يوميات صاحب عربية في ج.ع.ع
قاعد قبل الفطار زهقان و مش لاقي حاجة اعملها
خرجة و قفت في البلكونة شدتني الوزة و بصراحة دماغي كانت مزقزقة انزل ولا لا
قلت يا واد انزل وضب العربية و قلب في كاتالوج الكاسيت و العربية
نزلت تحت بعد ما وضبت و قريت في الكاسيت شوية
العربية اغرتني بصراحة اني اخرج بيها
اتمشي شوية و اجيب عصاير و بيبيسي للفطار
بس طبعا كنت خايف اني ارجع مالقيش مكان اركنن فيه
عديت الاماكن الي فاضيىة
لقيت 4
+
مكاني بعد م ا اخرج يبقي
5
قلت يلا سيبها ع الله و اخرج
يدوب خرجت و رجعت بعد 15 دقيقة
مفاجاة
مالقتش و لا مكان نهااااااااااائي
http://www.speranzaclub.com/forum/st...ault/blink.gif http://www.speranzaclub.com/forum/st...ault/blink.gif
قعد اضرب نفسي ميت الف جزمة اني خرجت
شوية بشوية لقيت و حدة بعد 3 عماير خاجة ب سوزوكي ماروتي
طبعا وقفت استناها عقبال ما تخرج
شكلها لسة بتتعلم سواقة
ها ترجع شوية و تقوم داخلة تاني و العربية تفصل منها و تدورها تاني
لحد ما جابتلي نقطة
http://www.speranzaclub.com/forum/st...ault/angry.gif
فيييييييييين بعد 10 دقايق خرجت
يااااااااه
دخلت ركنت و و خلص العزاب الازلي
بعد الفطار ع الساعة 4سبعة و نص تمانية
نزلت عشان اجيب الجيتار بتاع اختي
من التصليح
انزل الاقي بمفاجاة اخري "هو انا ناقص"
عربية بيجو 504 قافلة عليا من ورا
و المصيبة الكبيرة متعشقة مش متورة
يعني لا مجال للتراجع
وقفت مستني45 دقيقة صاحبها يجي ابدا
عمال اسال علية ساكن فين طب ايه
الكل يقولي ما نعرفش
طبعا انا شايط و عمال ادعي الونش يعدي دلوقتي لانة راكن صف تاني
و طبعا ناوي لما يجي ناوي اطلع عينة
اذا بالمفاجاة بعد ساعة الاقي راجل كبير في السن جي و علي عكازات كمان
يعني مش هتقدر تكلمة
طبعا انا بغلي من جوة
و كاتم في نفس الوقت مش قادر اتكلم
لحد ما خرج و انا اخدت افراج
المهم بقي
عشان الف ع الصف التاني عشان اروح في طريقي الفتحة بعدي ب حوالي 500 متر
يعني لو و اكرر لو لاقدر الله الطريق فاضي و العياذ بالله يعني بعيد عنكم
مش هياخد دقتين
بس ليه الشارع يكون فاضي
زحمة و قفل سير كلة عاييز يعدي ما يصدق يلاقي حتة فاضية في حارة من الطرق يقوم كاسر ومغير الحارة بتاعتة
يعني بسلامة اهلك انت عديت يعني 100 كيلو في الحتة الصغيرة دي
لا دة انت زنقت الطريق اكتر
المهم بعد نص ساعة من العذاب قدرت اعدي و الف
طبعا و انا راجع نفس المسافة خدت فيها نفس الوقت
بعديها طلعت علي شارع شبرا و ما ادراك ما شارع شبرا
ساعة كاملة واقف فيه
لحد ما عديت و رحت جبت الجيتار و عشان ارجع رجعت من
شارع الترعة "لازم كدة "
و طبعا بماانك في ج ع ع
خدت ساعة كاملة في الرجوع
طبعا
ابتسم فانت في مصر المحروسة
يوميات سائق مخنوق