الموضوع: كيف تحافظ علي سيارتك وتطيل عمرها

صديقي المواطن
و أهم أهم نصيحة تحط أغلى أنواع الزيوت ولا تكتفي بالزيت فقط وإنما.معاها 3 أو 5 إضافات للزيت من اﻹضافات الحديثة وأغير فلاتر البنزين كل 10 آلاف وأنظف الرشاشات بعلبتين متظف رشاشات محترم كل شهر وطبعا زيت الفتيس اﻷوتوماتيك لازم نوع مفتخر وفلتر كل 50 ألف ويفضل على 40 ألف ودايما خد بالك من مراوح عربيتك ولو فيه مكان ركب مراوح بزيادة ودايما تابع تنظيف الراديتر مرة سنويا بالفلاش والجهاز وكمان فلتر الهواء كل 10 آلاف كيلو وهناك نصايح كتير منها تجنب غسل محرك السيارة نهائيا كفاية مرة كل سنة.أو كل سنتين وفيه طرق حديثة لغسله من غير مياه وهناك نصايح كتير منها ترصص العجل وتظبط زوايا كل شهرين وكل فردة تصلحها لازم ترصصها قبل متركبها ودمتم للنضال

تمام الله ينور عليك
وفي انتظار مشاركات الأعضاء
لننتفع بتجاربهم

مشكوررر يا باشا

متابع

وفية كام معلومة كدة علي قدي انك اما تيجي تاخد ملفات او يوتيرن انك تمور العربية عشان الكبالن مش تبوظ وانك لاقدر الله لو صادفك مطب وخلاص هتلبس المطب اوعا اوعا تدوس فرامل وانتة بتاخد المطب انتة تدوس فرامل قبل ماتاخد المطب لو لاقدر الله ملحقتش يبقي تسيب الفرامل لحد ماتنط المطب وقبل ماتفرمل حاول تمور العربية قبل مكان الي هتفرمل علية بحيث انك مش كل شوية تستهلك تيل الفرامل يعني خليها تقف مثلا قبل الاشارة لو انتة شايف اشارة الكاميرا الضوئية قربت تقفل حاول تمور العربية قبلها بفترة وكمان متركنش العربية وتخلي الكاوتش لازق في الرصيف او وانتة بتركن تفضل تحك العربية في الرصيف لان دا بيبوظ الكاوتش وبيبوظ السلك بتاع الكاوتش وبيبوظ كمان الشفة الخارجية للكاوتش ودي ملهاش علاج ولا حل للاسف وبلتالي هتبوظ الفردة الكاوتش ودة حصل معايا انا شخصيا وياريت محدش يسيب العربية والبنزين لحد اخر شرطة لان دا هيبوظ الفلتر البنزين والرشاشات دايما تحط بنزين بأستمرار ومتخليش العربية تفضي بنزين وياريت محدش يسيب العربية تركن في الشمس كتير حفاظا علي البوية والمواد الداخلية للعربية عشان الشمس بتبوظ كل حاجة ومن اسباب سرطان الزجاج الهواء المكتوم داخل العربية ولو الزجاج فية شرخ بسيط بيسبب سرطان الزجاج وكمان محدش يحاول يولع انوار العربية ويحمل كتير لان دا بيستهلك من البطارية وعمرها الافتراضي وكمان سلوك الضفيرة اكيد بتستهلك دة للي بيحافظ علي العربية كعمر اطول ومتخليش السايس ينضفلك العربية بفوطة زفرة لو كانت عربيتك فبريكة هتبوظ البوية بتاعة العربية هتلاقي كدة زي دواير وحاول تغطي عربيتك دايما في الاماكن الي فيها الشمس بلزات ومحدش يغسل عربيته بلناهار او تحت اضائة الشمس لان دا بياكل البوية وبيخلي كدة البوية تقشر واكيد ساعات بتشوف عربيات البوية بتاعتها متقشرة وتحس السقف والكبود زي مايكون لونهم ابيض مملح من تأكل البوية ودي يعني دي شوية معلومات علي قدي قولت اكتبهالكم