الموضوع: طلب نصيحة: أشتري الإلنترا في العرض الآن وللا أنتظر ال ٢٠١٤؟؟!

المشاركة الأصلية كتبت بواسطة dadapharma

صح كده هو ال ABS بيشتغل مع الفرامل الفجائية بس لكن لو ضاغط فرامل عادية مش هيشتغل و فى ناس كتير بتقول أن ال ABS ممكن الأستغناء عنه مع السائق المحترف .. يعنى الى بيعرف يتحكم فى الفرامل و يمنع العربية أنها تزحلق منه (يكارك) مش محتاج ABS بس ميزته لا قدر الله فى المطر و الرمله مع التوقف الفجائى .. جربته على رمله قبل كده و دى ميزته .. لكن فى الظروف العادية لما بيشتغل معايا بشيل رجلى من على الفرامل لأنها صوته و دببته مزعجة شوية (تحس بشواكيش بتدبب فى رجلك و فى بطن العربية)................ نصيحة مهمة جدا أنا شارى الفئة التالتة بال ABS + single air bag + immobllizer كانت ب 152 ألف فى شهر مايو الى فات.. تزيد 7 ألاف جنيه بس عن الفئة الأولى بزيادة التلاتة أوبشنز دول...... الفئة التانية نفس السعر تزيد الجنوط و السقف عن الأولى!! الفئة التالتة أحسن فئة سعرية و عوامل أمان سيبك من فتحة السقف و الجنوط .. الأمان أهم من المنظرة .... مفتقد سنسور البارك بس و بدور على كاميرا خلفية بس من غير ماتوصل على الضفيرة عشان الضمان....للعلم العربية تحفة و سواقتها أمتع من بعض العربيات الألمانى و اليابانى الأغلى منها سعرا..الماتور و الفتيس جامدين بجد.. أستخر الله و بالتوفيق

كل الناس اجمعت فعلا اني اجيبها بال abs و انا من النوع اللي مش بيغير العربية كل كام سنه فا قلت ياللا بالمره مع اني طول عمري باسوق من غير abs
للأسف أغلب الفئات مش موجوده فا غيرت الحجز لل gls اللي فيها abs و airbag زياده مع اني ماكنتش اعفع المبلغ دا بس الحمد لله يارب بس تكمل علي خير

شكرا جزيلا علي النصيحة :)

المشاركة الأصلية كتبت بواسطة Silent~Dream

ممكن اعرف احتياجات حضرتك فى العربيه ايه عائليه ولا ليك انت و افراح و جو من ده و سفر و لا جوا المدينه واعاده البيع مهمه ولا لا و كمان كام سنه ؟

شوف يا سيدي البيت و المكتب في نفس الشارع الحمد لله بعربيتي القديمة كنت باعمل حوالي ١٠٠٠٠ في السنة.
اشكرك جزيلا علي المساعدة الحمد لله لقيت فئة في ال gls فيها ايرباج زياده و abs ادعيلي تكمل علي خير :)

المشاركة الأصلية كتبت بواسطة Maghraby1987

العفو يا باشا
اولا لازم تتاكد من الكلام ده الاول لأن اكيد مس هتصرف نظر عن العربيه من كلام مش اكيد
ثانيا عربية زيرو كده كده هتعملها صيانة في التوكيل اول كام سنة
اخيرا كل العربيات الجديدة كلها قطع غيارها غالية في التوكيلات سواء كوري او ياباني او اوروبي او حتي صيني

و ممكن برضو تشوف بيجو 301 مش شرط لانسر يعني

صدقني بقالي شهرين باعمل ابحاث لغاية ما اقتنعت بالإلنترا لأسباب كتير... هي مش احسن حاجة بس بالنسبة لظروفي و امكاناتي هي الانسب... و كمان اللي ادركته ان مافيش عربيه مافيهاش عيب او مشكله بس الموضوع subjective حسب تقبل كل واحد فينا
اشكرك شكرا جزيلا علي النصيحة :)

المشاركة الأصلية كتبت بواسطة ultramisho

فعلا انت ليك حق في اختيارك
هي العربية مش فظيعة يعني زيها زي الي في فئاتها السعرية
لكن تتميز بصالون واسع فعلا وسحب قوي وتكييف ثلاجة ده بجانب شكلها اللطيف وخاصة التابلوه
العربية معقولة بس لازم الايموبيليزر والاير باجز والايه بي اس

تحياتي

انا عايز اتأكد و أنا باستلم من الموضوع دا .. ياتري عندك فكرة شكل اللمبه اللي تبين ان العربية فيها الإموبيليزر مش انزار عادي ايه؟