شكررا على تقييم حضرتك
انا كمان بقارن بينهم لغايه دلوقتى وتقريبا خلاص استقريت على النترا
وهشتريها اخر الشهر
بس راى حضرتك اجيبها خليجى ولا مصرى
وايه افضل مكان اشترى منه
انا ناوى اجيبها اوتوماتيك يا ترى ايه راى حضرتك فى كلامى وتنصحنى بى ايه
شكررا على تقييم حضرتك
انا كمان بقارن بينهم لغايه دلوقتى وتقريبا خلاص استقريت على النترا
وهشتريها اخر الشهر
بس راى حضرتك اجيبها خليجى ولا مصرى
وايه افضل مكان اشترى منه
انا ناوى اجيبها اوتوماتيك يا ترى ايه راى حضرتك فى كلامى وتنصحنى بى ايه
الانترا الجديده عربيه جميله جدا
سواء من حيث الشكل والمضمون
واحد صاحبى لسه جايبها من شهر و ركبتها معاه انا اصلا قبل ما اجيب الانسر ركبتها بس ما دققتش معاها اوى
العربيه فعلا مصروف عليها كويس بعكس موديلات هيونداى السابقه
صالون شيك جدا وشكل بومبيه جميل جدا تكنولوجيا محرك cvvt -باور ناعم جدا علشان كهرباء
بس الانسر احسن ولا الانترا احسن الاجابه على السؤال ده مش بالسهوله ده ,علشان كل عربيه من الاثنين ليها مميزاتها وعيوبها
عندك الانسر عربيه يابانى -محرك قوى بقوه 122 حصان -قطع غيار متوفره وصيانه سهله -عربيه ناعمه جدا بس طبعا الانترا انعم قليلا علشان احدث -امان (abs -airbag ) -كماليات اعلى علشان glx زى مسند امامى وخلفى وطاره وفتيس وهاند جلد طبيعى -كنبه سبليت -فى الاتوماتيك 1600 الفتيس cvt -مطلوبه جدا فى اعاده البيع
الثبات ان مش بحب السرعه العاليه انا جبت بيها 140 كم كانت حلوه جدا وكنت بفادى عربيات فى الطريق -بس طبعا مكنتش اقدر اخد بيها ملف جامد علشان اكيد العربيه هتقلب او انا مش هعرف اتحكم فيها
عيوبها من وجهه نظرى
عفشه ناشفه شويه -باور تقيل شويه -الفانوس الخلفى واطى مما يسهل كسره -العربيه مفيهاش باكتات جانبيه للحمايه -شكل قديم نسبيا بس انا عاجبى
الانترا
الانترا شكل جميل وتكنولوجيا محرك cvvt وباور كهرباء وواسعه من جوه تقفيل رائع لا يقل عن الانسر
سحب اعلى شويه من الانسر علشان تكنولوجيا المحرك
الثبات انا مجربتهاش بس صاحبى بيقول انها ثانبه جدا على سرعه 170 بس طبعا ميعرفش ياخذ بيها ملف جامد على سرعه 140
تقفيل المتور احسن من الانسر لحد الصبح ى
عيوبها من وجهه نظرى
عفشتها انعم شويه من الانسر يعنى لو واحد ملوش فى العربيات ممكن ميعرفش الفرق
بس الانسر والانترا الاثنين عفشتهم مش مزعجه
انها كورى
معروف عن هيونداى انها بتعمل عربيات ممتازه من حيث الشكل والاداء بس على حساب العمر الافتراضى
انا على فكره مجرب الكورى قبل كده فى عربيه دايو لانوس العربيه فى الاول كويسه جدا وبنت حلال بعد ما تعدى ال100 الف كم تبداء تفتح بقها
ينقصها كماليات كتير زى الاير باج abs كماليات زى المساند الاماميه والخلفيه
صاج ضعيف -صدر فبر وده انا شايفه ميزه وعيب عيب انه اى خبطه قويه شويه هتكسر -وميزه ان اغلب العربيات الى نازله بصدر فبر بيكون لونه اسود ولو لا قدر الله عملت حادثه جامده شويه الصدر هتكسر ويما انه هيكسر يبقى هغيره مش هرده فمش هيبان وعلشان لونه اسود فمش هيدهن بلون العربيه فبتالى لما تجى تبيع العربيه الصدر مش هيبان انه واخد خبطه زى العربيه الى الصدر بتاعها صاج
شهاده حق عن الانترا
العربيه ده فاقت توقعات الناس كلها
يعنى لو تفتكروا زمان اول ما طلعت سنه 2007 كانت بتقارن بالانسر 1300 مش 1600
يعنى لو كانت المقارنه بين لانسر 1600 والانترا الشكل الجديد كانت الانسر تكسب بجداره علشان الناس وقتها مكنش جربت الانترا كويس
دلوقتى لو مقارنه بين الانسر 1300 والانترا الانسر تروح تعلب بعيد عنها
لو بتقارن بينها وبين 1600 ممكن واحد دماغه تروح للانسر واحد دماغه تروح للنترا
ودلوقتى بقى فى ناس بتقارنها بالانسر الشارك والكورولا
كلام حضرتك سليم مية المية يا استاذ ليمو بس ليا تصحيح بسيط الانسر اللى هى 122 حضان دية الخليجى مش المصرى المصرى 106 حصان .غير كدا ماشاء الله كلام حضرتك كله سليم ومنطقى ..
اما بالنسبة للاستاذ ewermido فى موضوع الخليجى والمصرى بيعتمد على الشخص اللى هيشترى يعنى لو حضرتك ممكن تجازف بالضمان او امكانية ان ممكن يطلع فيها اى عيب من عيوب الصناعة بعد الاستلام وان حضرتك هتتحمل تكاليف التصليح فى مقابل الجنوط وفتحة السقف بالنسبة لموديلات المانيوال مش عارف فى الاتوماتيك الخليجى اعلى فى اية يبقى هات الخليجى ,,, لكن لو حضرتك يهمك الضمان وان العربية تبقى ضامنها لو اى حاجة من عيوب الصناعة هتتصلح فى التوكيل فى مقابل استغنائك عن كماليات الخليجى الاضافية يبقى خليك فى المصرى ,,, انا عن نفسى هختار المصرى العربيات بتبقى عاملة زى البطيخة وانت وحظك والمجازفة فى مبلغ 100 الف او اكثر بتبقى صعبة ومش سهله
#استاذ mohamedway معلش لسة واخد بالى من مشاركتك دلوقتى فية نقطتين هعقب عليهم :
ياراجل بقى الانسر المصرى المانيوال اول موديل عفشة رياضية ياراجل امال اعلى موديل فى الاتوماتيك ال sport وال super action او مايطلقوا عليه sam بيعملوا اية دية اللى ممكن نقارن ثباتها بالالنترا لكن المقارنة تبقى اصح لو قارنا الانسر المانيوال بالالنترا المانيوال سواء خليجى او مصرى ساعتها هتعرف يعنى اية ثبات الالنترا لان اول موديل فى الانسر مش عفشة رياضى ودة عن معلومات اكيدة مع العلم انى الانسر اللى ركبتها وقارنت على اساسها كاملة سوبر اكشن خليجى ومعلومة لحضرتك الخليجى برضة عفشة سبورت فى الموديلات السوبر اكشن و السام ....
# وبالنسبة لكلام حضرتك عن موضوع الكهرباء فى الالنترا اقسم بالله العظيم العربية ماشاء الله وتمام التمااااااااام وبعدى على مناطق كابلات ضغط عالى فى المقطم كتيييييير ولا حاجة من دية بتحصل وحضرتك لو هتتكلم عن سماعات الانسر يبقى اكيد اكيد مسمعتش سماعات الالنترا على فكرة انا شاب وانت عارف جنان الساوند سيستم عند الشباب اقسم بالله العظيم انا مكلف العربية القديمة الريتمو مايزيد عن 2000-2500 جنية ساوند سيستم وقولت اكيد يعنى هركبهم فى الالنرا بس بصراحة الصوت كان فيها كاااااااااااااااااافى جداااا وكل اللى يركب ويسمع صوتها يقولى انت عدلت فيه اقوله لا يقولى ماشاء الله متعدلش الصوت كويس جدااا
استاذ سامح كل اللانسر المواصفات المصرى 1600 بتيجى بعفشه رياضيه
انما الخليجى فى السبورت والسوبر اكشن فقط
ع فكره اللى بتجيب 220 دى اللانترا ال 2000 سى سى مش 1600
معلومه اكيده وممكن حضرتك تشوف بنفسك فيديوهات تانيه هتلاقى 220 دى ب 2000 سى سى