تسقيط موتور سولار للفرونتيرا واحذرو النصابين

**عمارمطر** · 26-09-2013 08:44 PM

حصل عندى مشكله فى العربيه فرونتيرا 6سلندر بنزين 4500سى سى العربيه مره واحده بطلت ومش عايزه تدور المهم حملتها على ونش وواحد ابن حلال نصحنى وقالى فى ورشه فى كفر طهرمس بتاعت واحد اسمه الحج محمد ودا متخصص فى الجيبات وهتلاقى عنده كل حاجه
المهم نزلت عليه راجل كبير واستقبلنى احلى استقبال وبعد ما كشف قالى الموتور تانى صبابات وعايز يعمر وعمرته مش موجوده المهم والدى طلب منه انه يركبله مكنه سولار بالفتيس الاوتوماتيك بكل مشتملاتها وياخد المكنه البنزين وندفع فرق المهم عرض عليا عربيته جيب شروكى 6سلندر اخدها واسيبله عربيتى على حالتها طبعا الفرونتيرا حالتها ممتازه واحسن من الجيب مليون مره
المهم اتفقنا على تركيب مكنه سولار حديثه خرصه بالفتيس الاوتوماتيك بتاعها المهم قال هاخد المكنه البنزين وهاخد 15000 المهم سيبناله 12000 ومشينا وبعد شهر وبعد محايله واستعجال روحنا اول ما شوفت العربيه حسيت انها مش بتاعتى الزجاج الامامى مكسور والدوسلت مليانه سولار وراكب مكنه سولار بتاعت الدبابات القديمه صوتها مزعج وضعيفه جدا على العربيه بتتحرك بصعوبه المهم انه غير التابلون كامل وركب تابلوه نص نقل وموت حلاوه العربيه المهم بعد ما اشتنغلنا وقال ان الموتور لسه بيلين وتعالو تانى بعد اسبوع هيظبط المكنه وتشتغل زى الفل المهم خد بقيت فلوسه وخدنا العربيه ومروحين يدوب مشينا خمسه كيلو راحت المكنه خبطت وقفشت اتصلنا بيه قال انا ماليش دعوه انا سلمتكم المكنه دايره
المهم استنفذت معاه كل طرق الزوق والادب وهو مصمم انه مالوش دعوه هو سلمك داير طبعا بعد ما لهف 16000 ومكنه بنزين 6 سلندر فرونتيرا
طبعا بعتله ال يعرف يتعامل معاه علشان هو مبيجيش بالا حترام اتخذت معاه الاساليب الاخرى وبعتله ال هيخلص معاه وجابولى منه مبلغ واتعهد بالباقى المهم يا ريت تخلوا بالكو من النصابين دول وتكونى انصح منى ومتغلطوش غلطتى اوعى تدفع فلوس فى حاجه مشوفتهاش وحذر من الحاج محمد جيب وامثاله ويارب تستفيدو اى نصيحه من تجربتى لانى خسرت فيها كتير فعلا

**elpasha1** · 26-09-2013 08:56 PM

فين في كفر طهرمس

**saddam** · 27-09-2013 12:32 AM

صديقي المواطن
فيه حد يغير مكنة بنزين بمكنة سولار في عربية محسوبة على عربيات الناس الكويسة وكمان تدفع 16 ألف ده أنا بشتري عربيات مرسيدس فيها مكن سولار أصلي بشيله وأركب بنزين عامة ربنا يسترها معاكم
ودمتم للنضال

**عمارمطر** · 27-09-2013 12:52 AM

المشاركة الأصلية كتبت بواسطة saddam

صديقي المواطن
فيه حد يغير مكنة بنزين بمكنة سولار في عربية محسوبة على عربيات الناس الكويسة وكمان تدفع 16 ألف ده أنا بشتري عربيات مرسيدس فيها مكن سولار أصلي بشيله وأركب بنزين عامة ربنا يسترها معاكم
ودمتم للنضال

والله يا استاذ انا كنت رافض تماما وخصوصا انى بحب المواتير البنزين القويه وبحب الرفاهيه فى العربيه بس كان طلب والدى انه هيركب مكنه سولار وهيشغل العربيه معاه بس بعد كده جبلها مكنه سولار جيب بالفتيس الاوتوماتيك وشغل كل كماليات العربيه بس طبعا متنفعش معايا لانى بحب العربيه العفيه والسولار متنفعش معايا وربنا يسترها