طلب نصيحة: أشتري الإلنترا في العرض الآن وللا أنتظر ال ٢٠١٤؟؟!

**RimounAdel** · 28-09-2013 07:22 PM

ياريت خبراء الهيونداي يساعدوني
أشتري الإلنترا ال gls1 ب ١٥٥٥٠٠ وللا أنتظر ال ٢٠١٤؟؟
أنا خايف أنتظر تنزل أغلي و بصراحة مش هاقدر ادفع اكتر و خصوصا لو نزلت من غير العرض هايبقي فرق كبير عليا و طبعا هاتبقي بايخة لو اشتريت و نزلت بعدها ال ٢٠١٤ باسبوعين بنفس التمن
افيدوني افادكم الله
شكرا مقدما

**micho129** · 28-09-2013 07:36 PM

buy it 2014 will cost more for sure !!

**Haitham Basha** · 28-09-2013 07:48 PM

لحظة واحدة بس حضرتك بتقول الـ gls1 بكام بـ 155.500 جنيه مصري طب ممكن حصرت تقولي المواصفات إيه على شان بس عايز أتأكد من حاجة !!!

**RimounAdel** · 28-09-2013 08:31 PM

المشاركة الأصلية كتبت بواسطة micho129

buy it 2014 will cost more for sure !!

This is what I'm thinking about :)

**eng.salama93** · 28-09-2013 08:32 PM

غالبا دي اللي مفيهاش إيموبلايزر صح ؟ ؟

**RimounAdel** · 28-09-2013 08:35 PM

المشاركة الأصلية كتبت بواسطة haitham basha

لحظة واحدة بس حضرتك بتقول الـ gls1 بكام بـ 155.500 جنيه مصري طب ممكن حصرت تقولي المواصفات إيه على شان بس عايز أتأكد من حاجة !!!

هيثم باشا قبل ما ارد عليك اسمحلي احييك علي مواضيعك... ساعدتني كتير في علمتني كتير و انا بادرس الموضوع :)

بخصوص المواصفات هي تزيد عن أول فئة من الأوتوماتيك بالآتي: التكييف الديجيتال و كاسيت مختلف و جنوط ١٦ و سينسورز باركنج و مطر و نواكل و شوية حاجات تانية مش فاكرها بس هي مافيهاش abs ولا فتحة سقف.

**RimounAdel** · 28-09-2013 08:37 PM

المشاركة الأصلية كتبت بواسطة eng.salama93

غالبا دي اللي مفيهاش إيموبلايزر صح ؟ ؟

لا قالولي في غبور ان فيها إيموبيلايزر و انا منتظر بكرة الصبح علشان يتأكدوا لي من المعلومه دي.
علي لالعموم لو مافيهاش مش هاشتريها طبعا :)

**saddam** · 28-09-2013 08:41 PM

صديقي المواطن
لو حتعرف تخلي التوكيل يضمنلك إن اللي حتاخدها.منهم هو إنتاج 2014 وميكونش خزين 2013 يبقه تستنه طبعا إنما لو كانت هي هي فخد 2013 والنصيحة السنة خلاص خلصت حط فلوس العربية في البنك وديعة وخد 11.5% لغاية مييجي شهر 2 من سنة 2014 فلو غليت فإنت حاسب حسابك ولو مغليتش آدي فلوسك زادت وملحوظة متقوليش حلال وحرام عشان مندخلش في موضوع ثاني وكثير من العلماء أفتى بحلية فوائد البنوك بسبب أنها بنوك إستثمارية وأيضا التضخم يأكل رأس المال سنويا وده.رأيي ونصيحتي ليك وأرجو من اﻷخوة الزملاء منقلبش موضوع الراجل لموضوع حلال وحرام مش فاضيين ودمتم للنضال

**RimounAdel** · 28-09-2013 08:46 PM

المشاركة الأصلية كتبت بواسطة saddam

صديقي المواطن
لو حتعرف تخلي التوكيل يضمنلك إن اللي حتاخدها.منهم هو إنتاج 2014 وميكونش خزين 2013 يبقه تستنه طبعا إنما لو كانت هي هي فخد 2013 والنصيحة السنة خلاص خلصت حط فلوس العربية في البنك وديعة وخد 11.5% لغاية مييجي شهر 2 من سنة 2014 فلو غليت فإنت حاسب حسابك ولو مغليتش آدي فلوسك زادت وملحوظة متقوليش حلال وحرام عشان مندخلش في موضوع ثاني وكثير من العلماء أفتى بحلية فوائد البنوك بسبب أنها بنوك إستثمارية وأيضا التضخم يأكل رأس المال سنويا وده.رأيي ونصيحتي ليك وأرجو من اﻷخوة الزملاء منقلبش موضوع الراجل لموضوع حلال وحرام مش فاضيين ودمتم للنضال

صدقني كلام زي الفل بس المشكلة اني تقريبا بعت عربيتي خلاص و ممكن اتحمل اسبوعين تلاته من غير عربية بس ٥ شهور هايبقي انتحار... بس ياريت تفهمني اشمعني شعر فبراير ؟ انا سمعت ان من الشهر الجاي هاتنزل ٢٠١٤ بس طبعا مش متأكد من صحة الكلام دا. و بالنسبه لموضوع ان التوكيل يبيع القديم علي انه ٢-١٤ اعتقد هاتبقي صعبة لان ال ٢٠١٤ فتحة التكييف مكانها متغير تماما و فيها كشافات ليد.

**Silent~Dream** · 28-09-2013 09:01 PM

لا تشترى النترا 2013 او 2014 من غير امبوليزر او abs و اكيد 2014 هتكون اغلى فتلحق و تشترى دلوقتى ولو الفئه دى gls ال abs اختيارى ومش شايف كلمه امبوليزر او مانع اداره المحرك خالص .

هيونداى مصر