ممكن الاخوه الاعضاء يفدونى فى تسعير عربيه كيا سيراتو هاى لاين فتحه سقف اوتوماتيك بس من غير البصمه
ماشيه حوالى 65 الف كيلو
فابريكه جوة وبره ؟؟؟
عرض للطباعة
ممكن الاخوه الاعضاء يفدونى فى تسعير عربيه كيا سيراتو هاى لاين فتحه سقف اوتوماتيك بس من غير البصمه
ماشيه حوالى 65 الف كيلو
فابريكه جوة وبره ؟؟؟
فى حدود 100 الف هيا مطلوب فيها كام
مطلوب 85
اكشف عليها كويس و ارفعها ف التوكيل
+ اتأكد من ورقها ف المرور علشان السيراتو بالذات كانت سرقتها كتيير
و ربنا يوفقك
هيا فى معرض عموما مش من حد
وانتوا شايفين ان ده مبلغ قليل فيها
يعنى ممكن يبقى فيها عيب وصاحبها عاوز يخلص منها وفاكر اننا مش هنشوفه
مبدأيا العداد وش شكله ملعوب فيه. .. استحالة تاجر يطلب ف عربية 60 الف كم وهاي لاين الرفم ده اكيد فيها مشكلة
يا باشا انا بقول 100 ومتاكد انك هتقول اكتر دى كده استحاله تكون فابريكه بالكامل
بالعداد دا وهاى لاين تعمل حوالى من 90 الى 95 الف جنيه من شخص عادى بس من تاجر يطلب 85 يبق لازم تكشف عليها كويس والله اعلم
شكرا للافاده من الجميع
طيب ممكن تقولولى اكشف عليها فين بالظبط
ايه الاماكن المضمونه الكويسه اللى لو صاحب العربيه كان بيضحك عليا ميعرفشى يضحك على اللى هيكشف عليها
العداد كده شكله فعلا مش مظبوط
العربيه كمان عند تاجر
الموضوع شكله مش سالك
لو عايز تكشف عليها اطلع ع التوكيل و هناك هتعرف لو العربيه متسجله هناك و عامله الصيانه هتعرف اخر صيانه عند عداد كام و ساعتها هيبان العداد ده ايه نظامه
نصيحه ابعد عنها احسن
هيا العربيه بتعمل الصيانه فى التوكيل ....... حاله العربيه ايه متهانه ولا زيرو ........ محتاجه رش ولا نظيفه ...... فبريكه بره وجوه ولا رشه بره
يا جماعه معلشى تقريبا العداد مش عامل الكيلوهات اللى بقولكم عليها
لسه مردش عليا التاجر واحتمال اروح اشوفها بكره
ان شاء الله
ويعنى ايه رشه بره وجوه
يعنى يكون حك فى حاجه فقشرت ورشها عشان يدارى الحكه ؟؟؟
يتبع...
انا سألت من اسبوع على عربية نفس المواصفات دى بالظبط و العداد كان 50 الف و كانت فى معرض و كان طالب فيها 105 اول كلمة
السعر قليل جدا و خصوصا انها في معرض
يعني لازم تقلق
نصيحة اكشف عليها في التوكيل و خد منهم تقرير رسمي