السلام عليكم افيدونى بالله عليكم
انا قدامى سوزوكى سويفت موديل 93 وهيونداى اكسيل 96
والاتنين تقريبا نفس الحاله ونفس المواصفات ونفس السعر انا عاوز اعرف ايهما افضل بوجه عام
وياريت لو حد اتكرم وقال مزايا وعيوب كل واحدة
عرض للطباعة
السلام عليكم افيدونى بالله عليكم
انا قدامى سوزوكى سويفت موديل 93 وهيونداى اكسيل 96
والاتنين تقريبا نفس الحاله ونفس المواصفات ونفس السعر انا عاوز اعرف ايهما افضل بوجه عام
وياريت لو حد اتكرم وقال مزايا وعيوب كل واحدة
وجهه نظرى لو الاتنين متساويين فى الحاله اختار الموديل الاعلى خصوصا انى مبستريحش للسزوكى
انصح حضرتك لو فكرت فى حاجة زيرو زى سوزوكى ماروتى هتكون تقريبا فى نفس سعر العربيتين ال حضرتك بتتكلم عنهم
و هتكون ركبت زيرو وريحت دماغك
اما اذا كنت مصمم على العربيتين دول ، فلو كنت مكانك هختار ال هيونداى
و ذلك لتوافر قطع غيارها عن السوزوكى و سهولة اعادة بيعها
ده مجرد رائي زى ما بيقول استاذنا الجميل sophos
الموديل الاعلي لو متساويين في كل حاجة
انا كنت فاكر انكوا هتقولوا السوزوكى عشان يابانى بس الواضح من كلامكو ان السوزوكى قطع غيارها غاليه او نادرة
مين ياعم الحج اللى قال غالية ونادرة انا عندى مرطرطة ف المنصورة وف دمياط ولو فاكرنى بهيس اسال الاستاذ وائل شويح عضو معانا معاه سويفت من فارسكور دمياط وهو يقولك الاسعار وعيوبها ومميزاتها وده البروفايل بتاعه
نايل موتورز - NileMotors.net
سيبله رسالة وهو يرد على حضرتك بكل اللى عنده هو ماشاء الله موسوعه ف السويفت
رايي الهيونداي افضل
صديقي المواطن
العربيتين إختيار سيء وغير موفق
ولكن كعربية السويفت أفضل
ودمتم للنضال
وعليكم السلام ورحمه الله وبركاته
وأنا تحت أمر اى عضو فى المنتدى
أى عربيه مستعمله فى نظرى ما هى الا حاله
تانى شىء توافر قطع غيارها فى المكان المراد شرائها فيه
مثلا أنا ساكن فى دمياط
هتلاقى قطع غيار السويفت فى اى حته وأى مكان وأى محل
السويفت فى دمياط شغاله تاكسى وفى كل حاره وكل شارع وكل جراج
مره عربيتى عطلت منى الأسكندريه
الميكانيكى معرفش نوع العربيه وقالى دى أستيراد
المهم توافر قطع الغيار وأماكن تواجدها
أما بخصوص الأسعار
ببلاش
كوبلن خارجى 110 تايوانى
داخلى 80 تايوانى
تمبوره كامله بتيل الفرامل أستيراد 120
مقص تايوانى 120
بيض تيش 70 تايوانى
مساعدين يابانى 400 مونرو
الموتور بتاعها فاضى 1100 جنيه يعنى من غير حاجته المارش أو الأسبراتير
الأربع بيبان بتوعها كاملين كهرباء 2500
أكصدام أمامى جديد تايوانى 140
خلفى جديد 130
أستعمال 250
أستعمال بشبوره 450
وأى أستفسار أنا تحت أمرك
أا بالنسبه لأسعرها
لو فابريكه بره وجوه من 32 حتى 33
لورشه بره فقط 29 حتى 30
أقل من كده بلاش
تتأكد كويس من دواخله ومن البرومه فوق الفجاوى
يعنى تخلع الفرش الورانى
هتلاقى فيه جنبين راكبيين بمسارين وخطاف هتخلعهم وتبص كويس على البارومه
وكذالك أودام هتنام تحت العربيه وتشد الكارتيره فوق فرده الكاوتش
ويبص على البارومه
كل ده بينزل من سعر العربيه
وتتأكد من مزاريب الباب شغاله ولا لا
لأنها ساعات بتسسد وتاعمل بارومه فى الباب
وتبص كويس على السقف
وكذالك جوانب الشنطه من جوه