

مليون شكر وتقدير لحضرتك ,اسف لو تعبتك من كتر الأسئلة بس يمكن انت الوحيد اللي قدملي اجابات مفيدة، وأنا شوفت فيديوهات كتير للعربية دي معمول عليها تعديل كمان مخليها تحفة وهي من فئة Subcompact يعني اصغر من الصغيرة.

عموما انا مستني شوية لحد أول السنة عشان نتأكد ان الإسعار حتتهز كمان وكمان

اى ميكانيكى بيهرب منها

العربيه دي حلوة انا معايا 99 موفرة ف البنزين ومش بتاخد وقت ف التسخين بس انصحك تكون نضيفه لما تشتري واوعي تفرح بالعربيه الرخيصه
لو حابب تفصيل0168840161

انا فعلاً جبت ماتيز 99 بس مع الأسف العربية حالتاها سيئة لإن المالك السابق كان مهمل وفضل ماشي بيها وانقطع منه سير التقسيمة والعربية جابت صبابات ووش سلندر
مش عرف اظبطها وكل ما اجي ادوس بنزين العربية تكركر وتكون عايز تطفي وبعدين مرة واحده الموتور يعلى والعربية تمشي والحالة دي مستمرة على طول.

غيرت الاسبراتير وسير التقسيمة وعملت تقسيمة من اول وجديد اربع مرات وغيرت رشاشات وغيرت TPS وغيرت موتور الأيدل وغيرت MAP وغيرت طلمبة بنزين وطقم فلاتر وسلك بوجيهات ونظفت المانيفولد وكشفت عليها بالكمبيوتر في خمس مراكز خدمة مش عايز اقولكم اني صرفت عليها قد ثلث ثمنها وما فيش فايده مش عايزة تظبط.

المهم انه مافيش أخطاء بتظهر على الكمبيوتر ووحده الكمبيوتر بتاعها سليم ولمبة Check Engine مش بتنور غير اول التدوير وبعدين تطفي يعني عادي وكل ما أسأل يقولولي التقسيمة مش مظبوطة وكل واحد يلعب فيها شوية وياخد فلوس وما تتعدلش العربية

وكل حاجة بجيبها بتكون انضف وأغلى حاجة بعمل عليها فحص برقم القطعة في كل موقع بيتكلم عن الماتيز في النت.

تعبتني جدا ومش عايز ابيعها بالعيب ده عشان اللي يشتريها ميدعيش عليا

شوفولنا بقى حل احسن انا خلاص بجد متضايق جداً من العربية

انا على فكرة في اسكندرية عشان محدش يقولي روح بيها عند فلان في المقطم ولا الحرفيين لاني بصراحة مأثقش اسافر بيها.

زعلان من هنا لبكره والعوض على الله.