مسافر الجبيل عايز مساعدتكم يا مصريين
السلام عليكم و رحمه الله و بركاته
دي أول مشاركه ليه في المنتدى و اللي شجعني بصراحه ان الناس بتساعد بعض لوجه الله عشان كده ليه شويه أسئله معلش استحملوني
انا ان شاء الله جايلي شغل في السعوديه وظيفه محاسب أول بمرتب معقول الى حد ما انا 10 سنين خبرة
هشتغل في شركه عبد الله عبد الوهاب البراك و أولاده بمنطقة الجبيل الصناعيه
كنت عايز اعرف اي معلومات عن الشركة دي من حيث السمعه و حجمها و بتأخر المرتبات و لا لأ لو حد هنا سمع عنها حاجه و الشركه دي بتشتغل في مجال توريد العمالة الفنيه و المهندسين لشركتي سابك و أرامكو و اجراء صيانه و انشاء و هدم محطات تكرير البترول و شركة أخرى لتدوير البلاستيك
ان شاء الله هما هيرسلوا ليا التذكرة بعد العيد الكبير يعني على اخر شهر اكتوبر
عايز اعرف متوسط السكن و المعيشه هناك و لو في اي نصايح بخصوص السفر او اي معلومات تفيدني في الغربه اللي انا مقدم عليها
انا ان شاء الله هروح لوحدي و بعدين هستقدم الاسرة معايا طفل 2,5 سنه
أسف للإطاله و لكم جزيل الشكر
