الموضوع: نقول كمان التوكيل وال...... نمشيها معلش والمهمة الصعبة:)

المشاركة الأصلية كتبت بواسطة khaabas

بما ان الفكرة موصلتش فى الموضوع الاولانى وقعدنا نتخانق مع بعض :)
نقول كمان ونوضح اكتر :)

دلوقتى روحت اعمل صيانة لعربيتى فى احد مراكز الخدمة المعتمدة كنت بغير فلتر بنزين وبمنكش فى شوية حاجات

المهم كنت عارف ان الفلتر فى التوكيل ب 300 جند بالضريبة من موضوعات الاعضاء

سألت بتاع مركز الخدمة المعتمد بكام يا عم الامور الفلتر واشوف البارت نمبر والفلتر نفسه قالى ب 220 جند
نحط خط تحت 220 جند ازاى فى التوكيل ب 300 جند وفى مركز الخدمة المعتمد ب 220 جند لان مركز الخدمة المعتمد اصول تكون قطع غياره من التوكيل

المهم نشد السيفون على الكلام ده كله
روحت بره وسألت عند الريس ستمونى حبيبي بتاع قطع الغيار بكام يا ريس ستمونى :) فلتر البنزين الاصلى قلى ب 150 جند قلت له ورينى يا ستمونى لقيته الاصلى وعليه ختم هيونداى المهم وعلشانى يا حبوب بكام قلى ب 135 جند

ياااااااااااااااااااااااا ااااه من 300 جند ل 135 جند مشوار برده وفى حاجة واحدة بس وقمت ساحب بريك هاند من الحنجرة :)
شد السيفون على الكلام اللى فات
----------------------------------------------------------------------------------------
قلته بقولك ايه يا ستمونى يا حبيبى :) طقم البيوجهات بكام قلى 120 جند يا برنس وعلشانك 115 جند بس وفى مركز الخدمة كان 200 جند غير الضريبية
وهكذا !!!!!!!!!!!!!!!!!!!!1
-----------------------------------------------------------------------------------------

يجيلى واحد ويقول وبعدين عاوز توصل من اخر اللوك لوك ده ايه
عاوز اقول ان ليه تدفع كتييييييييييييييييييييييي ير ويضحك عليك لما ممكن تعمل بتمن صيانة واحدة صيانتين تلاته لعربيتك
هتقولى اصلهم موش عارف ايه هع هع هع هع اهى دى بقى لامؤاخذه اخر نكته
ويا سلام لو حبيت تغير حاجة فى فترة الضمان يطلع عينك ويقولك ده عيب يوزر ههههههههه

وعالفكرة لو طلع حاجة توجه عالطول لحماية المستهلك الهدف من اللوك لوك ده لازم نصحى وكفيانا تفريط فى حقوقنا ويضحك علينا :)

-----------------------------------------------------------
لو حد موش فاهم حاجة انا عذره والله لانى برضه موش فاهم حاجة من اللى فوق ده :)

المشاركة الأصلية كتبت بواسطة profimh

الكلام ده مضبوط و لا غبار عليه
نفس الحقايق اللى مكتوبة انا واجهتها مع الالنترا ال hd وتقريبا نفس الاسعار و العربيتين فيهم نفس الموتور و الفتيس
اما موضوع ان احنا نسكت على حقنا فانا معاك قلبا و قالبا الساكت عن الحق شيطان اخرس
عربيات هيونداى عربيا ت كويسة و زى الفل و زى ما بندور على قطع الغيار اصلية بره غبور و بنلاقيها و برضه زى الفل فاحنا لازم ندور على العربيات برضه بره غبور و نجيبها تطلع خليجى هندى المهم ميتحكمش حد فينا بالشكل المستفز ده لأ و يهددنا يا تعملوا الصيانة عندى و تشتروا القطع الغيار منى يا إما مالاكش حاجة عندى ازاى
و عليه فإنها تغور من وش غبور
اسف طولت عليكم

كلام العضو الفاضل صاحب الموضوع مضبوط 1000.000% و مفيهوش كلمه و احدة غلط و كلام أخويا و حبيبي إبراهيم باشا مضبوط برضو . بس إحنا عندنا مشاكل كتير مع التوكيلات عموماً مش غبور بس ... عندنا مشاكل مع المواصفات و الأسعار و محدش يقلي أصل الدولار على شان معملش معاه الجلاشة ... ليه ميجلناش حاجة محترمة بنفس المواصفات الي بتنزل أوروبا و أمريكا ليه مش إحنا بندفع فلوس و لا إحنا بندفع ورق جرايد ..؟؟ ليه يبقى في 12 فئه في عربية و واحده تانية 6 فئات ليه الهبل ده كلو و ليه يرجعو يموصو دمنا في قطع الغيار و الضريبة !! ده كلو كوم و الضريبة كوم تاني بجد يعني عايزين يخدو فوق دماغهم. و ديني أنا ماسك نفسي بس على شان متوقفش في المنتدى ... هو في إيه هو خلاص محدش بقه عندو دم و لا إحساس و لا خايف من رب العباد ... لازم نوضع حد لكل واحد من أصحاب التوكيلات خاصة و لكل واحد فاكر نفسه أعلى من غيرو و أقوى من غيرو في البلد دي ... لازم قانون يحمينا إشمعنا هما محميين بفلوسهم و بعلاقتهم و احنا ندفع و نسكت . هي فلوسهم دي منين مش من جيوبنا و من عرقنا و شقانا التوكيلات كلها لازم تتربى و تتعلم الأدب و تعرف إن الله حق و يبقى فيه قانون سريع و يطبق على الكبير و الصغير علينا و عليهم. العدل حلو و مش كل واحد يغلي على كيفه لأ يبقى فيه حد أدنى للمواصفات و حد أقصى للسعر و حد أدنى لمواصفات الأمان مش الي احنا بنشوفو ده ... البلد كلها عايزة إحلال و تجديد مش التوكيلات بس ...