عرض للطباعة
شباب
أنا عايش في الخارج ونازل مصر اجازة أسبوع أو 10 أيام...في شهر نوفمبر إن شاء الله.
محتاج أجدد الرقم القومي بتاعي وأجدد رخصة القيادة. الإثنين انتهوا من فترة.
يا ترى إيه الاوراق المطلوبة بالتفصيل وأروح فين؟
كمان المشوارين دول ياخدوا قد إيه وقت؟
شكراً مقدماً
وظيفتك مكتوبة ايه حاليا في الرقم القومي
و هتغير اي بيانات بخلاف التجديد (عنوانك او حالتك الاجتماعية) ؟
عالعموم احسن حاجة تروح العباسية و تطلعها مستعجل بتطلع في 3 ايام ....... المستعجل في اي مكان تاني بياخد اسبوع عالاقل
الرخصة بعد ما تجدد البطاقة
هتروح نيابة المرور التابع لها رخصة قيادتك تطلع شهادة مخالفات لرخصة القيادو
كشف طبي باطنة و نظر و عليه صورك
الرخصة المنتهية لو مش من نفس المرور اللي عنوانك تبعه حاليا هتروح المرور السابق تجيب شهادة بيانات للرخصة
هتاخد ده كله و تروح المرور اللي انت تبعه و تجدد الرخصة و بتخلص في يومها
فيه ناس في العباسيه بتخلصلك الورق كله وتستلم البطاقه على طول - تقريبا بياخدوا 100 - 200 جنيه ويخلصهالك عقبال ما تقعد تشرب الشاي d:
اعتقد دي نصباية و الله اعلم لان مفيش بطاقة فوري البطاقة بتاخد 3 ايام عالاقلاقتباس:
المشاركة الأصلية كتبت بواسطة dodge2013
هوا بيسلمك البطاقه بتديله الفلوس مفيش حاجه بياخدها الاولاقتباس:
المشاركة الأصلية كتبت بواسطة أحمد كمال
بس للأمانه مجربتش بس هوا معروف اوي هناك d: