لو حد يعرف اسعار الشقق ال 2 غرفة و ال 3 يا ريت يقولى :)
عرض للطباعة
لو حد يعرف اسعار الشقق ال 2 غرفة و ال 3 يا ريت يقولى :)
التلاته وصاله وحسب المكان و الحالة والتشطيب بتبدأ من 220 الف وانت طالع
سبحان الله نفس الشقق بالظبط في مدينه نصر ( عمارات التوفيق )
بس سعرها ازيد من الضعف كمان
في التوفيق بتبدي من 500 الف حسب الحاله و المكان و التشطيب و الدور و بحري ولا قبلي
صاحب الموضوع : للاسف معرفش الاسعار في الرمايه
تصدق ان الرماية افضل مدينة اتعملت للجيش من حيث اللاند سكيب والمساحات بين العمارات وعرض الشوارع وطبعا موقعها فوق هضبة بيدى فيو جميل -يعنى انا عشت 6 سنين فى شقه بتبص على طريق الاسكندرية والدائرى بطوله والشارع امام الهرم يعنى تخرج من العمارة تلاقى الهرم فى المواجهة -بصراحة منظر جميل بس تغور من المشوار لانك علشان تخرج من الرماية لاى حتة لازم توصل ميدان الرماية وبعدين تقرر فيصل ولا هرم ولا دائرى ودى فيها من تلت ساعة الى ساعة ونص
ان لفيت هناك في شهر خمسة و ستة يوجد نوعين من الشقق الاسكان الاقتصادي او المتوسط ودة مساحة الامتار من 105 الي 125 غرفتين الي ثلاثة علي ما اتذكر ودة بتبداء من 220 الف للدور الارضي و الاخير و المتكرر اسعار تبداء من 250 الف الي مافوق حسب التشطيب من تشطيب الجهاز الي سوبر لوكس عدد الادور 5 و النوع الثاني من العمارات هو الاسكان اللاسثماري ويوجد بية اساسنير عدد الطوابق 8 علي ما اتذكر ومساحة 140 متر ويبداء من 320 الف للشقة حسب الوجة امامي خلفي ولكن في كلي النوعين ملكش حصة في الارض وبيتم الشراء عن طريق الجهاز بعد التنازل من المالك الاصلي ويوجد في جميع العمارات غاز الي جانب حراسة للمربع السكني 24 ساعة ومساحة خضراء و جراج سطحي ولكن عيب الشقق قديمة الي جانب ان ممكن التصميم مايجبش ناس وناس والشراء في غالب عبر السماسرة بياخد 2.5 % من كلي الطرفين كلن علي حدا الي جانب وجود موصلات حت الساعة 12 مساءا ومدارس وسنترال ومكتب بريد و بالتوفيق
السعر ده فى الضباط ولا النقابات
لان فى فرق بين الاتنين -النقابات ارخص من الضباط
والاستثمارى نوعين فى منه 3 غرف واستقبال وحمامين وفى منه 4 غرف و3 حمامات واستقبال
التانية دى بصراحة بحر ومساحتها تقريبا 165 بس مساحات الرماية صافى مش ملعوب فيها يعنى الضباط ال 3 غرف بتعمل 112 متر صافى
مدينة الرماية هايلة ولكن مشكلتها هيا وحدايق الاهرام المكان!!!!!!!
الف شكر يا جماعة على الردود الواحد خد فكرة ممتازة كده :)