المشاركة الأصلية كتبت بواسطة رمزى هيلم
خى الكريم ابو يوسف جزاك الله خيرا على ردك على
ولى سؤال هو الجواب مش متاخر كده يعنى ممكن ينتهى ولا ايه ولا له مدة محدودة هو معايا من شهر مارس 2014
وبعدين انا خايف اوى من بورسعيد مع ان معرض كريستال مش عارف عرفونى منين وكل يوم يتصلو عليه ورحت لهم شبين مرة بس لقيت المعامله كده مش تمام وشكل العربيات هلكانة خالص
طمنى الاول على موضوع الجواب وبعدين ساعدنى اعمل ايه واجيب منين وعاوزك ضرورى الله يكرمك تدلنى على حد من طرفك اكون شاكر ليك جدا ولو مفيش حد تبعك انا هستأذنك انك تبقى تيجى معايا وانا اسف على هذا الطلب بس والله انا اتبهدلت جدا جدا فى العربية الاولى وخايف ليتكرر الموضوع ده تانى تبقى مصيبة
انا همشى على حسب ما تعرفنى وتدلنى وانا متاكد انك انسان محترم وكريم ان شاء الله
والى الاخوة الافاضل اعضاء هذا المنتدى الرائع الى يعرف اي حاجة يدلنى عليها لو سمحتم انا مبعرفش اى حاجة فى موضوع العربيات خالص انت عارفين الواحد من صغره ومبيختلطش مع حد ولا له خبرة فى الحياة ولا فى التعامل مع الناس هو ربنا اراد كدا والحمد لله
فممكن تساعدونى انا هسلم نفسى لكم تماما وانا متاكد انكم باخلاقكم هتسعدونى كتير وان شاء الله نشترى حاجة كويسة ومش هبيعها ان شاء الله ويبقى دا جميل لكم فى رقبتى الى يوم القيامة جزاكم الله كل خير
وعلى فكرة انا بحب ومستريح اوى للاسكودا اوكتافيا بس الناس هنا مخوفنى منها جدا بيقولو قطع غيارها ناااااار وبتستهلك بنزين رهيب يعنى مش اى حد يقدر على الاسكودا ومصاريفها فهل دا كلام صحيح ول هى فعلا بتاكل البنزين
وياترى ايه رايكم الاسكودا ولا الماتريكس ساعدونى فى الاختيار او دلونى على الاحسن
علما بان استخدامى للسيارة كتير جدا يعنى بروح مشاوير وبشغلها اهو باب للكسب الحلال وتساعد على الحياة
وغالب مشاويرى مع الناس الاسكندرية والقاهرة ومسافات بعيدة فما رايكم ايه الى يستحمل ويوفر وتكون حاجة كويسة
منتظر ردكم على احر من الجمر
وجزاكم الله خيرا ووفقكم ووفقنى لما يحبه ربنا ويرضاه
اخوكم رمزى هيلم