نسيت اقفل غطا القربة

في مرة كنت ببص علي الماية وانا مستني حد لما جه كان مستعجل فقفلت الكبوت من غير ماقفل غطا القربة وفضلت 10 ايام علي كدة لحد مافتحت الكبوت تاني ابص علي الماية والزيت اتفاجئت ان غطا القربة في مكانة عند المساحات واكيد العربية خدت هوا والماية لقيتها ناقصة
عايز اعرف طالما العربية خدت هوا الموتور مسخنش ليه والمؤشر كان طبيعي
فكيت الخرطومين من القربة ودورت العربية وقعدت ازود ماية علشان اطلع الهوا من دورة التبريد
لحد ماخلصت الماية اللي كانت جوة رجعت الخرطومين تاني
انا كدة طلعت الهوا صح ولا ايه
واية اضرار اللي حصل خصوصا اني مشيت بقربة من غير غطا 10 ايام والماية كانت ناقصة

هية حاجة غريبة جدا المفروض عندك دائة التبريد مغلقة وفيها ضغط واكيد الماية حصلها غليان وفوران لو أنا فاهم صح واكيد العربية سخنت عموما ربنا ستر وجت سليمة أنتا كدة أخدت الهوا مظبوط بالخطوات دي ونصيحة راقب مؤشر الحرارة جيدا وشوف الماية أخبارها اية وكمان غططاء تزويد الزيت اخباره اية

اقتباس:

---

المشاركة الأصلية كتبت بواسطة أحمد جودة

هية حاجة غريبة جدا المفروض عندك دائة التبريد مغلقة وفيها ضغط واكيد الماية حصلها غليان وفوران لو أنا فاهم صح واكيد العربية سخنت عموما ربنا ستر وجت سليمة أنتا كدة أخدت الهوا مظبوط بالخطوات دي ونصيحة راقب مؤشر الحرارة جيدا وشوف الماية أخبارها اية وكمان غططاء تزويد الزيت اخباره اية

---

شكرا علي اهتمامك بصيت علي الماية والزيت النهاردة لقيتهم تمام
والحمد لله انها عدت علي خير وربنا يستر ومتكونش اثرت علي حاجة

طبيعى محصلش حاجة
بس متعملهاش تانى

انا مرة عملت العملة دى بس في نفس اليوم لقيت المؤشر بيعلى بشكل مرعب لحد اما قرب على الاحمر ... نزلت اشوف فيخ ايخ لقتنى نسيت غطا القربة زودت المياه وقفلته وكله بقى تمام ... غريبة ان عندك ١٠ ايام ودورة التبريد فضلت طبيعية ...انا مش عاوز اقلقك بس اتاكد ان مؤشر الحرارة شغال صح ... ازاى بقى انا معنديش فكرة الحقيقة

لو عايز اغير مياه دورة التبريد ...يعنى انضفها اغيرها ازاى ؟؟؟؟مع العلم انى بحط مياه تكييف وخايف اغيرها بمياه خضره ولاقى بوظان فى الخراطيم وكده يعنى

اقتباس:

---

المشاركة الأصلية كتبت بواسطة farosco

لو عايز اغير مياه دورة التبريد ...يعنى انضفها اغيرها ازاى ؟؟؟؟مع العلم انى بحط مياه تكييف وخايف اغيرها بمياه خضره ولاقى بوظان فى الخراطيم وكده يعنى

---

نضف الردياتير و هتروح بنزينه نضيفه و تعمل غسيل دوره مغلقه و حط مياه مقطره يومين عشان لو فيه اى تسريب ولا حاجه و بعديها حط مياه تبريد موبيل 33 %او 50 % حسب الكتالوج

أرسل لكم تجربتى مع مياه التبريد لك تعم الفائدة على الجميع ولنعرف أين الخطأ وأين الصواب ، سياتى نوبيرا موديل 97 كنت بأضع مياه عادية ، وجاءنى صديق بجركن مياه خضراء من الكويت وهى ماركة عالمية وفرحت بها جداً وعملت عملية غسيل لدورة المياه عند متخصص ثم وضعت المياه الخضراء ، ثم بعد ذلك كل شيئ كان تمام لمدة شهرين ولكن بعدها لاحظت أن مفاصل ووصلات دورة المياة يظهر عليها لون مثل لون الصدأ ثم بعض الوصلات البلاستيك الموجودة بين الخراطيم تآكلت ووصلتين من البوابة تآكلت وعملتها فى المخرطة وفهمت بعد ذلك أن المياة الخضراء تقوم بإزالة الصدأ المتآكل إللى بيكون متجمد وسادد الأجزاء الدايبة وقد ذاب كل ذلك فبدأت هذه العيوب ، ثم حدثت مشكلة سخيفة وأنا على الطريق أن إحدى الوصلات بين خرطومين انكسرت لمثل هذه الأسباب وتم تصفية كل المياه ولم ألاحظ ذلك وفجأة بطلت العربية وبفضل الله ساعدنى شخص كان معاه وصلة نحاس أنبوبة وقام بتوصيل الالخرطومين حتى وصلت للمنزل بفضل الله فجزاه الله عنى خيراً ، وقررت أن أذهب لتغيير جميع الوصلات والكشف على الخراطيم ثم غسل دورة المياه ووضع مياه تكييف لأنها الأفضل ، ولعلمى بأن معظم أنواع المياه الخضراء والحمراء مغشوشة ، وعن تجربة الأفضل هى مياه التكييف . أرجو أن يستفيد من تجربتى الجميع ، دعواتكم .