السلام عليكم
يا شباب مين معارض او بنوك او شركات كمون بيقسط مستعمل تقسيط اسلامى ؟
عرض للطباعة
السلام عليكم
يا شباب مين معارض او بنوك او شركات كمون بيقسط مستعمل تقسيط اسلامى ؟
وكيل دايهاتسو فى شارع النصر بالمعادى
تقسيط جديد و مستعمل (لازم تكون موديل سنتين فاتو بالاكتر ) عشان التامين
بيبقى شارى موديلات يوزد و حاططهم فى الجراج و بيتعامل معاك شخصيا بعيد عن البنوك
ولو فيه عربيه عجباك بييجى معاك و يشوفها و يعاينها و لو مش حلوة مابياخدهاش ولو غاليه بينزل فيها و يقولك هو خلصها بكام بالظبط
للاسف مش معايا رقم تليفونه
على العموم هو جنب سيراميكا كليوباترا اللى فى شارع النصر بالمعادى - هتعدى معرض كليوباترا هو بعديه ب 20 متر ولا حاجة
متابع
متابع
ده معناه ان العربيه لازم تكون دايهاتسو
متابع ...................
صدقنى مش فاكر بالظبط المقدم كام بس تقريبا 20% - واكيد عليها حظر- لا مفيش غرامات تأخير عشان انت بتتعامل مع التوكيل نفسه مش مع بنك - بس ياريت لو رحت تتأكد-
اكيد بتترخص باسم المعرض عشان هو اللى بيشتريها فى الاساس
هو زيه زى اى بنك - بس هو بيشترى العربيه و بعدين يبيعهالك بالتقسيط - او بتكون عنده من الاساس وانت بتعجبك فابتتفق تشتريها منه بالتقسيط - والتقسيط على 5 او 7 سنين و الفايده على ما اذكر بتبقى 10 او 11 %
مش شرط تبقى دايهاتسو - انا لما كنت هشترى من عنده كان موجود : جين تو - نيسان صنى - لانسر بومه - اسبيرانزا m11
يعنى هو بيشتغل فى اى عربيه و سألته وقولتله طيب انا عاوز فيات جراند بونتو - قالى شوف اى عربيه عاوزها وانا اجى اشتريها من صاحبها و ابيعهالك بالتقسيط وعشان تبقى عارف انا هاكشف عليها ولو سعرها مناسب ليا قبل ما يكون ليك هاشتريها - لكن لو سعرها عالى هنزل معاه واقولك اخدتها بكام و احسبلك الحسبه على التمن اللى انا اخدت بيه مش اللى انت اتفقت عليه ( ودى كانت ميزه عاجبانى قوى )
فانا سالته وقولتله ليه طيب كل ده ماتشترى و خلاص منا اللى هادفع
رد عليا قالى انت ممكن تقولى عجبانى و هاتهالى و يحصل لاقدر الله حاجة و متاخدهاش - يبقى انا اعمل ايه بيها - لازم اخدها بسعر كويس اقدر ابيعها وابقى على الاقل مش خسران لو انت ماشتريتهاش :)
وبالتوفيق للكل