واحدة غلسة وانا اغلس منها

**Karim_Monir** · 05-07-2007 10:16 AM

مش عارف ايه حكاية الناس هيا اللي بقت مستفزة ولا انا اللي اعصابي بايظة ولا ايه
شكلي هاتعاطي مهدئات
امبارح كنت في مصر الجديدة جاي من صلاح سالم ودخلت من جنب ادريان رايح علي ميدان الجامع
الشارع بتاع ادريان ده اتجاه واحد
قبل الاخر بشوية الدنيا قفلت وفضلت واقف ربع ساعة وانا في عرض دقيقة
ورايا طابور عربيات وقدام واحدة جاية في وشي مصممة اني اعديها
يا ستي ما ينفعش ارجعي بضهرك المترين دول وعدي الناس دي
ودي ولا حياة لمن تنادي وقفلت الازاز ومشغلة التكييف-بنت ما تعديش 22 سنة ومامتها قاعدة جنبها عمالة تقولها انتي غلط ودي ركبت راسها ومش هاترجع ابدا
نزلت احاول افهمها انها ماشية في المعاكس ولا هيا هنا
المهم سواق نقل مشي من جنبي وسعلها حتة في شمالي قامت داخلة فيها ولما اتاكدت انها مابقتش تحت سيطره عربيتي قامت فاتحة الازاز وهاتك يا شتيمة وقلة ادب وانت قليل الذوق ووووووووو وصوتها زي العرسة
ماتملكتش اعصابي ونزلت والشياطيين بتنطط في وشي انتي بتشتميني ان يا اللي واللي واديتها من المنقي خيار(بدون قلة ادب)
شوية شباب شناكيت شكلهم لسه مخلصين ثانوية عامة امبارح واقفين عالناصية ايه يا كابتن انت بتزعق لواحدة ست(وحب يرسم نفسة)
قولتلة اجري يلا غور ذاكرلك كلمتين بدل مافرمك وانت واقف الواد قلق هو واصحابة وحسوا الموضوع هايكبر وانت فتحت شنطت العربية قالولي خلاص يا باشا الطريق سلك اهو
خدت بعضي وركبت العربية ودورت وهامشي لقيت البنت شتمت شتيمة قذرة-لانها كانت مستنية اعدي انا واللي وراي عشان افتحلها السكة
ماحستيش بنفسي الا وانا بجيب عجلة قدام وكاسر الدريكسيون علي الاخر وبعافية العربية وزاوية الاكصدام بتاعي رجعت بضهري طبقتلها الباب بتاعها والباب الوراني بضربة واحدة وطلعت امريكاني

انا لما روحت البيت كنت متضايق قوي ان حد قدر يستفزني كدة
بس ايه اللي بقي بيحصل في الشوارع ده كل يوم
انا صح ولا غلط
هيا صح ولا غلط-داخلة معاكس ومصممة ترجع اكتر من 12 عربية بضهرهم
هيا مواليد برج اسد ولا ايه :roll:

**Nader** · 05-07-2007 10:24 AM

هي اية حكايتك، الناس مستقصدينك كدة لية

ماحستيش بنفسي الا وانا بجيب عجلة قدام وكاسر الدريكسيون علي الاخر وبعافية العربية وزاوية الاكصدام بتاعي رجعت بضهري طبقتلها الباب بتاعها والباب الوراني بضربة واحدة وطلعت امريكاني

دة انا لسة كنت بحزرك امبارح من العصبية، المهم حصل حاجة لعربيتك؟؟

"وراء كل حادث اليم امرأة"

**memo_hefnawy** · 05-07-2007 10:34 AM

إيه يا كريم كل ده عشان مكنتش معاك إمبارح هههه

إهدى يا عم مفيش حاجة تستاهل بس بينى و بينك أنا فرحان فيها أنا موتى و سمى إللى يقاوح و يقل أدبه و هو غلطان

بجد ناس بقر معندهاش دم بس أنا فى الحالة دى لو مكانك كنت هاعرض عربيتى مش هاستنا لما تعدى تعريضة فى نص الشارع و أنزل و أقفل العربية و أوصل لأقرب محل أشرب حاجة ساقعه و أرجع هاتكون الأشكال الغبية دى رجعة بضهرها بس أهم حاجة مش أمشى بعيد لازم أكون متابع عشان لما ترجع مش اعطل الغلابه إللى ورايا و لو هى تنحت هاروح أنده الأمين إللى على أول إشارة يجى يتصرف و يرجعها يسحبها يموتها بس مش هاتنقل من مكانى إلا لما ترجع هى حتى لو إتزرعت هى و الشارع كله

بس من غير خبط ولا حرق دم و تولع هى فى روحها

**Karim_Monir** · 05-07-2007 10:45 AM

مقدرتش بصرحة امسك نفسي اني ماخبطهاش او اعورها خاصة بعد قلة الادب والشتيمة القذرة
بس انا بصيت كويس برضة نوع عربيتها ايه كانت ريو 2001
واكصدامي اعلي منها بكتير
فالخبطة جت في طبلة الباب بتاعها
وانا الاكصدام بتاعي ولا اتخدش الحمد لله

ده فن الخبط بقي :mrgreen: :mrgreen:

**Nader** · 05-07-2007 10:47 AM

بس انا بصيت كويس برضة نوع عربيتها ايه كانت ريو 2001
واكصدامي اعلي منها بكتير
فالخبطة جت في طبلة الباب بتاعها
وانا الاكصدام بتاعي ولا اتخدش الحمد لله
ده فن الخبط

يلا على البركة :mrgreen:

**PRO-DRIVE** · 05-07-2007 10:56 AM

انا شخصيا مبعرفش اتخااانق خالص بس كويس انت معلمهم الادب :mrgreen:

-

-

-

الموضوع: واحدة غلسة وانا اغلس منها

LinkBack

أدوات الموضوع

عرض

واحدة غلسة وانا اغلس منها - انشر الموضوع فى :

-

-

-

-

المواضيع المتشابهه

امسك .. وادى كمان مصيبة ... واحدة واحدة يا ولاد ال.....

أغلس 49 نكتة فى التاريخ(غلسة،غلسة)- هتموتى ياسوسو

عايز امشى بالعربية واحدة واحدة من غير ما ادوس دبرياج,, هل ينفع؟؟

واحد غلس وانا اغلس منه

الكلمات الدلالية لهذا الموضوع

المفضلات

المفضلات

ضوابط المشاركة