قلبى بيقولى السيراتو
و عقلى بيقولى الصنى
السيراتو بتاعة راجل دكتور و استخدام نضيف جداً
ماشية 64 ألف كيلو و خليجى فئة ثانية أتوماتيك و الراجل مهتم بيها و مركبلها فرش جلد و كاميرا
و العربية وهم من جوا بعكس الصنى خالص و خصوصاً الشكل القديم
و لو رأيكم صنى أجيب أشكل قديم و لا جديد ؟؟
أعمل إيه ؟؟ .. أفيدونى أفادكم الله
السيراتو افضل
السيراتو اشيك بكتير وتقفيلها افضل من التقفيل المصري للصني... اساسا انا مش قادر ابلع الضني الجديدة دي خااالص -مع كامل الاحترام- بس تصميمها فيه حاجات غريبة بصراحة... الصني القديمة عيوبها كنبتها الضيقة جدا وصوت موتورها اللي بيعلى بطريقة مستفزة عند ال120 والرعشة المحسوسة جدا في الفتيس المانيوال ومشاكل التقفيل المصري زي عزل الهوا وتوزيع هوا التكييف... انما هي عربية معقولة جدا على الطريق وصاجها قوي وشنطتا كبيرة الخ...
السيراتو رغم تقفيلها الجيد الا انها بلاستيك في بلاستيك (تابلوه وابواب وكله) ومتحسش انها متينة او هتفضل على حالها سنين طويلة... عيبها القاتل بالنسبة لي عفشتها الناشفة جدا جدا بجد... طبعا ثبات زي الكوري يعتبر متوسط مش اكتر (بس الصني برضه مش اثبت)...
في النهاية انا بشوف السيراتو برضه افضل بصراحة... سواء صني قديم او جديد!!
بصراحة حاجة محيرة اوي بس لو هتشتري الصني الشكل القديم جديدة تبقي افضل بس للاسف شالو منها ال abs لاكن لو السيراتو انت ضامنها وفيها abs توكل علي الله مفيهاش يبقي الصني احسن
لو معاك الفلوس بتاعت الصني الجديدة كاش هات بيها بيجو ٣٠١ زيرو وطبعا الزيرو افضل من المستعمل ولو انت قافش في مقارنة السيراتو ٢٠١١ مستعمل وضامن انها نضيفة مع الصني الجديدة يبقي السيراتو افضل وربنا يوفقك
سيراتو بصراحة
والله اعلم
من الاخر فى كلمتين .
ابعد عن السيراتو عشان العفشة هتقرفك
ابعد عن النيسان الجديدة فيها مشاكل ظهرت كتير
النيسان القديمة احسن
بس رايى الشخصى: لو عايز عربية قديمة فكر فى الشيفورلية اوبترا
عربية اقتصادية وعملية وثابتة وعفشتها ممتازة وواسعة وشرحة
خليك فى السيراتو