اول مره اركب جيلي بتاعه واحد صحبي
العربيه عامله 4400 وشويه ...بقالها 4 اشهر و صاحبي محسوك جدا و بيعاملها زي عيل من عياله
الملاحظ الاتي ....الشكل الخارجي ...مالوش حل و التقفيل من بره ممتاز بس هو بيشتكي من تبطين الكارتيره بيقول الميه بتاثر فيه
حوض الموتور منظم جدا ...الشنطه بحر الصراحه
نيجي بقه للصالون ...التابلوه رخيص جدا الصراحه و فيه فروقات في التقفيل شكلها سئ و صاحبي بيقول ان في حاجات ظهرتمع الوقت و فرقت عن بعضها لمبه التشيك نورت عنده و طفاها في التوكيل ونورت تاني ودي اكتر حاجه مزعلاه ...التكييف سئ و قالوا له في التوكيل اخره كده ....الكاسيت كويس لحد الوقتي بس الصوت مش قوي العربيه ثابته جدا و التحكم فيها سهل بس تقيله و انت طالع زي ماتكون اتوماتيك ...كلام صاحبي...الكراسي ناشفه البنزين استهلاكه عالي
اللي انا شايفه ان غبور دمر العربيه من جوا وضيع كل جمال شكلها الخارجي ...العيوب اللي ظهرت في 2013رلو ماتمش التغلب عليها في 2014 العربيه هتقع
اما باقي المشاكل المشهوره عند الناس زي فبره التانك و الكاسيت و الفتيس وغيره ماظهرتش عند صاحبي بس مرعوب منههم جدا لدرجه لنه بيقولي كل اما اروح البنزينه انزل انا عشان التنك و كل لما افتح الكاسيت احاول ماغيرش المحطات كتير و لما اجي انقل بالفتيس بحس ان دي اخر نقله .....