تغير كاوتش اللوجان ضروري

السلام عليكم احلي منتدي
انا بكرة ان شاءالله انا نويت أغير كاوتش اللوجان بعد ٣٧٠٠٠ و طبعا الباروم جابلي فانوس امامي شمال من الزحلقة هههه

انا محتار جدا في اختياري من كتر ما قريت في مواضيع الاعضاء المحترمين و منهم دكتور عبد الرحمن .
يعني مقاس الفابريقة يوكوهاما سي درايف اللي هو صعب تلاقيه دلوقتي ولا مقاس ١٩٥/٦٥/١٥ ولا ١٩٥/٦٠/١٥ و ده منه بريدج ستون my 02 اساسا انا شايف ان ٦٠ ده صغير علي اللوجان لان ٦٥ انا شايفة صغير برده بس علشان العافشة مش هكبره .
المهم انا عاوز رايكم و اقتراحتكم المفيدة جدا و المحترمة عشان احسم قراري

يوكوهما سي درايف
ركبته من شهر و تمام

الف شكر يا باشا

المقاس 195/60 اقرب من حيث الارتفاع اكتر من 195/65

المقاس 195/60 تقريبا هو هو نفس ارتفاع مقاس الفابريقة

ازاي شايفه قليل

الرقم 60 او 65 دي نسبة مش رقم حقيقي
يساوي ارتفاع الكاوتش فوق الجنط وتحت الجنط
فمثلا بيكون 185* 65 تقريبا هي اللي بتساوي 195*60

لو زودت في ال 60 كده انت (بتعلي) العجلة مش بتعرضها السحب حيختلف وعداد السرعة حيقرا غلط

كل ده لو انت عايز تغير مقاس الكاوتش اصلا
انا مرتين اغير الى نفس المقاس 185/65

اقتباس:

---

المشاركة الأصلية كتبت بواسطة ahmadalsattar

يوكوهما سي درايف
ركبته من شهر و تمام

---

اشكرك علي الرد:satelite:

اقتباس:

---

المشاركة الأصلية كتبت بواسطة ahmed a rahman

الف شكر يا باشا

المقاس 195/60 اقرب من حيث الارتفاع اكتر من 195/65

المقاس 195/60 تقريبا هو هو نفس ارتفاع مقاس الفابريقة

ازاي شايفه قليل

الرقم 60 او 65 دي نسبة مش رقم حقيقي
يساوي ارتفاع الكاوتش فوق الجنط وتحت الجنط
فمثلا بيكون 185* 65 تقريبا هي اللي بتساوي 195*60

لو زودت في ال 60 كده انت (بتعلي) العجلة مش بتعرضها السحب حيختلف وعداد السرعة حيقرا غلط

كل ده لو انت عايز تغير مقاس الكاوتش اصلا
انا مرتين اغير الى نفس المقاس 185/65

---

خلاص يا دكتور انا هتوكل علي الله و اجيب ١٩٥/٦٠ وربنا يكرم:018a1d~146:

بس انت يا دكتور مقولتش رايك في النوع تفتكر يوكوهاما ولا بريدج ستون my02??

لسة مركب السي درايف امبارح الفردة ب 525

اقتباس:

---

المشاركة الأصلية كتبت بواسطة gebreel

لسة مركب السي درايف امبارح الفردة ب 525

---

جلتها منين ؟؟ياريت اسم و عنوان التاجر

اسمه حاجة عبدة في المعادي الي كان دكتور احمد عبد الرحمن قال عليه قبل بنزايون اللي في منزل كوبري الحرية

اقتباس:

---

المشاركة الأصلية كتبت بواسطة gebreel

اسمه حاجة عبدة في المعادي الي كان دكتور احمد عبد الرحمن قال عليه قبل بنزايون اللي في منزل كوبري الحرية

---

عبده امين

اقتباس:

---

المشاركة الأصلية كتبت بواسطة madoo007

عبده امين

---

ايوة هو ده =)

اقتباس:

---

المشاركة الأصلية كتبت بواسطة madoo007

بس انت يا دكتور مقولتش رايك في النوع تفتكر يوكوهاما ولا بريدج ستون my02??

---

حسب طريقك يا باشا وسواقتك

شاب وبتحب الشفت والدريفت :) يبقى الامان ليك ولغيرك يبقى My02 لانه انشف واحسن في الثبات والمناورة Maneuvering


كبير شوية وبتحب الراحة والسواقة الناعمة اللي ماشية على حرير مع السرعة يبقى Cdrive
أصلا Cdrive يعني City drive بكل ما فيها من مطبات ولف ودورانات فالكاوتش ناعم شوية

انا على الرغم اني ساكن بره القاهرة وزحامها ومعظم طريقي طرق سريعة مستريح جدا مع السي درايف لانه ناعم وجميل على الطريق

اقتباس:

---

المشاركة الأصلية كتبت بواسطة Ahmed A Rahman

حسب طريقك يا باشا وسواقتك

شاب وبتحب الشفت والدريفت :) يبقى الامان ليك ولغيرك يبقى My02 لانه انشف واحسن في الثبات والمناورة Maneuvering


كبير شوية وبتحب الراحة والسواقة الناعمة اللي ماشية على حرير مع السرعة يبقى Cdrive
أصلا Cdrive يعني City drive بكل ما فيها من مطبات ولف ودورانات فالكاوتش ناعم شوية

انا على الرغم اني ساكن بره القاهرة وزحامها ومعظم طريقي طرق سريعة مستريح جدا مع السي درايف لانه ناعم وجميل على الطريق

---

اشكرك جدا يا دكتور على ردك الجميل ده ، انا 28 سنة و احيانا الجنونة بتيجى طبعا
غير كده احيانا بطلع بالعربية العاشر من رمضان و انت اكيد عارف الطريق و الدائرة و برده لما بطلع السخنة بمشى مش ااقل من 140-160 على الطريق انا هتوكل على الله و اجيب my02
195/60/15 و ربنا يبارك:satelite:

تم بحمد الله شراء 4 كاوتشات Bridge stone my-02 مقاس 195/60/15

فرق كبير بجد بينه و بين الباروم التعبان اللى كان راكب من حيث صوت اهدى و الدركسيون الباور فيه بقى احلى من حيث سهولة الدوران.

المطبات فيه نعومة و هدوء بس القطع اللى بيبقى فى الطرق ده بيهبد فى العربية ده التعليق الوحيد ليا حتى الان .
إن شاء الله اطلع طلعة السخنة و أجربه فى السرعات و المنحنيات و اقولكم تعليقى برده. :M_yes[1]:

انا بعد الحادث كلن لازم اشتري فرده كاوتس اضطريت اشتري 2 .. جبت البريدجستون التورانزا كاوتش ناعم وعاجبني .. لسه بقاله يومين بس بس نفس مقاس الباروم بالضبط

اقتباس:

---

المشاركة الأصلية كتبت بواسطة amriar

انا بعد الحادث كلن لازم اشتري فرده كاوتس اضطريت اشتري 2 .. جبت البريدجستون التورانزا كاوتش ناعم وعاجبني .. لسه بقاله يومين بس بس نفس مقاس الباروم بالضبط

---

يا باشا حمد الله على سلامتك و سلامة العربية، هي خلصت خلاص الحمد لله ولا ايه الاخبار؟

وأنا كمان غيرت الـ 4 فرد إمبارح بـ يوكوهاما سي دريف
ثمن الفردة 525 جنية
والبف الحديد بـ 20 جنيه بدل البلف الكاوتش القديم

اقتباس:

---

المشاركة الأصلية كتبت بواسطة madoo007

تم بحمد الله شراء 4 كاوتشات bridge stone my-02 مقاس 195/60/15

فرق كبير بجد بينه و بين الباروم التعبان اللى كان راكب من حيث صوت اهدى و الدركسيون الباور فيه بقى احلى من حيث سهولة الدوران.

المطبات فيه نعومة و هدوء بس القطع اللى بيبقى فى الطرق ده بيهبد فى العربية ده التعليق الوحيد ليا حتى الان .
إن شاء الله اطلع طلعة السخنة و أجربه فى السرعات و المنحنيات و اقولكم تعليقى برده. :m_yes[1]:

---

الف مبروك يا فندم ويا ريت اعرف جبته بكام

أنا خلاص حأتجنن أول أمبارح كنت حألبس فى عربية أدامى بسبب الكاوتش أنا عامل بالعربية 8 ألاف كيلو فى سنتين و لكن أنا كل ما أركب الغربية و أحس أنى راكب صابونة دلوقتى يا جماعة أنا أن شاء الله ناوى أغير الكاوتش بس مش دلوقتى كمان شهرين كده لأن الميزانية مخرمة اليومين دول و عايز أعرف أيه أحسن كاوتش يعمل أداء جيد مع الفرامل

طيب ياتري الاحسن والأنعم في الأداء اليوكوهاما سى ولا التورانزا ؟

طيب ياتري الاحسن والأنعم في الأداء اليوكوهاما سى ولا التورانزا ؟

اقتباس:

---

المشاركة الأصلية كتبت بواسطة baset

وأنا كمان غيرت الـ 4 فرد إمبارح بـ يوكوهاما سي دريف
ثمن الفردة 525 جنية
والبف الحديد بـ 20 جنيه بدل البلف الكاوتش القديم

---

الف مبروك
يا ريت تقولنا جبتهم منين