حادث سيراتو على سرعة 160 كم \س مش عارف السبب

**عبدالله برعى** · 27-09-2013 10:51 PM

العربية سيراتو 2012 خليجى exالنهاردة وانا كنت على طريق صحراوى على سرعة 160 لقيت فى لمح البصر حدث الاتى ومش عارف اية السبب؟
كنت فى منزل شوية وانا واخد الحارة اليمين فكان فية شوية رملة وظلط صغير خفيف على الحارة اللى انا ماشى فيها فلقيت العربية بتعوم منى جامد جدا جدا ومش قادر اسيطر عليها (حدفت شمال ثم يمين ثم شمال مش فاكراية بالظبط)وانا كنت فى اتجاة الشرق ففى لمح البصر لقيت العربية مالت نحية السواق كانها حتتقلب وبعدين لقيت نفسى فى اتجاة الغرب والعربية النحية اللى ورا كلها الاكسدام الخلفى وراه جبل رملة والرملة لحد الاكسدام والبلاستيكة السودة مفكوكة وفى خبطة فى الرفرف اللى ورا شمال والعجلتين اللى نحية السواق نايمين واللى ورا شمال ملقتش فيها خرم اما التانية لسة معرفش؟؟؟؟؟؟؟؟؟؟زعلت اوى على العربية فمش عارف العيب فى مين فيا انا ولا العربية كدا يعتبر خذلتنى ولا اية؟ولاالكوتش بس الحمد لله

**adelghanem** · 27-09-2013 10:55 PM

المهم سلامتك والف حمد لله والشكر
ونرجوا الرد من الخبراء

**mhf_77** · 27-09-2013 10:59 PM

قدر الله وماشاء فعل وحمدالله على سلامتك
اكيد الرمله او الزلط او الحصا اللى مشيت عليهم بالسرعه دى سبب مباشر للى حصل ومعتقدش الكوتش ضرب لانه ببساطه كنت هتسمع صوته
عموما حصل خير وبلاش السرعه الزياده دى مره تانيه

**amrelsaqqa** · 27-09-2013 11:20 PM

اول حاجة الف حمد لله على سلامتك
ربنا نجاك ، ولازم تسجد شكر وتطلع حاجة لله

ثانيا تحليلى للى حصل
العربية ex يعنى على حد علمى مفيش عندك esp و لا حتى ABS
مشيك على رمل وحصى على السرعة دى خطر جدا جدا لان بيحصل اختلال في احتكاك العجل مع الارض
خصوصا لو نص العربية على اسفلت احتكاكه عالى والنص التانى على رملة مزحلقة ده فعلا يخلى العربية تلف حوالين نفسها وتفقد توازنها وبيؤدي في الغالب لانقلاب السيارة خصوصا على السرعة العالية ، فالحمد لله انت ربنا سترها معاك ..

الكاوتش في رأيي ما انفجرش ولا حاجة ، اللى حصل غالبا ان الجنوط اتعوجت لما العربية مالت ، فده اللى جاب العجل ع الارض

الف حمد لله ع سلامتك مرة تانية ، ومعلش ، اللى حصل بردو حاجة بسيطة وكفاية خروجك منها سالما ، وبلاش تتعقد من العربية ، بالعكس ، ربنا ستر والعربية مسكت نفسها في الاخر ..

**Derp** · 27-09-2013 11:27 PM

ريحت رجلك على الفرامل لما وصلت للرملة ؟
والحمد لله على سلامتك

**Silent~Dream** · 27-09-2013 11:34 PM

الحمد لله على السلامه و العربيه فقدت ال traction بسبب الرمل و الظلط

**Secret-Man** · 28-09-2013 12:01 AM

علشان كده دايما اوبشن abs / ebd مش كماليات ديه اساسيات فى العربيه

انا معايا سيراتو 2010 سعودى مرضتش اشتريها الا وهى كامله فيها كل حاجه والحمد لله زى الفل

وربنا نجيك يارب من كل شر

**Elkordy2000** · 28-09-2013 12:02 AM

في الغالب انت تقلت رجلك علي الفرامل وهي في الرمل والحصي وده خلي العربيه تفقد توزنها وتلف يمين شمال اكثر

**dr.hazem** · 28-09-2013 12:14 AM

في اعتقادي في كاوتش ضرب وياما كوتشات بتضرب بدون صوت لان نفترض ان في زلط ورمل خفيف على قولك مش هيحصل حاجه الا لو ضربت فرامل عالزلط ده انما بدون ولا الهوا.....
ده رايي البسيط والحمد لله على سلامتك وباذن الله العربيه تتصلح وترجع زي ما كانت...

تحياتي

Sent from my Xperia Arc S using Forum Runner