الموضوع: عيوب ومميزات كيا شوما و سيفيا !!

Uppppppppppp

انا العربيه دي كانت معايه وهيه عربيه محترمه مالهاش اعطال خالص سنتين مشتكتش من حاجه بس لو الباور باظ بتتعب لغايه ما يتظبط
غير كده عربيه محترمه جدا جدا

عربيات ممتازة في كل حاجة

ماعدا بعض العيوب اهمها

اسعار قطع غيار غالية ومش متوفرة في كل مكان
الفتيس الاوتوماتيك مش كويس
الصاج ضعيف والعربية بتتبهدل بسرعة خصوصا السيفيا

السيفيا فيها ميزة قوية جدا، ناس قليلة اللي يعرفوها، وهي ان سير الكاتينة لو اتقطع، العربية بتفصل أوتوماتيك، ومابيحصلش أي ضرر للموتور

الف شكر ليكوا يا رجالة :)
متشكر ليكوا كلكوا .

المشاركة الأصلية كتبت بواسطة mhopa2440

انا ليا تعليق لو سمحت

- قطع الغيار سعرها فعلا اعلى من الدايو والفيرنا بس حضرتك فرق السعر كام يعني السير ابو 60 هتلاقي ب 80 وتيل الفرامل ابو 120 هتلاقي 145 وممكن يكون ف فرق اكبر ف سعر الحساسات بس بردوا الحساس ممكن تغيره مرة واحده ف عمر العربية او مش يتغير خالص بالمقارنة بالنوبيرا مثلا
- الفتيس الاتوماتيك دا ممتاز حضرتك بشهادة ناس كان ف المنتدى وطبعا مش معنى ان واحد عنه سيفيا او شوما ومش قدر يحافظ على الفتيس يبقى دا عيب فتيس اعرف صديق بوظ فتيس اوبل فكترا ولف عليه الدنيا وجابه ب 3500 ج ولو حبيت تقارته بالاوتوماتيك نوبيرا هيكسب بفرق كبير بس طبعا هو مش افضل من الفيكترا ولا حاجة بس قصدي سوء الاستخدام
- الصاج الضعيف دا اكبر عيب الدايو عموما وخصوصا الموديلات التقفيل المصري اما البهدلة دي عند حق خامات التابلوه فعلا سية جدا بالمقارنة بالفيرنا والدايو ولا يكون ليه عناية مستمرة

اسف على الإطالة بس حبيت اوضح لان ف شخص هياخذ القرار على رأي الناس الموجودة وياريت تكون تقبلت رأيي

انا قلت وجهة نظري المتواضعة وموضوع الفتيس الاوتوماتيك ده اانا صادفته كذا مرة مع اصدقائى
بالنسبة لقطع الغيار دى تشمل القطع الخارجية وقطع الصالون مش بس قطع الموتور والقطع الاستهلاكية يعنى انت ممكن تلف على اوكرة الباب الداخلية وما تلاقيهاش ولو لقيتها تلاقيها بـ 100 جنيه مثلا ، وطبعا الواحد مش هيبقى مبسوط لما يجيب حاجة زي كدة بـ 100 جنيه لعربية في الاول وفي الاخر كوري ، صح ولا ايه ؟
لو مش مصدق كلامى ادخل شوف بنفسك في موضوع رابطة ملاك السيفيا ..


وطبعا انا متقبل وجهة نظرك :) مفيش اي مشكلة :)