جبت طنابير و تيل جداد الأصلى و ركبتهم بره ولسه الدركسيون بيرعش لما ادوس فرامل هتجنن مش عارف اعمل ايه !!
عرض للطباعة
جبت طنابير و تيل جداد الأصلى و ركبتهم بره ولسه الدركسيون بيرعش لما ادوس فرامل هتجنن مش عارف اعمل ايه !!
لو لانسر بومه كراسى المكنه من غير كلام
وهاتهم اصلى
روح لعفشجى كويس واكشف على علبه الدركسيون و الكبالن
رعشه مع الفرمله بس ولا على السرعات كمان وانت ماشي؟ لو وانت ماشي كمان ممكن يكون ترصيص.
الكبالن
الترصيص ملوش دعوه بالفرامل
شيّك علي العفشه بالكامل وشوف البلى وشوف الكبالن :)
ببساطة شديدة ممكن يكون ظبط زوا اماميه وخلفيه وممكن جنط ملووح او كاوتش ملووح...
تحياتي
Sent from my Xperia Arc S using Forum Runner
انا انهارده بابوس على الطنابير لقيت لونها مطفى زى البنى كده هيا مش المفروض يكون فيها لمعه كأنها لون فضى ؟
و هل الطنابير الجديده بتتخرط !!!؟
بيبقي بوش في الكوبلن الداخلي ملوش صوت
ياريت تقول جبت الطنابير والتيل بكام وهل همة اصلي ولا مش اصلي؟؟؟؟؟؟؟
علي فكرة الطنابير فعلا بيبقي فيهم لون كدة زي بني دا طبيعي معروف بس عاوز اعرف انتة جبتهم من التوكيل يعني سعرهم دا من التوكيل وشامل الضريبة وكدة؟؟؟؟؟؟؟؟
مستنى الرد
كاوتش أو جنط أو كبالن
الكاوتش جديد مبقالوش 3000 ألاف كيلو و الجنوط لسه مرسسها و قولت للراجل فيها رفه قالى زى الفل و ده مركز بيردجستون عمارات العبور و ربطت عفشه والراجل بص على العفشه قالى مفيش حاجه كله مظبوط
انا مش عارف الطنابير وهيا جديده فيها عالى وواطى ؟!!! ولا ايه
مبقتش عارف أعمل ايه !!
ومش المفروض الجديده تكون سطحها مستوى ومش محتاجه خرط !
ونقول كمان... الكوبلن الداخلي
الطنابير الجديده سليمه متقلقش
جرب تحاول ترفع الهاند واحده واحده وأنت ماشي وأتأكد ان الطنابير خلفيه سليمه وراكبه مظبوط
حضرتك مغير الجنوط ولا الأصليه
متاكد ان الراجل ربط صواميل دشم الفرامل بعد ماغير التيل؟؟
وككان اتاكد من صواميل العجل...
الاتنين حصلو معايا قبل كده وعملو الرجه مع الفرامل وربنا سترها معايا...
تحياتي
Sent from my Xperia Arc S using Forum Runner
الكبالن الداخليه سليمه و كذلك الجنوط و الكاوتش
و انا برصص انهارده جبت d و العربيه مرفوعه من غير كاوتشات و شوفت الطنابير لقيتها بترعش وهى بتلف
ده كده عادى عشان الكاوتشات مش راكبه ولا كده الطنابير مش ماسكه صح و هى السبب فى الرعشه ؟
يبقي بلي عجل امامي
السلام عليكم
انا عندي نفس المشكلة عربيتي 2007 اتو
وبتحصل معايا مرات ومرات لا وانا على السرعات لكن والعربية ماشية مافيش اي حاجة والعربية ثابتة
روحت من فترة علشان اظبط الفرامل والرجل قاللي ان الطنابير سليمة لكن الاجهزة عايزة جلب وعملتها ولسة برضة في هزة ساعات بتحصل وانا مسافر
مش عارف اروح لحد بتاع عفشة ولا ايه
بص نسيت اقولك علي مسمار الكاليبر اكشف عليه
لا حول ولا قوه الا بالله
ربنا يكرمك وتلاقي حل
انا حصلت معايا بس في سويفت قبل كده
كان السبب طنابير
السؤال بقا انت جايب الطنابير كامله يعني بالصره ؟ بالمستر بكل حاجه ؟
حاول تشوف حد صاحبك وتغير معاه الكاوتش وتشوف الاخبار ايه لان ممكن الكاوتش يبوظ لو حتي لسه طالع من المصنع بسبب طرقنا الجميله
ويارب تلاقي حل باقل التكاليف او توصل للعيب علي طول