عملت صيانة ال20 ألف للسول و غيرت تيل فرامل أمامى ب 1600 جنية

السلام عليكم و رحمة الله و بركاته

أنا روحت من كام يوم عملت صيانة ال 20 ألف و قالولى التيل الأمامى محتاج يتغير و كمان فلتر التكييف
المهم قولتله سيب الفلتر للصيانة الجاية و قلقت من التيل علشان مسافر قريب فغيرته(مش غريبة تيل يتغير بعد 20 ألف كيلو فقط !!!)
المهم الحساب طلع 1600 جنية:fun_broken:
التيل لوحده بحوالى 600 جنية إلا حاجة بسيطة و تركيب 100 جنية تقريباً :beatbrick:
و حوالى 250 مصنعية الصيانة + 250 زيت و حوالى 160 فلاتر و بوجيهات لأ و الجميل ضرايب على المصنعية و ضرايب على قطع الغيار

السؤال بقى هل التوكيل بيعمل خصم لو أنا طلبت أو هل فى فصال فى الأسعار ؟

و جزاكم الله خيراً

لا حول و لا قوة إلا بالله العلي العظيم ... مبروك عليك الصيانة يا كبير بس هقول إيه ؟ الأسعار استهباااااااال اساسي ... ربنا يصلح الحال ...

مبروك الصيانة يا باشا بس تيل ب 600 جنية لييييييية وعلي 20 الف بس ازاي المفروض اقل حاجة 25 الف

1600 جنيه في تيل فرامل
وزيت وفلتر
ايه الاسعار دي
اكاد اجزم ان التيل ابو 600 جنيه عمره ما هايوقف علي الوكيل
باستيراده بتركيبه ب100 جنيه

تيل على 20.000 ليه تيل ميه أنا أققل حاجة غيرت عليها كان 40.000 و كان لسه فيه كمان ...!!!

حضرتك معاك عربيه ايه ؟ هو التوكيل تقليب بصراحه بالذات المصنعيات دى بس تيل التوكيل كده فى كتير من العربيات مابين 450 و 600

بس انا التيل عندى قعد 35000 من غير ما يصفر انت 20000 ده قليل اوى

600 جنيه تيل ....... الحمد لله على نعمة اللانوس الأصلي بـ 130 جنيه

طبعا 20000 قليل جدا لكن العامل الأساسي طريقة سواقة حضرتك و الأماكن اللي بتمشي فيها. يا ريت بردو تبص علي التيل القديم تشوفه كان مستاهل التغيير و الا لأ.
طبعا التيل غالي لكن ده تقريبا نفس سعر الانترا 2012.
جزاك الله كل خير علي مشاركتك المعلومات ديه معانا و ربنا يخلف عليك خير.

هو غالي 600 ولكن مش بعيد عن الاسعار الحالية

شكرا على ردودكم
التيل كان لسة فى شوية بس التوكيلات بتغير بدرى مش لما التيل يخلص خالص
الأسعار فعلاً غالية أوى
بس محدش فيكم قالى هو فى فصال مع التوكيل فى الأسعار و لا الأسعار ثابتة علشان لما أروح تانى أبقى أفاصل معاهم شوية لحسن هما سفاحين فى الأسعار

اقتباس:

---

المشاركة الأصلية كتبت بواسطة smartchoice

شكرا على ردودكم
التيل كان لسة فى شوية بس التوكيلات بتغير بدرى مش لما التيل يخلص خالص
الأسعار فعلاً غالية أوى
بس محدش فيكم قالى هو فى فصال مع التوكيل فى الأسعار و لا الأسعار ثابتة علشان لما أروح تانى أبقى أفاصل معاهم شوية لحسن هما سفاحين فى الأسعار

---

فصال مين يا غالي مفيش الكلام ده هناك ... هما ماشيين بمبدأ ( هو ده الي عندنا و إذا كان عاجب حضرتك ) ...!!!

حسبى الله و نعم الوكيل فى ام الغلاء ده كلت حاجه بقت زفت

طبعا ما فيش فصال و لا حاجة اللهم الا هم غيروا حاجة مثلا عشان يحل مشكلة و بعد ما جربت نفس المشكلة موجودة أو غيرت مثلا قطعة استهلاكية زي اسطوانة دبرياج علي كيلو متر قليل جدا يعني ممكن نعتبرها عيب صناعة أو سوء استعمال فبتلاقي ناس شاطره بتفاصل أو ترجع الحاجة و أنت و شطارتك. أنا بقي من سكات ادفع و امشي.

التوكيل بيستهبل اوي ودايما في اي صيانة حسسهم انك فاهم هما هيعملو اية لانهم لو حسو انك مش فاهم حاجة هيقرطسوك

التيل اولا واخرا سواقة. وانا طلبت بنفسي فى عربيتي انة يتغير على ال 30 الف كيلو والتيل فى الكارينز فعلا ب 550 جنية امامي

مركز السبع الي في زهراء المعادي ؟

مبروك على الصيانة
بس كتير قوى تدفعلك 1600 صيانة وانت لسة 20 الف كيلو
على كدة الواحد بيجيب زيرو لية؟؟؟؟؟؟؟؟؟؟؟


المهم هما غيرو بوجيهات نوعها اية؟
وابة الفلاتر اللى بتتغير بالظبط
اصلى رايح اعمل صيانة ال 30000 وكدة الواحد قلق بصراحة من الاسعار

بالنسبة للفصال والكلام دة اعتقد انة استحالة لأنة هايقولك دى فواتير واسعار ثابتة

التوكيل ديما سفاح

كله بقي كده و بعدين السول عربيه من فئه ال150 الف ودي اسعار قطع غيارها في الرانج ده

سعر التيل مش غالى بالاخذ بالاعتبار ان دا سعر توكيل

سعر التيل هنافي سلطنة عمان ب 18 ريال تقريبا 320 جنيه مصري .... طبعا سرقة مع العلم مستوى المعيشة في عمان أعلى و لكن الأسعار في مصر هبل رسمي و لكن خارج التوكيل بكام لأن تغير التيل مش محتاج عبقرية و بيتغير في 30 دقيقة مع الهنود هنا